Giidaheechta 21:8 - NEAJEEDA EESH BEA BUUNEESSEAN

⁸ Ak gea giyoonnyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani gida mawosa aseetta, ea gea naba ng'uyyeega sean, heennyaawa jeeda basooda yeada beasta gil ea giikkayda, nea nii ea miyeedeaba iyyeenya.”

Bibliyeeda Ghaydit

⁸ Ak gea giyoonyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani sanaamu, ea gea naba ng'uyeega sean, heanyaawa jeeda basooda yeada beasta gil ea giikayda, nea nih ea miyeedeaba iyeenya.”

Giidaheechta 21:8 Mawu Ofanana

Mattayo 10:28

Adoawwalli fuga ammu gwanuus saseeda ak amwoammu gwanuus gurorooda; ghang'wana giiwali siitta ammu gwanuus saseeda ak gwajaksa gurorooda jeeda maloonghajeega.

Mattayo 25:25

ghabealli ak geawi dafuy dalanteadaang'u aba jeessigeeda. Asi ang'ng'waanya gea was gaagu.’

Mattayo 8:26

Gwayeeshsha Yeesu, “Anda nung'udeagwa muuwda, Ea fuga mwanang' masawi.” Ghang'eat ak gwareekusa jeammeeda ea basooda ak ghahawuda basooda ea gwayi saw.

Marko 9:44

Aba hoowa gwanda ghughuutka mameewwa, ea beasta mammissa.]

Yohaana 8:44

Agooga gobeayi ghweandeang'wa was Meang'nyeandeenda ak iissa googasayi asna gitta bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madobiiwsiina humeanda aba gideaba manda jeadaannyi humeanda. Iissa irugu ng'uyyeega gwargu aba gitta biit siratta ninyiin, aba gideaba niny gaba ng'uyya, ak ea ghweanda ng'uyyeega.

2 Desaloniikke 2:9

Aba hinnooda dea mandeawana deaweeda aba gadiyeeda Shattaani gaygwandeawa uurda sean nea gwandeawa gwadeagwajeega ea deamdeamanga,

1 Dimotteo 4:2

Aba ng'uyyeega fuga ammiittu geat, hean ghaghwarda jeesinga nyaawa saawa nea gaba geat.

Ditto 1:16

Iissa gwargu gideaba geanalli Aseetta, nea iissa ghwashaang' aba sinaweega nyaawa, nea gwandeawa sichcheeda, ak ea mandeawana mureeda, mammiisiina sinooda gadiyeeda miy.

Ebraniya 12:24

ea heeda Yeesu, was siida aduuptooschi buuneeda bea neajeedeesh, ea dea foojeanda sippuunna jea gwanyagu haleanjeeda miyaas ng'al foojeanda Habeeli.

Ebraniya 13:4

Geeshshooda dasissiina mureeda buuneessean, nea eara bulaliida gagasa ea mandeawana ririnnyeanda; aba gideaba Aseetta gaygoorgweaksa fuga munyas ea gea mealuuli.

1 Yohaana 2:22

Gaba ng'eaha ng'uyya geaghus dea shaang' gideaba Yeesu mii Gristo gil. Nii weajoochcheanda Gristohi, dea shaang' Bwaabwa ea Balleanda.

1 Yohaana 3:15

Giliwas sih nyooghwasit oorjeeda ghaamwat abeeda gwanuusa buuneeda, ak agooga gonalli gideaba siida nuusa buuneeda mandeawana eaweega manda mudeanooda aba jeadaannyi.

1 Yohaana 5:10

Siida mwas Balleanda Aseetta gwandeawa muuwwuunoadaannyi aba jeadaannyi. Nea deamwamwasa Aseetta ghwanung' gaba ng'uyya, aba gideaba mwamwasa muuwwuunoona Aseetta appadayda Balleandaannyi.

Giidaheechta 14:10

eara niny gayghwali difaayeeda nyarasta Aseetta, sisin nea meekkuuyi gil aba jeeda bayookta nyarastaannyi, anniny gajeesawan aba beasta ea giikkayda aba madeeda malaykajeega ghaydidi, ea madeeda Dayeenda Gisilleanda.

Giidaheechta 19:20

Hean geang'ng'waay diyeaydida, sea sibaneeda ng'uyyeega ghayi sina gwadeagwajeega ammadeadaannyi, ak gwareengani fukkeanji ghayi ning'ng'waay giirooraneedeaba diyeaydida ea fukka ghadoawan gidasirattiida ninyiin. Hean geejaksa suu assiyyeenyean jeeda basooda beasta nea majeekcheewi ak ghwaak beasta ea giikkayda.

Giidaheechta 2:11

“Siida agar iitta, dayiinya ng'asheanji rukusa Gurorooda ganiisajeegean. Nea dea jooriischi ea mayghwanyas sawanadeeda miyeedeaba iyyeenya.”

Giidaheechta 2:2

Aniini ghaanalli gadiyoojigaagu, ea sawanadeadaang'u ea milikghteaydaang'u nea giihang'waanyi, ea gidamiimmuustani milikghta fuga munyas iissa ginyoo ghanyi sima fukka guura geat giijasoodiga nea mawosean, ak gidaahi gideaba gaba ng'uyya;

Giidaheechta 21:27

Nea jeadaannyi ghanyea maygawa gidamuy, ghana deasina ng'asheega munyas ghana gea ng'uyyeega, geaghus giikka sing'oorsa jeeda gittaabooda eaweega bea Dayeenda Gisilleandean.

Giidaheechta 22:15

Hoowa bea jaroodean gwanda gudajeega ea beneediga ea fuga hiseada ea fuga nuusa buuneeda ea fuga ghadoawani gidamwawosa aseetta, ea gilinyoo ghabwariiy ng'uyyeega nea gwasin.

Giidaheechta 9:17

Nea nii ea gidadaakti farasajeega gil aba gidasihhiimnaan; fuga mida badahuukka gwadiiy igeamboonda oar beasta nea ghabwada oomnatta ea gikkayda, nea iheenga farasajeega gawuurji sea iheenga ng'annyeekka, ak gwarinna ghuusiga nyaawa beasta ea aroosta ea giikkayda.

Giidaheechta 9:21

ak ea maduukkuuna nuusta nyaawa bea buuneeda, ghana beeneetkuumeeda nyaawa, ghana munyasnachcheekka nyaawa ghana gwadishta nyaawa.