Giidaheechta 2:26 - NEAJEEDA EESH BEA BUUNEESSEAN

²⁶ Nea siida jooriischi ak ghoang'ng'waay gadiyoojigeasu ea ghwahitta huydeanda, gaydanung' goombal fuga emoojiga,

Bibliyeeda Ghaydit

²⁶ Nea siida jooriischi ak ghoang'waay gadiyoojigeasu ea ghwahita huuydeanda, gaydanung' goombal fuga eemoojiga,

Giidaheechta 2:26 Mawu Ofanana

Mattayo 10:22

Nea gayghwasteagwa buuneassean aba gheawungeasu. Nea siichchea ghamilikghta ea gammudean abeeda ea siichea eelealu.

Mattayo 19:28

Gwayeeshsha Yeesu saawa, “Aba huumwa, geayeeshshineegwa, agoogeeda oyeadu geeshteanyu aba ng'eanyiideesh, jea ghwahidu eaweeda jea goopteadawa Balleanda Siida hoorgeadaannyi ghambiidaat, abeeda earagooga gajooppiidana hoorgajeekka attamaniyyeenyean ak goorgweaksi eemoojikka attamaniyyeenya bea Israeeliin.

Mattayo 24:13

Abeeda siida jea ghamilikghta ea gammudean ada ea siida jea ghwalalaani.

Yohaana 6:29

Ghwashsha Yeesu nea gwayeeshsha, “Gadiyeeda Aseetta nihi, gideaba amwasa siida ajeagu niny.”

Ruumi 2:7

aba heeda fuga milikghta aba sinooda gadiyoojiga miyaasiin gagaseadayyi gigheambiitta ea mureeda ea ng'asheega maygameewa, gayghoadaw eaweega manda muudeanooda;

Ruumi 8:37

Manda, aba jeedeaba ng'asheesu seaniin iissa geang'alli fuga jooriischi, aba heeda siida ghayi bwariinyeasa.

1 Desaloniikke 3:5

Gwasnu earaniini aba damanda muttammuuseawa gichcha milikghteayda, geajeagu siida danal masaweegeagwa, aamwahinna siitta jea gwasmeegwean ak gwasmeegwa, amaduw gaba gadiyeedeanyu mwadaagha.

Ebraniya 3:6

nea Gristo ea doabiiwaat aba jeeda gheeda Aseetta nea gawuurji balleanda. Ak geewoschi gheannyi ising'ng'waanyi muuchchi gitta sisikteawiin nea geaghwarji gitta sirarjiin.

Yakkobo 2:20

Ak gigasayi eahhiimneeyi ang'iing'eeda was siida marachchi gil, gideaba masaweega iimandeawana gadiyeeda ea maygwaji?

1 Yohaana 2:19

Nea saawa ghabeawa heedeanya, ak ea maba meatkweedeanya; aba gideaba inyeeda gaba meatkweedeanya, gwachchi gaygoobiida heedeanya; hean ghang'eatng'eat gwaritta jarooda, ak ghwadaajiit gideaba maba sean meatkweedeanya.

1 Yohaana 3:23

Nea nii ea digheandaannyi gil, gideaba ea mwasa gheawunga Balleandaannyi wa Yeesu Gristo nea geebariinyayi geat, gawuurji gidagoondaneasa.

1 Yohaana 5:5

Anneeda dea joar ng'eanyiida geaghus iimii dea was gideaba Yeesu Balleanda Aseetta?

Giidaheechta 2:11

“Siida agar iitta, dayiinya ng'asheanji rukusa Gurorooda ganiisajeegean. Nea dea jooriischi ea mayghwanyas sawanadeeda miyeedeaba iyyeenya.”

Giidaheechta 2:17

“Gilinyoo googar iitta, dayiinya ng'asheanji rukusa Gurorooda ganiisajeegean. Nea siida jooriischi gaydaadaw hamitta suguura maana ghayi sifuy ak gaydaadaw lagheaneedeesh, ak badaydeaba lagheanean geeng'oorsa gheawunga eashish, mwanala siih geaghus siitta ang'ng'waayiin.”

Giidaheechta 2:7

Gilinyoo googar iitta, dayiinya ng'asheanji rukusa Gurorooda ganiisajeegean. Nea dea jooriischi gaydanung' ghwaak haghweega geetta eaweega, mida jeeda madamnyeanda mwanang' bea Aseettean.’”

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuukka fuga jea goorgweach. Ak ghaadaayi guroruunatka fuga ghayi silajaada gheatkweaka aba badayda muwunnooda Yeesu ea appadayda ng'asheanda Aseetta, ea giikka ghayi mii ghaghadoawan diyeaydideaniin ghana gitta sirattiidean nea miighwanyas giroraneadaannyi aba gheamamuuunatka nyaawa, ghana geattinga nyaawa. Ak gwaduuttu, ak goombaliischi sea Gristo gweannyeew sagalam.

Giidaheechta 21:7

Nea dea jooriischi gaygwahearan haleanjeeni, ak gaydoaw Aseettaannyi nea niny gayghoaw balleandeanyu.

Giidaheechta 22:5

Ak ea maygutgwanda eaweeda; nea magasa weeshinda gheaboong'nyeanda ghana aseetta aba gideaba Ng'uttamiida was Aseetta gayghoaw weeshinda nyaawa, saawa gaygoombaliischi ea ghoaw damanda manda muudeanooda.

Giidaheechta 3:12

“Siida joorischi gaydanung' ghoaw daraneeda aba jeeda gheeda sibatta Aseetteanyu; ak ea mayghanyi gwaritteawa jeeni, ak gaydang'oorsa badaydaannyi gheawunga Aseetteanyu, ea gheawunga mujineeda Aseetteanyu, nea Yerusaleemooda eeshi, rarang'aana humng'eeda heeda Aseetteanyu, ea gheawungeasu giikka eashishiin.

Giidaheechta 3:21

“Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeatti ak geapteadi sea Bwaabwa aba uhuuda hoorgeedaannyi bea gheambalmeeda.

Giidaheechta 3:5

“Nea siida jooriischi gajeekwealsa hang'weakka eeshish, ak ea maydeabuus ghawungaaschi aba jeeda gittaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.