Giidaheechta 4:8 - NEAJEEDA EESH BEA BUUNEESSEAN

⁸ Nea diyeanga assang'wan majeekcheewiin, gaba nii bea meang'i lah, hean ghoang'wearu gang'ula meadajeega ea jih, nea askweari ea eawa ghanyea mii ghwanung'waada sarmeeda, “Dea Ghaydit, dea ghaydit, dea ghaydit, Ng'uttamiida was Aseetta Haw uuri, niny dea mida ea dea bean gwanda ea dea jea ghwahidu.”

Bibliyeeda Ghaydit

⁸ Nea diyeanga asang'wan majeekcheewiin, gaba nih bea meang'i lah, hean ghoang'wearu gang'ula meadajeega ea jih, nea askweari ea eawa ghanyea mii ghwanung'waada sarmeeda, “Dea Ghaydit, dea ghaydit, dea ghaydit, Ng'utamiida was ASEETA Haw Uri, niny dea mida ea dea bean gwanda ea dea jea ghwahidu.”

Giidaheechta 4:8 Mawu Ofanana

Gadiyeeda Giijasoodiga 20:31

Asi oang'ng'wearni, nea ghoapkaachchi gideaba aba gweannyeew samwagu mii danung'waada rekusiimba giliwas sih aba dabeakka.

2 Goriinto 6:18

Gaydoaw Bwaabwa aba heedeang'wa, ak gajahuuwa agooga balloojigeasu ea haweegeasu, gwargu Ng'uttamiida mideawa uurda.”

1 Desaloniikke 2:9

Ak ghoapkaachchi gissuburdi ea gissisawaneatti, fuga eaduupcheewi; aba gideaba iissa geegadiyi eawa ea askweari, ak ea meesawani siida wassean aba jeedeang'wa, nea geerukkuneegwa giijasta miy bea Aseetta.

1 Dimotteo 4:16

Ghamwada saseedaang'u ea ginealshoadaang'u. Abiidana jeedeaba ng'asheesu aba gideaba iisini ng'asheanji gajaghuhageaw ea fukka alleeyseey iidiin.

2 Dimoteo 4:2

rukwiida giijasta wosa hidaat (damanda miseey ea damanda mamiiseey), awoowsiina ajuursiina nea gireekusi aba milighteayda sean ea ginealshooda.

Ebraniya 13:8

Yeesu Gristo gawuurji gideaba heetta ea ghamneawa ea gagul damanda manda mudeanooda.

Giidaheechta 1:4

Yohaana heeda ganiisajeega assispwa mida Asiya: Gagasa anyasa dagheerjeandumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda guroruunat ispwa mida madeeda hoorgeadaannyi bea sugoochcheandumeeda,

Giidaheechta 1:8

“Aniini geawoschi Alfa ea Omeega,” dea madeeda ea dea huydean, aba ginnyaa Ng'uttamiida was Aseetta, dea mida ea dea bean gwanda ea dea jea ghwahidu, was Aseetta mideawa uurda.

Giidaheechta 11:17

nea gwayeenna, “Geebadiischooweey ang'iing'i, Ng'uttamiida was Aseetta mideawa uurda, gindi nea gibean midana, aba gideaba nigeandi uurdaang'u haw ak giimbaliischi.

Giidaheechta 14:11

Ak gwadiyeada aroosta sawanadeeda nyaawa eaghoaw gweannyeekka manda muudeanooda; ak ea mayghwanyas fuufta, askweari ghana eawa, nea fuga ghadoawan diyeanyi gil ea gissirattiida, ea giliwas siida wassean mideawa giirooraneeda gheawungaaschi.”

Giidaheechta 14:3

nea gwasarman duumdeesh aba madeeda hoorgeeda gheambalmeeda ea madeedeaba diyeangiga assang'wan majeekcheewiin ea madeeda gweargwa. Ak ea manda siida ammu ghoanal geaw duumdida, geaghus fukka as sagalama ea haradam ea ang'wan ghayi sikghu appadayda ng'eanyiidean.

Giidaheechta 15:3

Ak gwasarman duumda Muusa, was soomjeanda Aseetta, ea duumda Dayeenda Gisilleanda, nea geeyi, “Gadiyoojigaagu isinayi ea hees nea deamdeameadi, Ea Ng'uttamiida was Aseetta Hoauur! Naweadingaagu doobiiwnatta gil ea huumwa, Ea Sugoocheanda gweannyeekka sean!

Giidaheechta 15:7

Hean gageanu akkalealla aba jeedeaba diyeangiga assang'wan majeekcheewiin ak ghoadaw malaykajeekka assispwaan gweeraji ispwa sisna lagheanga meeng'meeng'i nea ghwanyiit nyarasta Aseetta majeek ea ghoaw damanda manda muudeanooda;

Giidaheechta 16:14

suu guroruunatka meangeenda gil, sina gwadeagwajeega, inyeessa gwaritta ak gaweesa sugoodiga mida gigheawda bea ng'eanyiissean, ak ghoamughuush saawa aba ng'uchcheedida aba eaweetta haw bea Aseetta Hoauuriin.

