Giidaheechta 19:7 - NEAJEEDA EESH BEA BUUNEESSEAN

⁷ Asi ehoosana nea geeng'weelayi nea geattawji gigheambiitta, aba gideaba geeshshooda Dayeenda Gisilleanda nihidu, ak eara gatmoadaannyi ea nisissin geaw ea ghwahit;

Bibliyeeda Ghaydit

⁷ Asi eehoosana nea geeng'weelayi nea geatawji giigheambiita, aba gideaba geeshooda Dayeenda Gisilleanda nihidu, ak eara gatmoadaanyi ea nisisin geaw ea ghwahit;

Giidaheechta 19:7 Mawu Ofanana

Mattayo 1:20

Iiduw nea gudugoottemsheesa ng'asheanji ghwahidu headaannyi Malaykajeanda Ng'uttamiida aba jeeda girgweatka ak gwayeeshsha, “Yoseefu, balleanda Dawdi, adibeali ea nung'waada gheenda Mariya ghoaw gatmoadang'u, aba gideaba gweayumeani iittaannyiin ghwanyas aba uurda Gurorooda Ghaydit.

Mattayo 22:2

“Sugoochcheandumeeda humng'eeda gawuurji sea sugoochcheanda gasa gageesheesa balleandaannyi,

Lukka 12:36

awuurjeewana fuga furda siida haw jea gabiikna nyeangiida, aba gideaba ibiigu ak gagulgul gidaghuut geebay ejeassa.

Yohaana 3:29

Siida mideawa gatmooda bea nyeangiida niny siida geeshshi, amadukku sittuupchi siida geeshshi, iissa ghaminaada nea goleeysiit nea gahoosan muuchchi iyiiy ghutteaba siitta geeshshiin; asi aba sareani hooseanegeasu niheedu.

2 Goriinto 11:2

Aba gideaba aniini geashisseegwa ghaang' aba shidoodeaba ghaang' bea Aseetta, aba gideaba neanyearriiseegwa Gristo ak ghaadaydaneegwa awuurjeewana sibeeda miy weesa ng'eedeanagi.

Efeeso 5:23

Aba gideaba siyeeda goombal gatmoodaannyi, gawurji gidambalda Gristo ganiisa, nea niny ea lealnoochcheandaannyi gil.

Efeeso 5:32

Makcheameeni funyaadiin ahaw ak aniini geabalooli badayda Gristo ea ganiisa;

Filippi 3:3

Aba gideaba aseasa geewoschi ghasmeahooda huumwa, gadoowan Aseetta aba gurorooda, ea gheambalmeeda aba jeeda Gristo Yeesu, fuga mwarara ng'asheega saseeda.

Giidaheechta 11:13

Nea aba damandida abeeda gwanda sawooda haw bea ng'eanyiida, ak ghoabeada mwaatkweanagi mwanang' bea mujiin; ak gameewa fii sagalamnyooji ispwa aba sawoodida bea ng'eanyiidean, ak ghang'ut muuwda geesippuut, ak ghoaghaambiit Aseetta humng'eeda.

Giidaheechta 19:9

Hean gwayeeshshean malaykajeanda, “Ng'waara ng'asheesu: Ghang'wana fukka suguursa hamitta geshshooda Dayeenda Gisilleandean.” Ak gwayeeshshinean, “Suu ng'asheega huumwa bea Aseetta.”

Giidaheechta 21:2

Ak ghaadaayi mujiineeda ghaydit, was Yerusaleemooda eesh, nea ghwararang'aana humng'eeda heeda Aseetta, nea hidaat gawuurji sibeeda siittaamdaam aba siyeeda;

Giidaheechta 21:9

Hean ghwahidu malaykajeanjagi bea jeedeaba giikka as ispwaan nea gwandeawa gweeraji ispwa nyiit sawanaduut ispwa huydean ak goobaloolan, nea gwayi, “Beenni hiji, ak gaydaahiimneeyi sibeeda, was gatmooda Dayeenda Gisilleanda.”