Giidaheechta 15:3 - NEAJEEDA EESH BEA BUUNEESSEAN

³ Ak gwasarman duumda Muusa, was soomjeanda Aseetta, ea duumda Dayeenda Gisilleanda, nea geeyi, “Gadiyoojigaagu isinayi ea hees nea deamdeameadi, Ea Ng'uttamiida was Aseetta Hoauur! Naweadingaagu doobiiwnatta gil ea huumwa, Ea Sugoocheanda gweannyeekka sean!

Bibliyeeda Ghaydit

³ Ak gwasarman duumda Musa, was soomjeanda ASEETA, ea duumda Dayeenda Gisilleanda, nea geeyi, “Gadiyoojigaagu isinayi ea hees nea deamdeameadi, Ea Ng'utamiida was ASEETA Hoauur! Naweadingaagu doobiiwnata gil ea huumwa, Ea Sugoocheanda gweanyeeka sean!

Giidaheechta 15:3 Mawu Ofanana

Yohaana 1:17

Aba gideaba deaweeda geegu aba naweeda Muusa; nea dagheerjeandumeeda ea huumeanda ghapkaana naweeda Yeesu Gristo.

1 Dimotteo 1:17

Mureeda ea gheambiida daba sugoocheanda eaweega manda mudeanooda was dea maygamutmudan, ak ea midachi ninyi Aseetta gil ak ghwahit ea ghwoow eaweega manda mudeanooda. Amin.

Ebraniya 3:5

Nea Muusa ea doabiiwaat aba haleanjeessean mida jeeda gheeda Aseetta nea gawuurji soomjeanda, ak gamuuwwu haleanjeeda jea eergu galannya,

Giidaheechta 1:8

“Aniini geawoschi Alfa ea Omeega,” dea madeeda ea dea huydean, aba ginnyaa Ng'uttamiida was Aseetta, dea mida ea dea bean gwanda ea dea jea ghwahidu, was Aseetta mideawa uurda.

Giidaheechta 11:17

nea gwayeenna, “Geebadiischooweey ang'iing'i, Ng'uttamiida was Aseetta mideawa uurda, gindi nea gibean midana, aba gideaba nigeandi uurdaang'u haw ak giimbaliischi.

Giidaheechta 14:3

nea gwasarman duumdeesh aba madeeda hoorgeeda gheambalmeeda ea madeedeaba diyeangiga assang'wan majeekcheewiin ea madeeda gweargwa. Ak ea manda siida ammu ghoanal geaw duumdida, geaghus fukka as sagalama ea haradam ea ang'wan ghayi sikghu appadayda ng'eanyiidean.

Giidaheechta 14:8

Gweadu geeshta malaykajeanda nuut bea iyyeenya, nea gwayi, “Niibeadi, Niibeadi Babeleeda haw, aba gideaba ginung' ghwali emoojiga sean difaayeeda gitta igasayi muyiin.”

Giidaheechta 17:14

ak suu gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'uttamiida ng'uttamoojiga gil ea Sugoochcheanda sugoodiga, ak suu mideawa ninyiin ea gea geguursa gea suloat ea gea doobiiweadi.”

Giidaheechta 19:16

Ak badayda hang'daannyi ea gibeestaannyi geeng'oorsa, gheawunga Sugoochcheanda sugoodiga ea Ng'uttamiida ng'uttamoojiga.

Giidaheechta 19:2

aba gideaba girgweageadaannyi dea huumwa gil nea doabiiwaat; aba gideaba nirgweaksa hiseadaydida hawiin ghayi datas ng'eanyiida aba hiseadayeandumeandaannyiin, ak ea niwalda appadaydaannyi foojeanda soomjoogaaschi.”

Giidaheechta 4:8

Nea diyeanga assang'wan majeekcheewiin, gaba nii bea meang'i lah, hean ghoang'wearu gang'ula meadajeega ea jih, nea askweari ea eawa ghanyea mii ghwanung'waada sarmeeda, “Dea Ghaydit, dea ghaydit, dea ghaydit, Ng'uttamiida was Aseetta Haw uuri, niny dea mida ea dea bean gwanda ea dea jea ghwahidu.”