Giidaheechta 2:9 - NEAJEEDA EESH BEA BUUNEESSEAN

⁹ Ghaanalli sawanadeadaang'u ea barbarandaang'u, (ak guwosi meanang'oochcheanda), ak ghaanalli eara ging'weakeaba fiisu eena geewochi fuga Yahuudi nea mawosean, nea saawa ea ghooriida sinnealshachcheewa bea Shattaani.

Bibliyeeda Ghaydit

⁹ “‘Ghaanali sawanadeadaang'u ea barbarandaang'u, (ak guwoosi meanang'oocheanda), ak ghaanali eara giing'weakeaba fiisu eena geewooschi fuga Yahudi nea mawoosean, nea saawa ea ghooriida siinealshacheewa bea Shataani.

Giidaheechta 2:9 Mawu Ofanana

Mattayo 4:10

Hean gwayeeshsha Yeesu, “Ng'amwana hiji Shattaani! aba gideaba geang'war, ‘Ghadoawana Ng'uttamiida was Aseattaang'u ak gibwadi niny nea gaba geaw.’”

Lukka 12:21

Asi nii giduurji siida adiiwwiisa geaw gheaseeda, “Nea meabarursiina gea Aseetta.”

Lukka 22:65

Ak gerukusa ng'asheega saang'a bea ging'weakkwa.

Lukka 4:18

“Gurorooda Ng'uttamiida gwanda badaydeanyu, aba gideaba nimwaaran dawa darukkwiisa fuga barbari Giijasta Miiy. Gojeaknean darukusa fuga mida ghealooniga siksiinda nyaawa nea fuga ng'oowwi gayghoang'wearda, ak gojeaknean dalealu fuga sighabwas,

Lukka 6:20

Iiduw gagatgat gheanyangaaschi goong'weersa ginealangaaschi, ak gwayeeshsha: “Ghoang'wani agogeeda barbari, aba gideaba sugoochcheandumeeda Aseetta deang'wa.

Yohaana 16:33

Ng'asheesu gearukuneegwa nea geagasayi abeaha hoyyoo aba jeedeanyu. Aba jeeda ng'eanyiida gajanyasa sawanadeeda; asi oahhang'waanya jeesingeagwa, aba gideaba aniini najoarji ng'eanyiida.”

Gadiyeeda Giijasoodiga 14:22

hean goomajeek guroruunatka ginealanga, nea gobaloola gideaba oppiidana jeeda masaweega, ak gwayeeshsha gajeanyasa sawanaduutka saang'a ijea eweaya jeeda sugoochcheandumeeda Aseetta.

Gadiyeeda Giijasoodiga 26:11

Inyeessa ghaanung' ghwanyas sawanadeeda aba jeeda ghoorajeega sinnealshachcheewa sean nea geading'si gong'eawi Aseetta; inyeessa ghaanyareaschi muuchchi aba badahuukkeaba fiisu, hean geawi ak ghaaghabwaaschi aba mujiinajeega sheagi.”

Ruumi 12:12

Ahoosana aba gitta oararjiin, amilikghta sawanadeeda, amwaasha Aseetta galeagasean.

Ruumi 2:17

Ak ang'iing'i iguuri geaw siida Yahuudi nea gikghusi deaweeda ak gighwari geaw aba gidindeayeatti Aseetta

Ruumi 5:3

Ameakghusa nii, aseasa geehoosannyi aba jeeda sawanaduutkaasa, nea geanalli gideaba sawanadeeda iissa gweadu milikghteayda,

Ruumi 8:35

Ak ea ng'eaha gil siida jea gooheellaneasa sea bariinyeega Gristo? Heappi, gajea hang'weaniidoodea, ghana deawiitmeeda, ghana sawanadeeda, ghana jalooda, ghana dawiishnatta, ghana halootta, ghana bwaanga?

