Giidaheechta 7:3 - NEAJEEDA EESH BEA BUUNEESSEAN

³ nea gwayeeshsha, “Adoosawannyi ng'eanyiida ghana basooda ghana geediga, ea eaghus ea siyiinnyi girooraneeda gheamanuunakka soomjooga Aseetteanya.”

Bibliyeeda Ghaydit

³ nea gwayeesha, “Adoosawanyi ng'eanyiida ghana basooda ghana geediga, ea eaghus ea siyiinyi giirooraneeda gheamamuunatka soomjooga ASEETEANYA.”

Giidaheechta 7:3 Mawu Ofanana

Mattayo 24:22

Nea ghwanyawa askwearjoojusu dagheeda ea meannuwaasa ghwanyawa ea maygwanda sichchea ghwalalaan; iiduw geelagu askwearjoojusu appadahuukka fukghayi sibay ealoat.

Mattayo 24:31

ak gaygoojeakta malaykajeegaaschi ghaghuut muuchchi durumbeatti ak gaygaweay gooweamu fugaaschi loat aba murdajeega assang'wan bea ng'eanyiida, ghang'eada murdeeda humng'eeda meatkweeni ea gagul meatkweetta.

Yohaana 12:26

Siida jea gwasinnean gadiyeeda geaghus gweadu geeshtteanyu; ak abeeda heeda eandi aniini eara soomjeadeanyu gaygwanda eara niny; siida jea gwasinnean gadiyeeda abeeda gaygwasissa Bwaabwa mureeda.

Yohaana 3:33

amaduw siitta mwas muwwunoadaannyiin, abeeda eara niny ea niroor gideaba Aseetta huumwa.

Ruumi 6:22

Ak ghamneawa iisinung' ooppala geat ak goosheagiidi ring'eeda ak geanung' ahuuwa ging'ng'oonyanga Aseetta, abeeda gichchea anyasa gimminnooda gil, ama aba huydeanda gajanyasa eaweega manda muudeanooda.

Giidaheechta 13:16

Hit gageanu sean fuga manang'i ea gea hees, fuga sean was meanang'oodiga ea gea barbari, sean fuga abal geat ea ging'ng'oonyanga, ak geayiin giirooranga geattinda dugwa ghana gheamamuunatka,

Giidaheechta 13:17

ak abeeda ea siida jea ghoammu ghwasha gil ghana ghwashaayda, geaghus gwandeawa giirooraneedida was gheawungeaba diyeaydideaniin, ghana moonneeda gheawungaaschi.

Giidaheechta 14:1

Ng'atta ghaang'weardi, ak ghadaayi gwanda uhuuda Giijeeda Sayuun Dayeenda Gisilleanda nea ghamiinaada, nea gwandeayi sea niny fii sagalamnyooji bughala ea haradam ea ang'wan nea gwandeawa gheawungaaschi ea gheawunga Ghwaan nea sung'oorsa gheamamuunatka nyaawa.

Giidaheechta 14:9

Gweadu geeshta nyaawa malaykajeanda nuut bea samwagu, nea gwayi aba ghuutta haw, “Giliwassean ighadoawan diyeanyi ea gissirattiida, ak ghwanyas giirooraneeda aba gheamamdaannyi ghana geattindaannyi,

Giidaheechta 19:2

aba gideaba girgweageadaannyi dea huumwa gil nea doabiiwaat; aba gideaba nirgweaksa hiseadaydida hawiin ghayi datas ng'eanyiida aba hiseadayeandumeandaannyiin, ak ea niwalda appadaydaannyi foojeanda soomjoogaaschi.”

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuukka fuga jea goorgweach. Ak ghaadaayi guroruunatka fuga ghayi silajaada gheatkweaka aba badayda muwunnooda Yeesu ea appadayda ng'asheanda Aseetta, ea giikka ghayi mii ghaghadoawan diyeaydideaniin ghana gitta sirattiidean nea miighwanyas giroraneadaannyi aba gheamamuuunatka nyaawa, ghana geattinga nyaawa. Ak gwaduuttu, ak goombaliischi sea Gristo gweannyeew sagalam.

Giidaheechta 22:4

ak gayghwadaa gheamamdaannyi, nea gheawungaaschi gaygwanda gheamanunatka nyaawa.

Giidaheechta 6:6

ghaayiinyi giduurji nyeashta aba bugusteaba diyeangiga majeekcheewi asang'waniin, nea gwayi, “Gweeriida nngano nea gogween iyyeenya sishaaha dinarajanjagi, ea gweeriida riighu bea nnganooyda suguura shayiiri sishaaha dinaari; ak ea adidattasi, nagheeda ea difaayi!”

Giidaheechta 7:1

Iing'atta suu ghaadaayi malaykaji ang'wan nea ghamiinaada aba murdajeega assang'wan bea ng'eanyiida, nea ghwadeal jeammeeda leabu murdajeega assang'wan bea ng'eanyiida, aba gideaba ea mwaghuunna jeammeeda appadayda ng'eanyiida, ghana aba jeeda basooda ghana ghaghuut geetta wassean.

Giidaheechta 7:2

Ghadaayi malaykajeanda nuut nea gwascheang'na heeda arearuuna aseetta, nea gwandeawa giirooraneeda Aseetta majeek, hean gaguurda aba ghuutta haw ak gaguursa malaykajeegiga assang'wan ghayi siittaw uurda jea gwasawana ng'eanyiida ea basoodean,

Giidaheechta 9:4

ak geeyeeshsha adoosawannyi nyeega mida ng'eanyiida ghana gilwassean nyawiish, ghana giliwas geetta geaghus fukka mandeawana giirooraneeda Aseetta aba gheamanuunatka nyaawaan;