Giidaheechta 7:15 - NEAJEEDA EESH BEA BUUNEESSEAN

¹⁵ Ak gwanda madeeda hoorgeeda gheambalmeeda Aseetta, nea gagadiiyeesa askweari ea eawa aba jeedeaba gheannyi sibatta Aseetta; ak ninyeeda apteada aba uhuuda hoorgeeda gheambalmeeda gaygookkwa saawa aba gideaba gwanda hiji.

Bibliyeeda Ghaydit

¹⁵ Ak gwanda madeeda hoorgeeda gheambalmeeda ASEETA, nea gagadiiyeesa askweari ea eawa aba jeedeaba gheanyi sibata ASEETA; ak ninyeeda apteada aba uhuuda hoorgeeda gheambalmeeda gaygookwa saawa aba gideaba gwanda hiji.

Giidaheechta 7:15 Mawu Ofanana

Yohaana 1:14

Ak iiduw ghoaw Ng'asheandida saseeda ak goobiida jeedeanya, niny ghwannyiit dagheerjeandumeeda ea humeanda ak ea sidaayi, gigheambiittaannyi, gigheambiitta uurji dea Balleanda was haghasheeda leabu heeda Bwaabwa.

1 Goriinto 3:16

Moanali gideaba agooga goowooschi gheeda sibatta Aseetta bea Aseetta, ea gideaba Guroorooda Aseetta gwanda jeedeang'wa?

2 Goriinto 6:16

Neada gwanda neajeemba naaha dageascheeda gheada sibatta Aseetta sea gidamawosa Aseetta? Aba gideaba aseasa geewoschi gheeda sibatta Aseetta majeek; ak gawuurji ginnyaashta Aseetta nea gwayi, “Gaydeabiida jeannyaawa, nea gaydaneayeewa jeanyaawa, ak gaydoaw aniini Aseetta nyaawa, nea ghoaw saawa fugeasu.

Ebraniya 12:2

nea geeng'ulayi Yeesuuyda asheeda was dea amajeek masaweagaasa, was dea aba hooseaneega siyiin madeadaannyi ghoahang'waay aba beehiida, ak gafool baspaseega, ak goopteada aba meatkweeda geattinda dugwa bea hoorgeeda gheambalmeeda Aseetta.

Ebraniya 8:1

Asi ghamneawa huumeanda surgu nihi: geendeawi ashoohoochcheanda haw uurjunu, siida apteada aba meatkweeda geattinda dugwa bea hoorgeeda sugoochcheandumeeda Aseetta was Ng'uttamiida aba humng'eeda,

Giidaheechta 11:19

Ng'atta geettin Gheeda sibatta Aseetta mida humng'eeda, ak geadaah sandakwajeanda digheanda aba jeedeaba gheannyi sibatta Aseetta; abeeda gwanda dadamandeeda, ea nyeashta, ea gighweendandeeda humng'eeda, ea sawooda ng'eanyiida, ea roopta haw muuchchi bea lagheanga.

Giidaheechta 13:6

hean ghwajaat ghuuttaannyi gong'eawi Aseetta, nea gong'eawi eara gheawungaaschi ea heeda abiitta, nea gea abiitta humng'eeda.

Giidaheechta 20:10

ak geejaksa meang'nyeandida reengani saawaan jeeda basooda beasta ea giikkayda heeda mida diyeaydida ea sibaneeda ng'uyyeega, ak gajeesawan askweari ea eawa ea ghoaw damanda manda muudeanooda.

Giidaheechta 21:22

Ak ea mwaadaahi, gheeda sibatta Aseetta aba mujiini, aba gideaba gheennyaawa sibatta Aseetta Ng'uttamiida was Aseetta Hoauur ea Dayeenda Gisilleanda.

Giidaheechta 22:3

Ak ea maygutgwanda gilinyoo ea moshteayda gil, nea hoorgeeda gheambalmeeda bea Aseetta ea dea Dayeenda Gisilleanda gaygwanda jeadaannyi, nea soomjoogaaschi gayghoaghadoawan niny,

Giidaheechta 22:5

Ak ea maygutgwanda eaweeda; nea magasa weeshinda gheaboong'nyeanda ghana aseetta aba gideaba Ng'uttamiida was Aseetta gayghoaw weeshinda nyaawa, saawa gaygoombaliischi ea ghoaw damanda manda muudeanooda.

Giidaheechta 4:4

Ak gwaneaweesa hoorgeedida bea gheambalmeedean hoorgaji diktam ea ang'wan bea gheambalmeeda, ak ghaadaayi gwearu diktam ea ang'wan, aba uhuudeaba hoorgajeegiga bea gheambalmeedean nea goobiitbiit, nea siikwealsa hang'weakka eashish, nea iheenga nyaawa gwanda shiipka lagheanga meeng'meeng'i.

Giidaheechta 4:8

Nea diyeanga assang'wan majeekcheewiin, gaba nii bea meang'i lah, hean ghoang'wearu gang'ula meadajeega ea jih, nea askweari ea eawa ghanyea mii ghwanung'waada sarmeeda, “Dea Ghaydit, dea ghaydit, dea ghaydit, Ng'uttamiida was Aseetta Haw uuri, niny dea mida ea dea bean gwanda ea dea jea ghwahidu.”

Giidaheechta 4:9

Ak ghoadaw diyeanga majeekcheewiin giigheambiitta ea mureeda ea badiischooda ninyeeda apteada aba uhuuda hoorgeeda gheambalmeeda maygoosha, damanda manda muudeanooda,

Giidaheechta 7:9

Iing'atta ng'asheesu ghaang'weardi, ak ging'ulayi, ghaadaayi, emeeda saang'a manda siida ammu gwayiida, fuga leabu giliwas daroar ea emoojiga sean ea buuneeda ea iitta nea ghamiinaada aba madeedeaba hoorgeetta bea gheambalmeedean, ea madeeda Dayeenda Gisilleanda, nea gookkwa hang'weakka eashish, nea ghoang'ng'waay damealga milayga aba geattinga nyaawa,