Giidaheechta 9:20 - NEAJEEDA EESH BEA BUUNEESSEAN

²⁰ Nea buuneeda mwaatukwa, mwabwara dawni, ghanyea maduukkuunana aba gadiyoojiga nyaawa sin aba geattinga nyaawa ghana ghwanung'waada ghadoowanda meangeenda ea haleanjeeda mawosa Aseetta sisna lagheanga meang'meang'i ea shiliingajeega ea lagheanga areeri ea lagheaneeda ea geetta, nyooea moammu ghoang'wearda ghana ghwayiiy ghana gaweelweel;

Bibliyeeda Ghaydit

²⁰ Nea buuneeda mwaatkwa, mabwara dawni, ghanyea maduukuunana aba gadiyoojiga nyaawa sin aba geatinga nyaawa ghana ghwanung'waada ghadoowanda meangeenda ea sanaamu sisna dahaabu ea shiliingajeega ea lagheanga areeri ea lagheaneeda ea geeta, nyooh ea moamu ghoang'wearda ghana ghwayiiy ghana gaweelweel;

Giidaheechta 9:20 Mawu Ofanana

Mattayo 21:32

Aba gideaba Yohaana ghayi ghwaan heedeang'wa aba naweeda doabiiwaat ak ea moamwasi agooga, amaduw ghamwas fuga ang'ng'oonyi gwaadi ea fuga hiseada. Earappeadi noadaayi haleanjeeni seaniin ghanyea miyaduukkuunana ghana amwasa niny.

Gadiyeeda Giijasoodiga 17:29

Ak aseasa iisiwoschi diibiga Aseetta, ea mwahida gideaba geenung' gawuurji Aseetta lagheanga meang'meang'i, ghana lappiya, ghana lagheaneeda, sin siida ea ghwadaamdaam aba gearinda.

Gadiyeeda Giijasoodiga 19:26

Ak ghamneawa gajayiinya nea gajadeaksiina geat ng'asheega ak ea meakghusa aba Efeeso niriikghta googuulli ng'eanyiisean bea Asiya niny nighurghur fuga saang'a nea ghwayam fughareenga buuneeda nea gwayi aseechcheekiga sisna geattingean mii aseechcheeka huumwa gil.

Gadiyeeda Giijasoodiga 7:41

Iiduw geesin meayda aba askwearjoojikka, amahit geattaw lukghamajeega gidamawosa Aseetta nea geesin ghweelmeeda hean gahoosassa gadiyoojiga geattinga nyaawa.

2 Goriinto 12:21

Aniini ghaawalli gideaba gajiiduw iyaawunnyi gichcha gayghwahiing'naan Aseetteanyu aba madeedeang'wa, ak abeeda geagiisannyi appadahuukka fuga saang'a ghayi sin ring'eeda ammwadiin ak ea mii gwaduukkuuna munyinda, ea munyinda, ea hiseadayeandumeeda ghayi sineadayyi.

1 Dimotteo 4:1

Asi ng'asheanji gabean gwargu Gurorooda Ghaydit nea ghwadaajiit bea gideaba damanda huydean gwanda fuga jea gooheelli geat masaweega, ak gooleeysiit fuga ng'uyyeega ea ginealshooda Shattaani.

Giidaheechta 15:1

Hean ghaadaayi gwadeagooda nuut aba humng'eeda, nea ahaw ak daamdaamwaat, malaykaji ispwa mideawa sawanaduut ispwa was gea huydean, aba gideaba appadaydeaba suuh niduulean nyarasta Aseetta.

Giidaheechta 16:8

Gohiisa malaykajeandida bea ang'waniin gweeriidaannyi badayda aseetta, ak geenung' ghaghwarda buuneeda aba beasta;

Giidaheechta 9:19

Aba gideaba uurdeaba farasajeesu gwanda ghuusiga nyaawa ea shoomng'eega nyaawa; aba gideaba shoomng'eega nyaawa gawuurji ichchipkeega, nea gwandeawa iheenga, nea inyeessa gaganyeattiida.

Giidaheechta 9:21

ak ea maduukkuuna nuusta nyaawa bea buuneeda, ghana beeneetkuumeeda nyaawa, ghana munyasnachcheekka nyaawa ghana gwadishta nyaawa.