Giidaheechta 14:15 - NEAJEEDA EESH BEA BUUNEESSEAN

¹⁵ Gwarinna jeeda gheeda sibatta Aseetta malaykajeanda nuut, ak gaguurda aba ghuutta haw, gaguursa siitta apteada aba uhuudeaba shamooghoodean, “Adealda bardaang'u, ak guwi laja, aba gideaba booga ng'eanyiida niheas.”

Bibliyeeda Ghaydit

¹⁵ Gwarina jeeda gheeda sibata ASEETA malaykajeanda nuut, ak gaguurda aba ghuuta haw, gaguursa siidida apteada aba uhuudeaba shamooghoodean, “Adealda bardaang'u, ak guwi laja, aba gideaba booga ng'eanyiida niheas.”

Giidaheechta 14:15 Mawu Ofanana

Mattayo 13:30

Anung'waada gwaheettu sean ea ghwahitta damanda lajiitta; damandida gaydayeeshsha fukka jea ghwalajiin, oshsheeda oammughuusha morookka ak ghoarachchi gharmuchcheekka ak geaghwarda, nea nngano goowweamsi gijigoodeanyu.’”

Mattayo 13:39

Nea weajoochcheandida histean ea meang'nyeandeenda, nea lajitta ea mudeanooda ng'eanyiida, nea fuga lach ea malaykajeega.

Mattayo 23:32

Asi oannyiida gitta ghayi adeenniida ghweanigeagwean.

Marko 4:29

Iiduw nea booga ea niheas, gaygawa seabwa ghwalach aba gideaba ghwadaa nihitta damanda lajitta.”

1 Desaloniikke 2:16

nea ghoadealeasa aseasa ea meerukusiini fuga Emoojiga gideaba gajeelealu ak gawuurji gili sinnyiit gideenda ring'eega nyaawa. Iiduw ea nihidu nyarasta Aseetta badahuukka nyaawa aba huydeanda.

Giidaheechta 11:19

Ng'atta geettin Gheeda sibatta Aseetta mida humng'eeda, ak geadaah sandakwajeanda digheanda aba jeedeaba gheannyi sibatta Aseetta; abeeda gwanda dadamandeeda, ea nyeashta, ea gighweendandeeda humng'eeda, ea sawooda ng'eanyiida, ea roopta haw muuchchi bea lagheanga.

Giidaheechta 13:12

Ak gagadiyeatta gheambalmeedeaba diyeaydida bea madeedean iisidaah, ak ghwanung' ghoaghadoawan ng'eanyiida ea fuga mida jeeda diyeaydida bea madeedean, nea dearjoadaannyi bea miyeeda ea nihaap.

Giidaheechta 14:14

Hean ghang'weardi ak ghaadaayi shamooghooda eesh, nea uhuudeaba shamooghooni goopteada siida uurji balleanda siida, nea uhuudaannyi gwanda shiipka lagheanga meeng'meeng'i, nea gwanda geattindaannyi barda ng'aniip.

Giidaheechta 14:16

Hean siitta apteada appadayda shamooghoodean gwajaksa bardaannyi badayda ng'eanyiida, ak gealach ng'eanyiida.

Giidaheechta 14:17

Ng'atta gwarinna malaykajeanda nuut jeeda gheeda sibatta Aseetta mida humng'eeda, anniny gwandeawa barda ng'aniip.

Giidaheechta 14:18

Ak gwarinna malaykajeanda nuut heeda wagiida, nea dea burdeawa uurda beasta gil, ak gaguursa dea mideawa bardida ng'aniibiin aba ghuutta haw nea gwayeeshsha, “Geanni bardida ittaang'u ng'aniibiin ak gibinni dayeega msabiibooda ng'eanyiida, aba gideaba haghweagaaschi niheas.”

Giidaheechta 15:6

ak gwarinna jeeda gheeda sibatta Aseetta malaykaji ispwa nea gwandeawa sawanaduut ispwa, nea gookkwa hang'weakka miyaas meeng'meeng'i, nea daghanuunatka nyaawa ea sirat aba ghealooda meang'meang'.

Giidaheechta 16:17

Gohiisa malaykajeandida bea ispwaan gweeriidaannyi humng'eeda, ak gwarinna nyeashta haw jeeda gheeda sibatta Aseetta, heeda hoorgeeda gheambalmeeda, nea gwayi, “Nigeawiit gwasa!”

Giidaheechta 6:10

goojuur aba ghuuttahaw nea geeyi, “Ea Ng'uttamiida ambaliischi, ghaydit bea huumwa, gajeeyi bwak ea ghoaw eeju nea miyargweaksiina ak giwaldi foojeandeanya appadahuukka fuga mida badayda ng'eanyiida?”