Giidaheechta 17:14 - NEAJEEDA EESH BEA BUUNEESSEAN

¹⁴ ak suu gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'uttamiida ng'uttamoojiga gil ea Sugoochcheanda sugoodiga, ak suu mideawa ninyiin ea gea geguursa gea suloat ea gea doobiiweadi.”

Bibliyeeda Ghaydit

¹⁴ ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”

Giidaheechta 17:14 Mawu Ofanana

Mattayo 22:14

Aba gideaba gea suguursa aasaang'a, nea gea siloat ea ng'ay.”

Mattayo 25:40

Ghwasha Sugoochcheanda nea gwayeeshsha, ‘Aba huumwa gaydayeeshineegwa, gili wassean noosissi siyagi aba jeedeaba orjoosu bea giyeanya manang'iin goosinnean aniini.’

Mattayo 28:18

Ghwaan Yeesu heannyaawa ak goobalool ak gwayeeshsha, “Sugoonan gheambalmeeda sean aba humng'eeda ea ng'eanyiida.

Yohaana 15:16

Aniini moaloadaan agooga, ghaloachcheagwa aniini ak ghaanung' aweayeena ak gojiilli haghweega jea ghwashng'u; ak abeeda gagoneegwa Bwaabwa gidawassean iyoomuschi aba gheawungeasu.

Ruumi 1:6

nea ghabwada agoogeeni suguureewaneegwa fuga jea gaba Yeesu Gristohiin;

Ruumi 8:30

Amaduw fukka ghayi bay ghwaloat ammwadiin, iiduw earaga siguursa, amaduw fukka guursean hean ghoadaw nea fukka adaw doobiiwnattean ghoadaw gigheambiitta.

Ruumi 8:37

Manda, aba jeedeaba ng'asheesu seaniin iissa geang'alli fuga jooriischi, aba heeda siida ghayi bwariinyeasa.

1 Goriinto 15:24

iing'atta hiji gayghwahidu mudeanooda, damanda jea ghoadawa Aseetta was Bwaabwa gheambalmeeda iing'atta nyarjeawuda sugoochcheandumeeda ea fuga ambaliischi sean ea uurda.

1 Dimotteo 6:15

Aba gideaba iihiitta damandaanyi gay ghwadaajiinyi Aseetta niny geekghambiit ak goombalischi nea gabwageaw sugoocheanda sugoodiga Ng'uttamiida ng'uttang'oojiga,

2 Dimoteo 2:4

Shirikarajeanda mida jeeda ng'ucheeda maygwadeawiit aba haleajeeda munda ng'eanyiida aba gideaba gaygoohoosan shirkarajeandaanyi haw.

1 Betro 2:9

Nea agooga goowoschi emeeda siloat, ashoohoochcheandumeeda ambaliischi, emeeda ghaydidi, was fuga Aseetta, ak abeeda goorukkwiidi sinaweagaaschi deamdeameadi was dea guurneegwa arinnana jeeda misaneeda ak gooweayi jeeda weeshindaannyi haw.

Giidaheechta 1:5

biissa gwaleabu heeda Yeesu Gristoyda was muushoochcheanda doabiiwaat, was duweachcheeda fuga nimeewa, ak goombal sugoodiga mida ng'eanyiida. Heedeaba ninnyeeda bwariinyeasa ak gottineasa ehelleewana ring'eegaasa aba foojeandaannyi

Giidaheechta 11:7

Iiduw nea niihiit muuwnooda nyaawa, gaygang'uchchi diyeaydida leabu jeeshoomanda mammudeanean sea saawa, ak gayghwajoar ak gwanuus saawa,

Giidaheechta 16:14

suu guroruunatka meangeenda gil, sina gwadeagwajeega, inyeessa gwaritta ak gaweesa sugoodiga mida gigheawda bea ng'eanyiissean, ak ghoamughuush saawa aba ng'uchcheedida aba eaweetta haw bea Aseetta Hoauuriin.

Giidaheechta 2:10

Asi adiiwali ng'asheega jea nyasa was sawanadeeda. Ng'ulla, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda gesimsimeegwa, ak aba jeemba askweajooji damanamughuush gajanyasa sawanadeeda. Wosa doabiiwaat ea hitta miyeeda, ak gaydagoonnyi shiipka mideawa eaweega.’”

Giidaheechta 2:13

“Ghaanalli heediibiitti, heeda mida hoorgeeda gheambalmeeda Shattaani gil; ak ang'iing'i ea ning'waanyi muuchchi gheawungeasu, ak ea mii heawana masaweegeasu eara damandida bea Antiippa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiitta Shattaaniin.

Giidaheechta 3:21

“Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeatti ak geapteadi sea Bwaabwa aba uhuuda hoorgeedaannyi bea gheambalmeeda.