Giidaheechta 14:1 - NEAJEEDA EESH BEA BUUNEESSEAN

¹ Ng'atta ghaang'weardi, ak ghadaayi gwanda uhuuda Giijeeda Sayuun Dayeenda Gisilleanda nea ghamiinaada, nea gwandeayi sea niny fii sagalamnyooji bughala ea haradam ea ang'wan nea gwandeawa gheawungaaschi ea gheawunga Ghwaan nea sung'oorsa gheamamuunatka nyaawa.

Bibliyeeda Ghaydit

¹ Ng'ata ghaang'weardi, ak ghaadaayi gwanda uhuuda Giijeeda Sayuni Dayeenda Gisilleanda nea ghamiinaada, nea gwandeayi sea niny fih sagalamnyooji bughala ea haradam ea ang'wan nea gwandeawa gheawungaaschi ea gheawunga Ghwaan nea sing'oorsa gheamamuunatka nyaawa.

Giidaheechta 14:1 Mawu Ofanana

Lukka 12:8

“Ak geayeeshshiineegwa gilinyoo ea siida gil nyoo ghamwasan aba madeeda buuneeda, eara niny gayghamwas Balleanda Siida aba madeeda malaykajeega Aseetta;

Ruumi 9:33

gawuurji gidasung'waarda, “Ng'ulla, ghaayiinyi Sayuuni lagheaneeda beanya fih, lagheaneeda jea ghwanung' goobeedeayi; nea siida mwas niny ea mwajeappwaspwas.”

Giidaheechta 14:14

Hean ghang'weardi ak ghaadaayi shamooghooda eesh, nea uhuudeaba shamooghooni goopteada siida uurji balleanda siida, nea uhuudaannyi gwanda shiipka lagheanga meeng'meeng'i, nea gwanda geattindaannyi barda ng'aniip.

Giidaheechta 14:3

nea gwasarman duumdeesh aba madeeda hoorgeeda gheambalmeeda ea madeedeaba diyeangiga assang'wan majeekcheewiin ea madeeda gweargwa. Ak ea manda siida ammu ghoanal geaw duumdida, geaghus fukka as sagalama ea haradam ea ang'wan ghayi sikghu appadayda ng'eanyiidean.

Giidaheechta 15:5

Ng'atta ng'asheesu ghang'weardi ak ghaadaayi gheeda sibatta Aseetta bea maheemajeanda bea muuwunooda mida humng'eeda nea nijaada,

Giidaheechta 22:4

ak gayghwadaa gheamamdaannyi, nea gheawungaaschi gaygwanda gheamanunatka nyaawa.

Giidaheechta 3:12

“Siida joorischi gaydanung' ghoaw daraneeda aba jeeda gheeda sibatta Aseetteanyu; ak ea mayghanyi gwaritteawa jeeni, ak gaydang'oorsa badaydaannyi gheawunga Aseetteanyu, ea gheawunga mujineeda Aseetteanyu, nea Yerusaleemooda eeshi, rarang'aana humng'eeda heeda Aseetteanyu, ea gheawungeasu giikka eashishiin.

Giidaheechta 4:1

Iing'atta ng'asheesu ghang'weardi, ama deagheatta gwanda humng'eeda gidaghuutta jaadaat. Hean ghuutta gwachchi ayiinyi bea madeedean goobaloolan nea ghwanyaashta giguuleanda, nea gwayi, “Beenni hiji, ak gaydahiimneey gichchea ghwahidu iing'atta ng'asheesu.”

Giidaheechta 6:8

Hean ghaadaayi, ak geang'ulayi, faraseeda mur, nea siida mida badayda ea Miyeeda gil, nea goodeayi Gheeda maloonghajeega; ak geattaw uurda appadayda ng'eanyiida hiji mwanang', ak gwanuus aba bwaanga ea geejeeda ea dauni ea diyeanga ng'weani bea ng'eanyiida.