Giidaheechta 21:4 - NEAJEEDA EESH BEA BUUNEESSEAN

⁴ ak gaygoobuus giliwas dabeakka aba gheanyanga nyaawa, ak ea maygudu gwanda miyeeda, ghana giiseaneega ghana shookka ghana sawanadeeda, maygutgwanda aba gideaba, ng'asheega madeeda goolla ghang'atta.”

Bibliyeeda Ghaydit

⁴ ak gaygoobuus giliwas dabeaka aba gheanyanga nyaawa, ak ea maygudu gwanda miyeeda, ghana giiseaneega ghana shooka ghana sawanadeeda, maygudugwanda aba gideaba, ng'asheega madeeda goola ghang'ata.”

Giidaheechta 21:4 Mawu Ofanana

Mattayo 24:35

Humng'eeda ea ng'eanyiida gayghang'atta, amaduukku ng'asheegeasu ea mayghang'atta eara hay.”

1 Goriinto 15:26

Weajoochcheanda huydean jea eejakta miyeeda gil.

1 Goriinto 7:31

nea fukka mideawa gadiyeeda aba jeeda ng'eanyiidean ea dawuurji fuga masna gil. Aba gideaba haleanjeeda muunda ng'eanyiida gay ghang'atta.

2 Goriinto 5:17

Nea siida iimida jeeda Gristo, ea niiw siideesh; haleanjeedeaba garayi ning'atta, ng'ulla, nihidu haleanjeedeashish.

2 Goriinto 6:17

Asi arinnana jeannyaawa, ak gohhelleewi geat saawa gwargu Ng'uttamiida, ak ea adoang'ng'waannyi gida mideawa ririnnyeanda; ak abeeda gaydadeagwa ghoah.

Ebraniya 12:27

Ng'asheanji bea gideaba, “Gaydabiikta gichchean,” ghoahiimu geandeayda gissittuumduum, was gidaghayi sisin, ak abeeda geappuut gitta meammu eettuumduumiin.

2 Betro 3:10

Nea eaweeda Ng'uttamiida gay ghwahitaayda mareanghweanda, aba eaweettida gay ghwaroat humng'eeda aba nyeashta haw, nea haleanjeeda sean ghayi bea mwadi gayghwanyar aba jeeda beasta, nea ng'eanyiida ea gadiyoojigaaschi mideawa gajeaghwarda goosha.

1 Yohaana 2:17

Ak ng'eanyiida gayghang'atta sea ng'asheagaaschi bea geawunda gheang'da; nea deasina gidagassiida Aseetta gaygoobiida ea ghoaw damanda manda mudeanooda.

Giidaheechta 20:13

Gooruudu basooda fuga nimeewa mida jeadaannyi, ak gooruudu miyeeda ea Gheeda maloonghajeega fuga nimeewa mida jeadaannyi, ak geergweaksiina sean gidaghayi nisin.

Giidaheechta 20:14

Hean geejaksa miyeeda ea Gheeda maloonghajeega jeedeaba basoodida bea beastean. Nea nii ea miyeedeaba iyyeenya gil, basooni bea beastean;

Giidaheechta 21:1

Hean ghaadaayi humng'eeda eesh ea ng'eanyiida eesh; aba gideaba humng'eeda madeeda ea ng'eanyiida madeeda goolla ghang'atta, ak basooda ea mudugwanda.

Giidaheechta 22:3

Ak ea maygutgwanda gilinyoo ea moshteayda gil, nea hoorgeeda gheambalmeeda bea Aseetta ea dea Dayeenda Gisilleanda gaygwanda jeadaannyi, nea soomjoogaaschi gayghoaghadoawan niny,

Giidaheechta 7:17

Aba gideaba Dayeeneanji bea Gisilleanda mida bugusta hoorgeeda gheambalmeedean gayghoaw jeagiischoochcheanda nyaawa, ak gaygoodoobiiwseegwa gheang'deenda mida beega mideawa eaweega; ak Aseetta gaygoobuus dabeakka sean mida gheanyanga nyaawa.”