Giidaheechta 16:7

Ak ghaayiinyi heeda wagiida nea gooyeawda, nea gwayi, “Huumwa gil Ng'uttamiida was Aseetta mideawa uurda, girgweaguutkaagu huumwa gil nea ghwadoabiiw!”

Giidaheechta 19:15

Ak gwarinna bwaangeeda ng'aniip ghuuttaannyi jea ghabwara emoojiga, ak gayghoahaaghwiida saawa bileangida gharinyeanda; nea niny ghoallapta ng'eanyi shoomanda difaayeeda bea nyarasta haw bea Aseetta Hoauur.

Giidaheechta 19:4

Nea gweargiga at diktam ea ang'waniin sea diyeangiga assang'wan majeekcheewiin goobeedeayi ak ghoaghadoawan Aseetta apteada appadayda hoorgeeda gheambalmeeda nea gwayi, “Amin. Haleluuya!”

Giidaheechta 21:22

Ak ea mwaadaahi, gheeda sibatta Aseetta aba mujiini, aba gideaba gheennyaawa sibatta Aseetta Ng'uttamiida was Aseetta Hoauur ea Dayeenda Gisilleanda.

Giidaheechta 3:7

“Heeda malaykajeanda ganiiseeda Filadeelfiya ng'waara: ‘Suh ng'asheega siida ghaydit gil assakkalealla, bea huumwa, mideawa gissiittinna gidaghuutta sugoochcheandumeeda Dawdi, siida amattin ea manda siida ammu ghwarat, siida amarat ea manda siida jea goottin.’

Giidaheechta 4:4

Ak gwaneaweesa hoorgeedida bea gheambalmeedean hoorgaji diktam ea ang'wan bea gheambalmeeda, ak ghaadaayi gwearu diktam ea ang'wan, aba uhuudeaba hoorgajeegiga bea gheambalmeedean nea goobiitbiit, nea siikwealsa hang'weakka eashish, nea iheenga nyaawa gwanda shiipka lagheanga meeng'meeng'i.

Giidaheechta 4:6

nea madeeda hoorgeeda gheambalmeeda gawuurji gili mida basooda daliil oar giyooh, nea ghameameang'. Nea gwaneaweesa hoorgeeda gheambalmeeda, aba meadajeega sean bea hoorgeeda gheambalmeeda, gwanda diyean ang'wan majeekcheewi, hean ghwanyiit gheanyanga mwadi ea bwadaw:

Giidaheechta 4:9

Ak ghoadaw diyeanga majeekcheewiin giigheambiitta ea mureeda ea badiischooda ninyeeda apteada aba uhuuda hoorgeeda gheambalmeeda maygoosha, damanda manda muudeanooda,

Giidaheechta 5:6

Hean ghaadaayi aba dageascheeda hoorgeetta bea gheambalmeedean ea diyeangiga majeekcheewi assang'waniin ea bugusteaba gweargiga, ghamiinaada Dayeenda Gisilleanda, nea gawuurji gili silach gheatta, nea gaba gujaw ispwa ea gheanyan ispwa, nea Guroruunat ispwa bea Aseetta gil sichcheakta gaweay ng'eanyiissean;

Giidaheechta 6:1

Ng'atta ghaadaayi aba hoowa Dayeenda Gisilleanda nea goottin giirooraneanagi aba jeedeaba gikka as ispwaan, ak ghaayiinyi aba jeedeaba diyeangiga assang'wan majeekcheewiin nea gwayi, aba nyeashta haw uurji gighweendandeeda, “Beenni!”

Giidaheechta 6:6

ghaayiinyi giduurji nyeashta aba bugusteaba diyeangiga majeekcheewi asang'waniin, nea gwayi, “Gweeriida nngano nea gogween iyyeenya sishaaha dinarajanjagi, ea gweeriida riighu bea nnganooyda suguura shayiiri sishaaha dinaari; ak ea adidattasi, nagheeda ea difaayi!”

Giidaheechta 7:11

Abeeda malaykajeega sean ghamiinaada aba murdajeega sean bea hoorgeetta bea gheambalmeedean ea dea gweargwa, ea deaba diyeangiga majeekcheewi asang'waniin, ak goobeedeayi ak ghabwada jeesinga ng'eanyi aba madeedeaba hoorgeetta bea gheambalmeedean ak ghaghadoawan Aseetta

Giidaheechta 7:15

Ak gwanda madeeda hoorgeeda gheambalmeeda Aseetta, nea gagadiiyeesa askweari ea eawa aba jeedeaba gheannyi sibatta Aseetta; ak ninyeeda apteada aba uhuuda hoorgeeda gheambalmeeda gaygookkwa saawa aba gideaba gwanda hiji.