Giidaheechta 6:2 - NEAJEEDA EESH BEA BUUNEESSEAN

² Hean ghadaayi, asi ng'ulla faraseedeesh, nea gwanda badaydaannyi siida mideawa ghuweang'da; hean geattaw shiipka, ak gwaritta ak gwajooriischi nea ghwajoar.

Bibliyeeda Ghaydit

² Hean ghaadaayi, asi ng'ula faraaseedeesh, nea gwanda badaydaanyi siida mideawa ghuweang'da; hean geataw shiipka, ak gwarita ak gwajooriischi nea ghwajoar.

Giidaheechta 6:2 Mawu Ofanana

Mattayo 28:18

Ghwaan Yeesu heannyaawa ak goobalool ak gwayeeshsha, “Sugoonan gheambalmeeda sean aba humng'eeda ea ng'eanyiida.

1 Goriinto 15:25

Ak ghanyi goombaliischi ea eaghus ghwayiin weajoodigaaschi sean jeeda baneaguuka geeshangaaschi.

Giidaheechta 11:15

Ghaghuut durumbeatteadaannyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoochcheandumeeda ng'eanyiida goolla ghoaw sugoochcheandumeeda Ng'uttamiideanya ea dea Gristoydaannyi, ak gaygoombaliischi ea ghoaw damanda manda muudeanooda.”

Giidaheechta 11:18

Ak gwanyareesi emoojiga, ak ghwahidu nyarastaang'u, nea ghwahidu damanda jea ergweaksiina fuga nimeewa, nea geammwaar soomjoogaagu was sibanga ea gea ghaydidi, ea fukka awali gheawungaaguun, was gea manang'i ea gea hees, ak geedatas suu datas ng'eanyiidean.”

Giidaheechta 14:14

Hean ghang'weardi ak ghaadaayi shamooghooda eesh, nea uhuudeaba shamooghooni goopteada siida uurji balleanda siida, nea uhuudaannyi gwanda shiipka lagheanga meeng'meeng'i, nea gwanda geattindaannyi barda ng'aniip.

Giidaheechta 15:2

Ghaadaayi giduurji basooda giyoo guuyi beasta, ak fukka joar diyeayda ea gissirattiidean ea monneeda gheawungaaschi, nea ghamiinaada aba murdeeda basoodida bea giyoohiin, nea gwandeawa gidondoorajeega Aseetta aba geattinga nyaawa.

Giidaheechta 17:14

ak suu gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'uttamiida ng'uttamoojiga gil ea Sugoochcheanda sugoodiga, ak suu mideawa ninyiin ea gea geguursa gea suloat ea gea doobiiweadi.”

Giidaheechta 19:14

Nea ghwaat geeshta Lugooda humng'eeda, nea gookkwa hang'weakka bumbuni, eashis nea miyaas, ak ghwaat geeshta farasajeega eeshish.

Giidaheechta 3:21

“Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeatti ak geapteadi sea Bwaabwa aba uhuuda hoorgeedaannyi bea gheambalmeeda.

Giidaheechta 9:7

Ak sinoodeaba deashamsu gawuurji farasajeega, nea hidaat aba ng'uchcheeda; nea iheenga nyaawa gwanda duguuga uurji shiipka sisna lagheanga meeng'meeng'i; ak gheamanuunaka nyaawa gawuurji gheamanuunaka buuneeda,