Giidaheechta 13:2 - NEAJEEDA EESH BEA BUUNEESSEAN

² Nea diyeaydida adaayiin gawuurji mariirda, nea geeshangaaschi gawuurji idamooda, ak ghuuttaannyi gawuurji ghuutta ng'adiida. Ak ghoadaw hararjooda diyeayda uurdaannyi ea hoorgeadaannyi bea sugoochcheandumeeda ea gheambalmeeda haw.

Bibliyeeda Ghaydit

² Nea diyeaydida aadaayiin gawuurji mariirda, nea geeshangaaschi gawuurji idamooda, ak ghuutaanyi gawuurji ghuuta ng'adiida. Ak ghoadaw hararjooda diyeayda uurdaanyi ea hoorgeadaanyi bea sugoocheanduumeeda ea gheambalmeeda haw.

Giidaheechta 13:2 Mawu Ofanana

2 Dimoteo 4:17

Ak ea niminaadawa Ng'uttamiida meatkweedeanyu ak gagoonan uurda aba gideaba gagasa ninyi darukwiida giijasta miy, ea ghwayiiy emoojiga sean, ak ghalalaani ghuutta ng'adiida.

1 Betro 5:8

Andeawana gheadeenda nea ghoang'ng'wearu. Aba gideaba weajoochcheandeang'wa was meang'nyeandeenda gawuurji ng'adiida ak gwanyeara daghatta, nea gwaneay gagasa siida jea ghwanukghuta.

Giidaheechta 12:13

Iiduw nea ghwadaa ichchiboodida gideaba sijaksa badayda ng'eanyiida, hean ghwaat geeshteaba gatmoodida jiih jeepta was balleandean.

Giidaheechta 12:15

Hean gwarinna ghuutteaba ichchiboodida beega uurji gea enda, appadayda gatmootta, ak ghwanung' ghwaat guldeayda.

Giidaheechta 12:9

Ak geejaksa ng'eanyi hararjootta haw was ichchiboodeaba garayiin, suguura Meang'nyeandeenda ea Shattaani, was dea reengani ng'eanyiisseaniin, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Giidaheechta 13:12

Ak gagadiyeatta gheambalmeedeaba diyeaydida bea madeedean iisidaah, ak ghwanung' ghoaghadoawan ng'eanyiida ea fuga mida jeeda diyeaydida bea madeedean, nea dearjoadaannyi bea miyeeda ea nihaap.

Giidaheechta 13:4

Hean ghaghadoowan buuneeda ichchiboodida, aba gideaba niidaw gheambalmeadaannyi diyeayda, hean ghaghadoowan diyeaydida nea gwayi, “Gawuurji ng'eaha diyeayda, ak gayghoammu ng'eaha gang'uchi sea niny?”

Giidaheechta 16:10

Gohiisa malaykajeandida bea muudiin gweeriidaannyi badayda hoorgeeda gheambalmeedeaba diyeaydida, ak geenung' gamsaniit sugoochcheandumeadaannyi; hean ghwanyeannyea buuneeda ng'ushapkeakka nyaawa aba silalga

Giidaheechta 17:12

Ak gujakkiga attamwanamughuush idaahiin ea sugoodiga attamwanamughuush gil, was gea miighoang'ng'waay uurda sugochcheandumeeda, ak ea ninyas gheambalmeeda gawuurji sugoodiga aba aseadeanagi, sea diyeayda.

Giidaheechta 19:20

Hean geang'ng'waay diyeaydida, sea sibaneeda ng'uyyeega ghayi sina gwadeagwajeega ammadeadaannyi, ak gwareengani fukkeanji ghayi ning'ng'waay giirooraneedeaba diyeaydida ea fukka ghadoawan gidasirattiida ninyiin. Hean geejaksa suu assiyyeenyean jeeda basooda beasta nea majeekcheewi ak ghwaak beasta ea giikkayda.

Giidaheechta 2:13

“Ghaanalli heediibiitti, heeda mida hoorgeeda gheambalmeeda Shattaani gil; ak ang'iing'i ea ning'waanyi muuchchi gheawungeasu, ak ea mii heawana masaweegeasu eara damandida bea Antiippa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiitta Shattaaniin.

Giidaheechta 20:2

Ak ghoang'ng'waay ichchibooda was ichchiboodida bea garayiin was meang'nyeandeenda ea Shattaani, ak ghwarada gweanyeew sagalama,