Giidaheechta 4:2 - NEAJEEDA EESH BEA BUUNEESSEAN

² Deagheatta geandi jeeda Gurorooda, hean ghamiinaada hoorgeeda gheambalmeeda aba humng'eeda, nea goopteada siida aba uhuudeaba hoorgeetta bea gheambalmeedean!

Bibliyeeda Ghaydit

² Deagheata geandi jeeda Guroorooda, hean ghamiinaada hoorgeeda gheambalmeeda aba humng'eeda, nea goopteada siida aba uhuudeaba hoorgeedida bea gheambalmeedean!

Giidaheechta 4:2 Mawu Ofanana

Mattayo 22:43

Ak gwayeeshsha saawa, “Abeada ghwasaan iiduw inyas gwayeeshsha Dawdi aba Gurorooda, Ng'uttamiida, nea gwayi,

Ebraniya 8:1

Asi ghamneawa huumeanda surgu nihi: geendeawi ashoohoochcheanda haw uurjunu, siida apteada aba meatkweeda geattinda dugwa bea hoorgeeda sugoochcheandumeeda Aseetta was Ng'uttamiida aba humng'eeda,

Giidaheechta 1:10

Muchchu geandi jeeda Gurorooda eaweeda Ng'uttamiida, hean ghayiinyi nyeashta haw appadaydeanya, nyaashta giguuleanda nea gwayi,

Giidaheechta 12:5

hean gwaji jeepta was balleanda, ak gayghwaahaaghwa emoojiga sean aba bileangida gharinyeanda, ak jeeptaannyi geettiing'da ea gawa heeda Aseetta ea heeda hoorgeadaannyi bea gheambalmeeda,

Giidaheechta 17:3

Hean ghwaadan aba jeeda Gurorooda ea dawa dareapcheeda, ak ghaadaayi gatmooda nea goopteada aba badayda diyeayda areara nea ghwannyiit saseeda gheawunga ging'weakka, nea gwandeawa iheen ispwa ea gujaw damwanamughuush.

Giidaheechta 19:4

Nea gweargiga at diktam ea ang'waniin sea diyeangiga assang'wan majeekcheewiin goobeedeayi ak ghoaghadoawan Aseetta apteada appadayda hoorgeeda gheambalmeeda nea gwayi, “Amin. Haleluuya!”

Giidaheechta 20:11

Hean ghaadaayi hoorgeeda haw eesh bea gheambalmeeda ea siida apteadawa uhuuda; nea madeadaannyi gamng'aw ng'eanyiida ea humng'eeda, ak ea meadaaha heeda jea goobiida.

Giidaheechta 21:10

Hit ghwaadan aba Gurorooda ea ghoahiitanaan giijeeda haw, geaw, ak ghoahiimnaan mujineeda ghaydit was Yerusaleemu nea ghwararang'aana humng'eeda heeda Aseetta,

Giidaheechta 21:5

Ng'atta gwayi siitta apteada aba badayda hoorgeeda gheambalmeedean, “Ng'ulla, gaydanung'u gaweeriidi haleanjeessean.” Ak gwayi gichcha, “Ng'waara ng'asheesu, aba gideaba ng'asheesu doobiiwanatta gil ak ea huumwa.”

Giidaheechta 3:21

“Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeatti ak geapteadi sea Bwaabwa aba uhuuda hoorgeedaannyi bea gheambalmeeda.

Giidaheechta 4:10

inyeessa gwearsu was diktam ea ang'waniin goobeedeaysa madeeda siitta apteada aba uhuudeaba hoorgeetta bea gheambalmeedean ak ghaghadoawan ninnyeeda majeek eaghoaw damanda manda muudeanooda; nea gwajaksa shiipka nyaawa madeeda hoorgeetta bea gheambalmeedean, nea gwasarman,

Giidaheechta 4:5

Nea heeda hoorgeeda gheambalmeeda iissa gwarinna dadamandeeda, nea ghuusiga ea nyeashta gighweeendandeeda, nea madeeda hoorgeeda gheambalmeeda ghwayeat gheaboonyan ispwa bea beasta, nea guroruunat ispwa bea Aseetta;

Giidaheechta 4:9

Ak ghoadaw diyeanga majeekcheewiin giigheambiitta ea mureeda ea badiischooda ninyeeda apteada aba uhuuda hoorgeeda gheambalmeeda maygoosha, damanda manda muudeanooda,

Giidaheechta 5:1

Hean geadeaksi geattinda dugwa bea siitta apteada aba uhuuda hoorgeeda gheambalmeedean gittaabooda sung'waar jeeda ea badayda, nea siirroor aba giirooran ispwa;

Giidaheechta 5:13

Ak gilinyoo gwanda humng'eeda ea badayda ng'eanyiida ea uutta ng'eanyiida ea jeeda basooda, ea haleanjeessean mida jeadaannyi, gwayi, “Ghawooda ea mureeda ea gigheambiitta ea giimuusta gwandeawa ninyeeda apteada aba uhuuda hoorgeeda gheambalmeeda ea Dayeenda Gisilleanda ea ghoaw damanda manda muudeanooda!”

Giidaheechta 6:16

hean gaguursa gijeega ea lagheanga nea gwayeeshsha, “Oppeedeayseasa ak ghoafunyeasa aba madeedeaba gheanyangeaba siitta apteada aba uhuuda hoorgeeda gheambalmeedean, ea aba nyarasta Dayeenda gisilleanda;