Ruumi 9:6

Nea mii gideaba niyamwa ng'asheanda Aseetta aba gideaba may ghoaw buuneessean bea Israeeli jeatta Israeeli,

2 Goriinto 6:10

geewuurjeewi fuga giisan, nea ghana gehoosannyi galeagasean; nea geewuurjeewi fuga barbari, nea ghana geepparuurji fuga saang'a; geewuurjeewi fuga mandeawana gil, nea ghana geendeawi haleanjeessean.

2 Goriinto 8:2

nea aba jeeda simsimda ng'waan ea sawanadeeda, hean aba hawunda hooseaneega nyaawa ea barbarannyeekka nyaawa raanya ea nibaruur muuchchi nea goobal geat aba meatkweeda nyaawa.

2 Goriinto 8:9

Aba gideaba noanalli dagheerjeandumeeda Ng'uttamiideanya was Yeesu Gristo, earappeadi baruuriin, hean ghabwarbwariit appadahuukkeagwa, ak abeeda aba barbarandaannyi ghoahuuyi baruurji.

1 Desaloniikke 3:4

Nea aba damanda sindeayeewi sea agooga geebay erukuneegwa gideaba gajeanyasa sawanadeeda; ak gawuurji gidahittaayda, ak ghoanalli.

1 Dimotteo 1:13

Abeeda aniini ghayi amwali nyeesa geanyareesay buuneeda nea geang'eaway, nea geasawanyi ak ghanyaschi baydeayda aba gideaba geasinyi ng'asheesu aba leendeeda, aba gideaba meandeawani masaweega.

1 Dimotteo 6:18

Dasna ng'asheega miyaas ak ghoaw meanang'oodiga aba sinooda gaamiyaas, ak ghoadayda haleanjeenyaawa nea gabareanyi sea buneesuurja aba jeeda miy,

Giidaheechta 1:9

Aniini geawoschi Yohaana, oorjeeda giyeang'wa deaghayi oppareannyeewi sawanadeeda ea sugoochcheandumeeda ea milikghteayda nea ghoahhangng'waanyi, nea gwanda ng'eanyiida neaweesa beega suguura Batmo appadayda ng'asheanda Aseetta ea muwuunooda ng'asheega Yeesu.

Giidaheechta 2:13

“Ghaanalli heediibiitti, heeda mida hoorgeeda gheambalmeeda Shattaani gil; ak ang'iing'i ea ning'waanyi muuchchi gheawungeasu, ak ea mii heawana masaweegeasu eara damandida bea Antiippa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiitta Shattaaniin.

Giidaheechta 2:2

Aniini ghaanalli gadiyoojigaagu, ea sawanadeadaang'u ea milikghteaydaang'u nea giihang'waanyi, ea gidamiimmuustani milikghta fuga munyas iissa ginyoo ghanyi sima fukka guura geat giijasoodiga nea mawosean, ak gidaahi gideaba gaba ng'uyya;

Giidaheechta 2:24

“Nea fuga mida jeedeang'wa aba ng'eanyiida Diyattira, was fuga moang'ng'waanya ginealshooniin, fuga mwanala gidaguura buuneeda mwaatkwa haleanjeeda sheagi jih bea Shattaani, aba heedeang'wa gaydayi, mwaydayiin badahuukkeagwa sareenda nuut;

Giidaheechta 3:9

Ng'ulla, gaydanung' ghoaw fukka was gheeda sinnealshachcheewa bea Shattaani eena geawoschi Yahuudi nea mawosa ak gwanaba ng'uyyeegean, ng'ulla, gaydanung' ghapka ak gwatkuy aba madeeda geeshangaagu, ak ghwanal gideaba ghaabwariinyeay.

Giidaheechta 7:14

Geayeeshshi niny, “Siida mureeda, ginali ang'iing'i.” Hean gwayeeshshean, “Suu fuga leabu jeedeaba sawanadeetta hawiini; ak eanihuun hang'weakka nyaawa geawwi ea ghwanung' gaweeriidi aba foojeanda Dayeenda Gisilleanda.