Giidaheechta 22:6 - NEAJEEDA EESH BEA BUUNEESSEAN

⁶ Hean gwayeeshshinean, “Ng'asheesu ghwadoabiiw ak ea huumwa gil. Nea Ng'uttamiida, was Aseetta bea guroruunatka sibanga, abeeda gaygoojeagu malaykajeandaannyi goohiimsa soomjoagaaschi ng'asheega jea gabean ghwahidu.

Bibliyeeda Ghaydit

⁶ Hean gwayeeshiinean, “Ng'asheesu ghwadoabiiw ak ea huumwa gil. Nea Ng'utamiida, was ASEETA bea gurooruunatka sibanga, abeeda gaygoojeagu malaykajeandaanyi goohiimsa soomjoagaaschi ng'asheega jea gabean ghwahidu.

Giidaheechta 22:6 Mawu Ofanana

Mattayo 13:41

Balleanda Siida gaygoojeagu malaykajeagaaschi, ak ghoawaam aba jeeda sugoochcheandumeadaannyi haleanjeessean eadu ringeeda ea fuga sean sina ng'asheega munyas.

Lukka 1:70

Gawuurji gidaghayi rukuteayda aba ghuutta sibangaaschi ghaydidi ghang'eada garayi,

Lukka 16:16

Deaweedajeega ea sibanga ea gagul Yohaana; hean geerukkwiida Giijaasta miy bea sugoochcheandumeeda Aseetta, nea gaba siisi abwasaay geaw.

Gadiyeeda Giijasoodiga 12:11

Biissa gwajeeng'u Betro ng'asheanji ak gwayi, “Bissa neajeeng'u aba huumwa gideaba Ng'uttamiida goojeagu malaykajeandaannyi gwalealnaneani geattinga Herode, ak goruutteaweani jeeda ng'asheega ammuukkuunaneani fuga Yahuudi.”

Gadiyeeda Giijasoodiga 3:18

Nea ng'asheanda ghayi bay ghwaramoar Aseetta aba ghuusiga sibangaaschi, nea gideaba Gristoheani gaygwasawana gil ak ea nisa.

Ruumi 1:2

ghayi siheelleesa ammwadi aba naweeda sibangaaschi aba jeeda ng'ooruutka ghaydidi,

1 Goriinto 14:32

nea gurooruunatka sibanga iissa gwasissa gadiyeeda sibanga.

1 Goriinto 7:29

Geayii fugea eaduupcheewi, damanda sigasa nineekkiit muuchchi; ghang'eada ghamneawa ak gagal mwadi fukka mideawa gadeemgean gidabal gobiideatta fuga mandeawana,

2 Desaloniikke 1:7

ak gagooneegwa fuufta sea aseasa agoogeeda sisawan, damanda jea eattahaaja Ng'uttamiida was Yeesu jea gwaleabu humng'eeda sea malaykajeegaaschi mideawa uurjeenga beasta yeat,

Ebraniya 12:9

Murdeedeaba ng'asheesu, geendeawi ghwaanigaasa bea ng'eanyiida jea ghwalaseasa ak geesissi saawa mureeda. Abeeda ea mammiisseasa muuchchi gideaba gajeettuuksiina geat Bwaabwa guroruunatka ak geanyaschi eaweega?

2 Betro 1:21

aba gideaba manda ramooraneeda oang'ng'wa gwaleabu uurda siida, buuneeda ghwaat Gurorooda Ghaydit ak gwargu ng'asheega leabu heeda Aseetta.

2 Betro 3:2

ak ghoopkaachi ng'asheega ghayi rugu sibanga ghaydidi ea diigheandida bea Ng'uttamiida ea lealnoochcheanda aba naweeda giijasoodigeagwa.

Giidaheechta 1:1

Nii giidaheachta Yeesu Gristo gil, ghayi adaw Aseetta niny gohiimsa soomjoagaaschi ng'asheega jea gabay ghwahidu; ak ghwanung' eanal aba gijeakteayda malaykajeandaannyi gaweesa soomjeandaannyi was Yohaana,

Giidaheechta 18:20

Ahoosana appadaydaannyi, Ea humng'eeda, Ea fuga ghaydidi ea giijasoodiga ea sibanga, aba gideaba Aseetta nugoneegwa girgweaksiinda appadaydaannyi!”

Giidaheechta 19:9

Hean gwayeeshshean malaykajeanda, “Ng'waara ng'asheesu: Ghang'wana fukka suguursa hamitta geshshooda Dayeenda Gisilleandean.” Ak gwayeeshshinean, “Suu ng'asheega huumwa bea Aseetta.”

Giidaheechta 21:5

Ng'atta gwayi siitta apteada aba badayda hoorgeeda gheambalmeedean, “Ng'ulla, gaydanung'u gaweeriidi haleanjeessean.” Ak gwayi gichcha, “Ng'waara ng'asheesu, aba gideaba ng'asheesu doobiiwanatta gil ak ea huumwa.”

Giidaheechta 21:9

Hean ghwahidu malaykajeanjagi bea jeedeaba giikka as ispwaan nea gwandeawa gweeraji ispwa nyiit sawanaduut ispwa huydean ak goobaloolan, nea gwayi, “Beenni hiji, ak gaydaahiimneeyi sibeeda, was gatmooda Dayeenda Gisilleanda.”

Giidaheechta 22:1

Hean ghoahiimnaan enda beega mideawa eaweega, nea eesh ea ghameang'meang', nea ghwadalalaana hoorgeeda Aseetta ea dea Dayeenda Gisilleanda,

Giidaheechta 22:16

“Aniini Yeesu, neajeagu malaykajeandeanyu headaang'u nea gweadu muwwunooni heeda ganisajeega. Aniini geawaschi hawunnyeanda ea jeatta Dawdi, was ming'weandida aboong'u bea muchchuunoodean.”

Giidaheechta 22:7

Ak ging'ulayi, gaydahidu nea ghaalamwajaannyi.” Ghang'wana siida ang'ng'waay ng'asheega siramoaran aba jeedeaba gittaaboani.

Giidaheechta 4:1

Iing'atta ng'asheesu ghang'weardi, ama deagheatta gwanda humng'eeda gidaghuutta jaadaat. Hean ghuutta gwachchi ayiinyi bea madeedean goobaloolan nea ghwanyaashta giguuleanda, nea gwayi, “Beenni hiji, ak gaydahiimneey gichchea ghwahidu iing'atta ng'asheesu.”