Giidaheechta 6:11 - NEAJEEDA EESH BEA BUUNEESSEAN

¹¹ Ak gaba nii siittaw hang'deesh geaw nea geeyeeshsha anyoo ghanyi afuufa ea gameaji gageawiit, ea gwadeayi monneeda bareanda nyaawa was soomjooga ea fuga duupchi jea enuusta gidaghayi sinuusta saawa.

Bibliyeeda Ghaydit

¹¹ Ak gaba nih siitaw hang'deesh geaw nea geeyeesha anyo ghanyi afuufa ea gameaji gageawiit, ea gwadeayi mooneeda bareanda nyaawa was soomjooga ea fuga duupchi jea eenuusta gidaghayi sinuusta saawa.

Giidaheechta 6:11 Mawu Ofanana

Mattayo 10:21

Siida gayghwalabadaw oorjeeda ghaamwat enuus, ak ghwalabadaw ghweanda jeaptaannyi, nea gwayamsa geat diibiga ghweaniga nyaawa ea gheamadiga nyaawa ak ghabwar gameewa.

Lukka 15:22

Ghwalamda Ghwaan ak gwayeeshsha soomjoogaaschi, ‘Alamwaja ayeanni hang'dida miyyiin ak gookkwealsi, nea gooshshuupchi moonneeda ghuniida nea goolleapsi eara geekka;

Yohaana 16:2

Gaygohelleweegwa Buuneeda ghorajeega sinnealshachcheewa; aba huumwa, aba gideaba ghwaan damanda ama siida nuseegwa jeaghaghay gili bwat Aseetta.

Gadiyeeda Giijasoodiga 20:24

Ak ea mwanung' ghoaw eaweegeasu gil ghana danung' ghoaw gidaghaloamwaat, geagasayi ghanyi dahiit gadiyeedeanyu anyaschi aba heeda Ng'uttamiida was Yeesu, ak geammuuwwu iitta giijasta miy bea dagheerjeandumeeda Aseetta.

2 Desaloniikke 1:7

ak gagooneegwa fuufta sea aseasa agoogeeda sisawan, damanda jea eattahaaja Ng'uttamiida was Yeesu jea gwaleabu humng'eeda sea malaykajeegaaschi mideawa uurjeenga beasta yeat,

2 Dimoteo 4:7

Neang'uchchi ng'uchcheeda miy, neang'uucheewi, ak ea nahiichi ng'weega, ak masaweega ea neafurji,

Ebraniya 11:40

iiduw nea nibada Aseetta gidamiy appadahuukkaasa, iiduw isihelleewi ghanyea maygamajeekcheewiidi.

Ebraniya 12:23

ea heeda fuga bwat geat was gea sishsheeda eeji sung'oorsa gheawunga nyaawa humng'eeda, nea dea laja girgweaguutka ea Aseetta buuneessean i, ea heeda guroruunatka fuga doobiiweadi geemiyaas,

Ebraniya 4:10

aba gideaba siida weah jeeda fuufta Aseetta earada gayghwanung'waada gadiyeadaannyi gawuurji gidanung'waadayda Aseetta gadiyeadaannyi.

Giidaheechta 10:6

ghwaak habeawooda aba ninnyeeda majeek ea ghoaw damanda manda mudeanooda, ninnyeeda bwat humng'eeda ea haleanjeeda mida jeeda, ea ng'eanyiida ea haleanjeeda mida jeeda, ea basooda ea haleanjeeda mida jeeda, ak ea maygudugwanda shing'deayda,

Giidaheechta 13:15

ak geanung' gaguusa jeammeeda gidida uurji diyeaydean ak abeeda ghoammu gidida uurji diyeaydean gabalool, ak ghwanung' ealajaada gheatkweakka fuga mwaghadoawana gitta uurji diyeaydean.

Giidaheechta 14:13

Hean ghaayiinyi ghuutta nyaasha humng'eeda nea gwayi, “Ng'waara ng'asheesu: Ghang'wana siida meah ghamneawa meewsa heeda Ng'uttamiida. Ghang'wana huumwa, gwayi Gurorooda, ak gafuuf iing'atta gadiyeeda nyaawa, aba gideaba sinaweega nyaawa ghwaat geeshta!”

Giidaheechta 17:6

Ghaadaayi gatmoodida, nea niboogit aba foojeanda fuga ghaydidi sea foojeanda sinuus appadayda Yeesu. Hean nea ghaadaayi gatmoodida ghahamwan ng'eanyi gidahaw.

Giidaheechta 7:14

Geayeeshshi niny, “Siida mureeda, ginali ang'iing'i.” Hean gwayeeshshean, “Suu fuga leabu jeedeaba sawanadeetta hawiini; ak eanihuun hang'weakka nyaawa geawwi ea ghwanung' gaweeriidi aba foojeanda Dayeenda Gisilleanda.

Giidaheechta 7:9

Iing'atta ng'asheesu ghaang'weardi, ak ging'ulayi, ghaadaayi, emeeda saang'a manda siida ammu gwayiida, fuga leabu giliwas daroar ea emoojiga sean ea buuneeda ea iitta nea ghamiinaada aba madeedeaba hoorgeetta bea gheambalmeedean, ea madeeda Dayeenda Gisilleanda, nea gookkwa hang'weakka eashish, nea ghoang'ng'waay damealga milayga aba geattinga nyaawa,