Giidaheechta 13:16 - NEAJEEDA EESH BEA BUUNEESSEAN

¹⁶ Hit gageanu sean fuga manang'i ea gea hees, fuga sean was meanang'oodiga ea gea barbari, sean fuga abal geat ea ging'ng'oonyanga, ak geayiin giirooranga geattinda dugwa ghana gheamamuunatka,

Bibliyeeda Ghaydit

¹⁶ Hit gageanu sean fuga manang'i ea gea hees, fuga sean was meanang'oodiga ea gea barbari, sean fuga abal geat ea giing'oonyanga, ak geayiin giirooranga geatinda dugwa ghana gheamamuunatka,

Giidaheechta 13:16 Mawu Ofanana

Gadiyeeda Giijasoodiga 26:22

Iiduw ghaweadan Aseetta ak ghoaw gidaghamna amiinaadawi nea geawoschi majeek nea geamuuwwiisi ng'asheega fuga manang'i ea gea hees, nea ng'asheega eabalooli ea gea ghayi rugu sibanga ea Muusa gil gideaba gayghwahidu:

1 Goriinto 12:13

Nea aba Guroroanagi geppaattiisaneasa aba saseanagi, fuga Yahuudi ghanea fuga Giriikki gili, ea ging'ng'oonyanga gil ghanea fuga abal geat gil, hean geanung' ghwaleayda sean Guroroanagi.

Galattiya 3:28

Ak biissa ea maheelli siida Yahuudi ea siida Yunaani, ghana siida was ging'ng'oonyaneeda ghana dea abalgeaw. Ea manda ng'eedeeda ghana gatmooda; aba gideaba agooga noowaschi agi aba naweeda Gristo Yeesu.

Galattiya 6:17

Gidang'eada ghamneawa adagoodeawiidan sii; aba gideaba aniini geandeawi girooraneeda Yeesu aba saseedeanyu.

Efeeso 6:8

nea ghoanalli gideaba gidamiy wassean sin siida, gaygabiikta ghwanyas gichcha aba heeda Ng'uttamiida, ea ging'ng'oonyaneeda gil ghanea siida abalgeawi.

Golosaayi 3:11

Ak aba sareani ea maheelli siida Yunaani ghana dea Yahuudi, dea siyaat ghasmeahooda ea dea miyeayaat ghasmeahooda, bunyeanda, ghana siida mwanala gil, ging'ng'oonyaneeda, ghana dea abal geaw, nea Gristo ea sean gil aba jeeda haleanjeesean.

2 Dimoteo 3:8

Nii gawuurji gidaghayi heawaatta geaba Yaane ea Yambure ng'asheega Muusa ak eara fiisu ghaheawa humeandida ak suu ea fuga nidatasa fughareenga nyaawa gil, ak ea siheawa aba ng'asheega masaweega.

Giidaheechta 11:18

Ak gwanyareesi emoojiga, ak ghwahidu nyarastaang'u, nea ghwahidu damanda jea ergweaksiina fuga nimeewa, nea geammwaar soomjoogaagu was sibanga ea gea ghaydidi, ea fukka awali gheawungaaguun, was gea manang'i ea gea hees, ak geedatas suu datas ng'eanyiidean.”

Giidaheechta 15:2

Ghaadaayi giduurji basooda giyoo guuyi beasta, ak fukka joar diyeayda ea gissirattiidean ea monneeda gheawungaaschi, nea ghamiinaada aba murdeeda basoodida bea giyoohiin, nea gwandeawa gidondoorajeega Aseetta aba geattinga nyaawa.

Giidaheechta 19:18

ak ghoayaaji sasanuukka sugoodiga, ea sasanuukka shirikkaarajeega hees, ea sasanuukka fuga mideawa uurjeenga, ea sasanuukka farasajeega ea gea fuga ding'da, ea sasanuukka buuneessean, sea siida abal geaw ea ging'ng'oonyaneeda, dea mwanang' ea dea haw.”

Giidaheechta 19:20

Hean geang'ng'waay diyeaydida, sea sibaneeda ng'uyyeega ghayi sina gwadeagwajeega ammadeadaannyi, ak gwareengani fukkeanji ghayi ning'ng'waay giirooraneedeaba diyeaydida ea fukka ghadoawan gidasirattiida ninyiin. Hean geejaksa suu assiyyeenyean jeeda basooda beasta nea majeekcheewi ak ghwaak beasta ea giikkayda.

Giidaheechta 19:5

Hean gwarinna ghuutta nyaasha jeedeaba hoorgeetta bea gheambalmeedean nea gwayi, “Edumsheesiina Aseetteanya, agoogeani sean owaschi soomjoagaaschiin, agoogeeni owalli gheang'daanyiin, was gea manang'i ea gea hees.”

Giidaheechta 20:12

Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geettin gittaabwajeega. Ak geettin gittaabwajeanda nuut, nea gittaabooda eaweega gil. Ak geergweaksa fukka nimeewean aba ng'asheega sing'oorsa jeedeaba gittaabajeekka, giduurji gidaghayi nisin.

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuukka fuga jea goorgweach. Ak ghaadaayi guroruunatka fuga ghayi silajaada gheatkweaka aba badayda muwunnooda Yeesu ea appadayda ng'asheanda Aseetta, ea giikka ghayi mii ghaghadoawan diyeaydideaniin ghana gitta sirattiidean nea miighwanyas giroraneadaannyi aba gheamamuuunatka nyaawa, ghana geattinga nyaawa. Ak gwaduuttu, ak goombaliischi sea Gristo gweannyeew sagalam.

Giidaheechta 6:15

Nea sugoodiga badayda ng'eanyiida ea fuga hees, ea shirikkaarajeega hees ea meanang'oodiga ea gea mideawa uurjeenga, ea gilwas sih, soomjeanda, ea dea abal geaw, hean gafuysageat jeesinga gwaleadinga ea dageascheeda lagheanga gijeega,

Giidaheechta 7:3

nea gwayeeshsha, “Adoosawannyi ng'eanyiida ghana basooda ghana geediga, ea eaghus ea siyiinnyi girooraneeda gheamanuunakka soomjooga Aseetteanya.”