Giidaheechta 19:10 - NEAJEEDA EESH BEA BUUNEESSEAN

¹⁰ Ak geabeedeaysi madeeda geeshangaaschi ak ghaaghadoowannyi niny hean gwayeeshshinean, “Adiiduw gisni ng'asheesu! Aniini geawoschi soomjeanda sea ang'iing'i sea fuga iduupcheewi mideawa muuwunooda Yeesu. Ghadoawana Aseetta.” Aba gideaba muuwunooda Yeesu gurorooda sibaneandumeeda.

Bibliyeeda Ghaydit

¹⁰ Ak geabeedeaysi madeeda geeshangaaschi ak ghaaghadoawanyi niny hean gwayeeshiinean, “Adiidu gisini ng'asheesu! Aniini geawooschi soomjeanda sea ang'iing'i sea fuga iduupcheewi mideawa muuwuunooda Yesu. Ghadoawana ASEETA.” Aba gideaba muuwuunooda Yesu guroorooda sibaneanduumeeda.

Giidaheechta 19:10 Mawu Ofanana

Mattayo 4:10

Hean gwayeeshsha Yeesu, “Ng'amwana hiji Shattaani! aba gideaba geang'war, ‘Ghadoawana Ng'uttamiida was Aseattaang'u ak gibwadi niny nea gaba geaw.’”

Marko 5:22

Iiduw ghwahidu heeda siisi suguura Yayro siisi abeeda gaba fuga hees ahaaghwa ghoriida fuga Yahuudi sinnealshachcheewa. Hitta Siisi gobedeaysa madeeda Yeesu nea gwayeeshsha,

Marko 7:25

Abeeda gwanda Gatmooni mida jeebi ittaannyi bea haweega beardooschi meang'nyeandeenda, nea aninyas iitta Yeesu, Ghwaan ama hidu gobedeaysa madeadaannyi.

Lukka 1:19

Ghwasha Malaykajeanda nea gwayeeshsha, “Aniini geawoschi Gabrieleeda minaada aba madeeda Aseetta, ak gechcheakneani headaang'u deanneay Giijasi miyiin.

Lukka 24:44

Hean gwayeeshsha saawa, “Suu ng'asheegeasu ghayi earukuneegwa, damanda sindeaydooscheewi, ak abeeda ng'asheega appadaydeanyu aba jeeda deaweedeeda Muusa ea sibanga ea gittaabooda Nyiigheega gajeahhiit.”

Yohaana 5:39

Agooga gosikkideawi ng'oruutka nea ghoaghayi gili aba jeannyaawa gondeawi eaweega manda mudeanooda; ak ea dea muuwwu ng'asheega badaydeanyu.”

Gadiyeeda Giijasoodiga 10:43

Ghayi niny gabean gamuuwwu sibanga gideaba siida wassean nyoo ghamwas siisi gayghwanyas samsiinda ring'eagaaschi sean aba gheawungeaba siisi.”

Gadiyeeda Giijasoodiga 13:27

Aba gideaba fuga mida Yerusaleemu ea fuga nyaawa ambaliischi, ak ea mwanala niny ghana gwajeeng'u ng'asheega sibanga sissoomani aba giliwas sabatto, hean ghoahiit aba girgweaksiinda.

2 Goriinto 8:7

Ghamneawa iyoang'aldi aba haleanjeessean aba masaweega, ea rukunooda, ea fughareeda, aba jeeda guroroossean, ea aba jeeda bariinyeegeagwa aba heedeanya, asikteawana gideaba ghoang'aldi aba gadiyeeni bea dagheerjeandumeedean.

Efeeso 5:15

Ang'ulla muuchchi aba gidoabeadi, adoowuurjeewi fuga manda fughareenga, awuurjeewana gea mida fughareenga,

Efeeso 5:33

ak daba siisi bwariyda gatmoodaannyi saseadaannyi, ak gatmooda ea dasissiina siyeedaannyi mureeda.

Filippi 3:3

Aba gideaba aseasa geewoschi ghasmeahooda huumwa, gadoowan Aseetta aba gurorooda, ea gheambalmeeda aba jeeda Gristo Yeesu, fuga mwarara ng'asheega saseeda.

