Giidaheechta 2:23 - NEAJEEDA EESH BEA BUUNEESSEAN

²³ ak gaydabwar diibigaaschi gameewa. Ak gayghwanal ganiisajeega sean gideaba aniini geawoschi siida sikkiideawa fughareenga ea guroruunatka, ak gaba siisi adawji aba jeedeang'wa gitteaschi sea gadiyoojigeagwa.”

Bibliyeeda Ghaydit

²³ ak gaydabwar diibigaaschi gameewa. Ak gayghwanal ganiisajeega sean gideaba aniini geawooschi siida sikiideawa fughareenga ea gurooruunatka, ak gaba siisi aadawji aba jeedeang'wa giteaschi sea gadiyoojigeagwa.

Giidaheechta 2:23 Mawu Ofanana

Mattayo 16:27

Aba gideaba Balleanda Siida gayghoana gigheambiitta Ghwaan nea goodeana malaykajeega ak abeeda gayghoadaw gilinyoo asihi gidageattindaannyi aba sinaweagaaschi.

Lukka 16:15

Ng'atta gwayeeshsha saawa, “Agooga goohindi geat gili oowoschi miyaas aba madeeda buuneeda, nea Aseetta ghwanal guroruunatkeagwa; nea gilinyoo goodiing'u geaw aba madeeda buuneeda, gayghoanyarees Aseetta.

Yohaana 21:17

Gabiikta ghoanyaash deaba samwagu, “Simon, balleanda Yohaana, gibwarinyaani?” Gagiisan Betro aba gideaba geannyaash deaba samwagu gideaba “Gibwariinyaani” Gwayeeshsha niny, “Eah, Ng'uttamiida; ang'iing'i ginali haleanjeessean, ang'iing'i ginali gideaba aniini ghabwarinyeay.” Gwayeeshsha Yeesu, “Ahaaghwana gisilgeasu.

Yohaana 4:16

Gwayeeshsha Yeesu niny, “Una, gursiina siyeadaang'u ak gideani hiji.”

Gadiyeeda Giijasoodiga 1:24

Ng'atta geamwash Aseetta nea geeyi, “Ng'uttamiida, ang'iing'i ginali guroruunatka buuneessean, asi ahiimneasa aba jeedeaba fiisu assiyeenyean siida iloadi,

Ruumi 14:12

Asi gwasnu giliwassih aba jeedeanya gaygagu iittaannyi aba madeeda Aseetta.”

Ruumi 8:27

Nea siida sikkiideawa guroruunatka buuneeda ghwanal fughareeda Gurorooda, aba gideaba Gurorooda gamusiischeesa fuga ghaydidi aba gidagassiida Aseetta.

2 Goriinto 5:10

Aba gideaba gajeahitta eesasean madeeda hoorgeeda girgweageeda Gristo, ak abeeda gaba siisi nyas gidamiy ghanea gidamuyi, gawuurji gitta ghayi sin aba saseedean.

Galattiya 6:5

Aba gideaba gaygaba siisi sar sareandaannyi nea gabageaw.

Ebraniya 4:13

Ak ammadeadaannyi ea manda gidaghayi sisin jea afunyaat, amaduw adaach haleanjeessean ea dawiiri nea daach aba madeeda gheanyangaaschi nea dea jea gorgweakseasa.

1 Betro 1:17

Agooga iyoomwashchi awuurjeewana Bwaabwa jea goorgweaksa giliwas sii nea manda shiitmeeda aba giduurji sinaweagaaschi, asi abeawana muuwda damandeang'wa oowosi mang'aweannyeekka.

Giidaheechta 2:11

“Siida agar iitta, dayiinya ng'asheanji rukusa Gurorooda ganiisajeegean. Nea dea jooriischi ea mayghwanyas sawanadeeda miyeedeaba iyyeenya.”

Giidaheechta 2:7

Gilinyoo googar iitta, dayiinya ng'asheanji rukusa Gurorooda ganiisajeegean. Nea dea jooriischi gaydanung' ghwaak haghweega geetta eaweega, mida jeeda madamnyeanda mwanang' bea Aseettean.’”

Giidaheechta 20:12

Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geettin gittaabwajeega. Ak geettin gittaabwajeanda nuut, nea gittaabooda eaweega gil. Ak geergweaksa fukka nimeewean aba ng'asheega sing'oorsa jeedeaba gittaabajeekka, giduurji gidaghayi nisin.

Giidaheechta 20:13

Gooruudu basooda fuga nimeewa mida jeadaannyi, ak gooruudu miyeeda ea Gheeda maloonghajeega fuga nimeewa mida jeadaannyi, ak geergweaksiina sean gidaghayi nisin.

Giidaheechta 22:12

Ng'ulla, ghaawunnyi nea ghaalamwajaanyi, nea geayeadu gichchea daadaw siida, ak ghaadawji giliwas sii giduurji gidaghayi sin.

Giidaheechta 6:8

Hean ghaadaayi, ak geang'ulayi, faraseeda mur, nea siida mida badayda ea Miyeeda gil, nea goodeayi Gheeda maloonghajeega; ak geattaw uurda appadayda ng'eanyiida hiji mwanang', ak gwanuus aba bwaanga ea geejeeda ea dauni ea diyeanga ng'weani bea ng'eanyiida.