Giidaheechta 9:11 - NEAJEEDA EESH BEA BUUNEESSEAN

¹¹ Ak gwandeawa sugoochcheanda ambal saawa was malaykajeanda shoomanda mammuudeana, ak gheawungaaschi aba iitta fuga Ebraniya geguura Abadooni, nea aba ghuutta Yunaani geeguura Appoliyoni. (nea gideaba habitkweeda).

Bibliyeeda Ghaydit

¹¹ Ak gwandeawa sugoocheanda ambal saawa was malaykajeanda shoomanda mamuudeana, ak gheawungaaschi aba iita fuga Ebraniya geeguura Abadoni, nea aba ghuuta Yunani geeguura Apoliyoni (nea gideaba habitkweeda).

Giidaheechta 9:11 Mawu Ofanana

Lukka 8:31

Gamearmearani Meangeenda nea gwayeeshsha, Geemuschcheey, adiiduu ginung' eeweaya jeeshshoomanda sheagi.

Yohaana 12:31

Damani nihitta heeda jea ergweaksiina ng'eanyiini, nihitta damanda jea ejakteawa siida ahaaghwa ng'eanyiini.

Yohaana 14:30

Maygutteabaloolaneegwa gichcha ng'asheega saang'a aba gideaba siida ahaaghwa ng'eanyiin gayghwaan. Aba heedeanyu niny moammu gil;

Yohaana 16:11

aba ng'asheega girgweaksiinda, aba gideaba siida ambaliischi bea ng'eanyiida sirgweaksa.

Yohaana 5:2

Aba hoowa bea Yerusaleemu neekkeewa gidaghuutta gisilgean gwanda dabascheanda suguura aba iitta Ebraniya Betsada, nea gwandeawa dodonung'weak muut.

Yohaana 8:44

Agooga gobeayi ghweandeang'wa was Meang'nyeandeenda ak iissa googasayi asna gitta bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madobiiwsiina humeanda aba gideaba manda jeadaannyi humeanda. Iissa irugu ng'uyyeega gwargu aba gitta biit siratta ninyiin, aba gideaba niny gaba ng'uyya, ak ea ghweanda ng'uyyeega.

2 Goriinto 4:4

Aba sareani aseetteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa gigheambiitta Gristo, nea niny gawuurji sea Aseetta.

Efeeso 2:2

was gea ghayi oayaachchi geeshta nea goommaseawji seareetta bea ng'eanyiidean, nea ghoayaachchi geeshta sugoochcheanda mideawa uurda humng'eeda, gurorootta ghamneawa sin gadiyeeda aba jeeda balloojiga fuga manda mureedean.

1 Yohaana 4:4

Diibiga manang'i, agooga goobeayi Aseetta, ak ea noajoarji saawa; aba gideaba dea mida jeedeang'wa ahaweawa dea mida jeeda ng'eanyiida.

1 Yohaana 5:19

Aseasa geanalli gideaba geebeayi Aseetta, ak ng'eanyiissean goombal diitta muyiin.

Giidaheechta 12:9

Ak geejaksa ng'eanyi hararjootta haw was ichchiboodeaba garayiin, suguura Meang'nyeandeenda ea Shattaani, was dea reengani ng'eanyiisseaniin, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Giidaheechta 16:16

Ak goomuguushsa saawa hiji suguura aba ghuutta Ebraniya Armagedooni.