Giidaheechta 21:6 - NEAJEEDA EESH BEA BUUNEESSEAN

⁶ Ak gwayeeshinean, “Nisa! Gideaba Aniini geawoschi Alfa ea Omeega, ging'eetta ea huydeanda. Siida bearji muwoosh gaydaadaw mwadaagha beega leabu gheang'deenda mideawa eaweega.

Bibliyeeda Ghaydit

⁶ Ak gwayeeshiinean, “Nisa! Gideaba Aniini geawooschi Alfa ea Omega, giing'eeta ea huuydeanda. Siida bearji muwoash gaydaadaw mwadaagha beega leabu gheang'deenda mideawa eaweega.

Giidaheechta 21:6 Mawu Ofanana

Yohaana 4:10

Ghwasha Yeesu nea gwayeeshsha niny, “Inyeeda ghwanyawa ginali haleanjeeda goona Aseetta ak ea ng'eaha gil siida eshshiineey, ‘Gonean beega jaadali,’ ghwanyawa gaymusa niny ak gaygagoonnyi beega mideawa eaweega.”

Yohaana 4:11

Gwayeeshsha Gatmootta niny, “Ea siida mureeda ang'iing'i mindeawani geammooda jea ramnana beega, ak ghabwada nii healadeeda easheagi jii; abeeda gaygeannana yeenu beesu mideawa eaweegean?

Yohaana 4:14

amadukku sichchea ghwali beega jadaadaw aniini mayghwaak muwoash earahay; aba gideaba beekka jea dadawiin gayghoaw aba jeadaannyi gheang'deenda nea goobeakbeaksa eaweega manda mudeanooda.”

Ruumi 3:24

iissa geattaw doobiiwnatta mwadaagha aba dagheerjeandumeadaannyi, aba naweetta bea lealeanooda mida heeda Gristo Yeesuun;

Ruumi 8:32

Ninyeeda ghayi mabwayda eara Balleandaannyi assakkalealla, ak gagu appadahuukkaasa easasean, niny maygagoaneasa haleanjeeda miyaas sea ninyi?

1 Goriinto 2:12

Aseasa meanyasi guroorooda ng'eanyiida, geanyaschi guroorooda leabu heeda Aseetta, ak abeeda geenalli gidagoaneasa Aseetta aba innyeanda jeeda.

1 Goriinto 3:12

Iiduu nea gwadeeksheewa siinuut uhuudeaba sindeedi, iideakta lagheanga meeng'meeng'i, ghana lappiya, ghana lagheanga haw sheayeat, ghana geediga, ghana seenga, ghana nyeega,

1 Goriinto 3:21

Asi siida wassean adagagwarsa geaw buuneeda. Aba gideaba haleanjeessean geagwa gil,

1 Goriinto 3:5

Asi Apoolo ng'eaha? Ama Baulo ng'eaha? Soomjooga ghayi nung amwasa gil, gawuurji gidadawda Ng'uttamiida giliwas sih gwasin.

Giidaheechta 1:11

“Ngoorsiina haleanjeeda idaahi jeeda gittaabu ak giyeassi ganiisajeega assispwa, dea Efeeso ea Smirna ea Bergamo ea Diyattira, ea Sardi ea Filadelfiya ea Laodekkiya.”

Giidaheechta 1:17

Iiduw nea ghaadaayi niny, geabeedeasi geshangaaschi ea dawuurji siida nimi. Hean ghwayiin geattidaannyi bea dugwa uhuudeanyu nea gwayi, “Adibeali, Aniini geawoschi dea madeeda ea dea huydean ea dea majeek;

Giidaheechta 1:8

“Aniini geawoschi Alfa ea Omeega,” dea madeeda ea dea huydean, aba ginnyaa Ng'uttamiida was Aseetta, dea mida ea dea bean gwanda ea dea jea ghwahidu, was Aseetta mideawa uurda.

Giidaheechta 10:6

ghwaak habeawooda aba ninnyeeda majeek ea ghoaw damanda manda mudeanooda, ninnyeeda bwat humng'eeda ea haleanjeeda mida jeeda, ea ng'eanyiida ea haleanjeeda mida jeeda, ea basooda ea haleanjeeda mida jeeda, ak ea maygudugwanda shing'deayda,

Giidaheechta 16:17

Gohiisa malaykajeandida bea ispwaan gweeriidaannyi humng'eeda, ak gwarinna nyeashta haw jeeda gheeda sibatta Aseetta, heeda hoorgeeda gheambalmeeda, nea gwayi, “Nigeawiit gwasa!”

Giidaheechta 22:13

Aniini geawoschi Alfa ea Omeega, dea madeeda gil ea dea huydean, was dea ging'eetta ea dea huydean.”

Giidaheechta 22:17

Ak gwayi Gurorooda ea Sibeeda, “Beenni.” Nea siida ing'shi dayi “Beenni.” Ak doani siida bearji muwooshta, nea dea gasa ea dageanda beega eaweega nea manda sheayeeda.

Giidaheechta 3:14

“Heeda malaykajeanda ganiseeda Laodekkiya ng'waara: ‘Ng'asheega siida was Amin, was siida doabiiwaat was mushoochcheanda huumwa, was ging'eetta haleanjeessean sin Aseetta.’

Giidaheechta 7:17

Aba gideaba Dayeeneanji bea Gisilleanda mida bugusta hoorgeeda gheambalmeedean gayghoaw jeagiischoochcheanda nyaawa, ak gaygoodoobiiwseegwa gheang'deenda mida beega mideawa eaweega; ak Aseetta gaygoobuus dabeakka sean mida gheanyanga nyaawa.”