1 Desaloniikke 5:15

Ang'ulla siida wassean adaghwawaldaawa ng'asheanda muy dea muy, iissa ghoayaachchi geeshta ng'asheanda miy galeagaseab, agooga nea goobeayi geat ea biissa aba heeda buuneessean.

Ebraniya 1:14

Neada malaykajeega gadiiyi ghayi sichcheagu gagadiiyeesa, appadahuukka fuga jea ghwanyas lealeanoodeani?

Ebraniya 12:25

Asi ang'ulla adiiduw ghoaheawi ninnyeeda balool. Aba gideaba inyeeda saawa ea mamng'awa damanda heaweawa ninnyeeda reekusa saawa aba jeeda ng'eanyiida, abeeda gajeemng'awdaan iisiheawi ninnyeeda rekuseasa aba humng'eeda.

1 Yohaana 5:10

Siida mwas Balleanda Aseetta gwandeawa muuwwuunoadaannyi aba jeadaannyi. Nea deamwamwasa Aseetta ghwanung' gaba ng'uyya, aba gideaba mwamwasa muuwwuunoona Aseetta appadayda Balleandaannyi.

1 Yohaana 5:21

Diibiga manang'i, afrageat aba duguuga sinung' ghoaw aseechcheekka.

Giidaheechta 1:1

Nii giidaheachta Yeesu Gristo gil, ghayi adaw Aseetta niny gohiimsa soomjoagaaschi ng'asheega jea gabay ghwahidu; ak ghwanung' eanal aba gijeakteayda malaykajeandaannyi gaweesa soomjeandaannyi was Yohaana,

Giidaheechta 1:9

Aniini geawoschi Yohaana, oorjeeda giyeang'wa deaghayi oppareannyeewi sawanadeeda ea sugoochcheandumeeda ea milikghteayda nea ghoahhangng'waanyi, nea gwanda ng'eanyiida neaweesa beega suguura Batmo appadayda ng'asheanda Aseetta ea muwuunooda ng'asheega Yeesu.

Giidaheechta 12:11

Ak ghwajoar aba foojeanda Dayeenda Gisilleanda, ea aba ng'asheanda muwuunnooda nyaawa, ak ea mwabwariinya eaweega nyaawa eara gaweayi miyeeda.

Giidaheechta 12:17

Hean gwanyareeksa ichchibooda gatmoodida, ak ghang'eat gawa ghoang'eat ng'uchcheeda sea jeatta siipuut bea gatmoodean, sea fukka ang'ng'waay digheanyeekka Aseetta nea gammuuwu iitta Yeesuun. Ak ghamiinaada appadayda iseaskweanda basooda.

Giidaheechta 14:7

ak gwayi aba ghuutta haw, “Oawwala Aseetta nea ghoattawji niny gigheambiitta, aba gideaba damanda girgweageadaannyi nihidu; aghadoawana niny deabwat humng'eeda ea ng'eanyiida, ea basooda ea gheanyanga eenda.”

Giidaheechta 15:4

Ngeaha gil deamoawalnyi ak ghoaghaambiit gheawungaagu, Ea Ng'uttamiida? Aba gideaba ang'iing'i guwasi ghaydit nea gibwageaw. Aba gideaba gayghapka emoojiga sean ak ghaghadoawannyi, aba gideaba girgweageadaang'u siittaajiit.”

Giidaheechta 19:9

Hean gwayeeshshean malaykajeanda, “Ng'waara ng'asheesu: Ghang'wana fukka suguursa hamitta geshshooda Dayeenda Gisilleandean.” Ak gwayeeshshinean, “Suu ng'asheega huumwa bea Aseetta.”

Giidaheechta 4:10

inyeessa gwearsu was diktam ea ang'waniin goobeedeaysa madeeda siitta apteada aba uhuudeaba hoorgeetta bea gheambalmeedean ak ghaghadoawan ninnyeeda majeek eaghoaw damanda manda muudeanooda; nea gwajaksa shiipka nyaawa madeeda hoorgeetta bea gheambalmeedean, nea gwasarman,