Giidaheechta 12:9 - NEAJEEDA EESH BEA BUUNEESSEAN

⁹ Ak geejaksa ng'eanyi hararjootta haw was ichchiboodeaba garayiin, suguura Meang'nyeandeenda ea Shattaani, was dea reengani ng'eanyiisseaniin, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Bibliyeeda Ghaydit

⁹ Ak geejaksa ng'eanyi hararjoodida haw was ichiboodeaba garayiin, siguura Meang'nyeandeenda ea Shataani, was dea reengani ng'eanyiisean, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Giidaheechta 12:9 Mawu Ofanana

Mattayo 13:39

Nea weajoochcheandida histean ea meang'nyeandeenda, nea lajitta ea mudeanooda ng'eanyiida, nea fuga lach ea malaykajeega.

Mattayo 24:24

Aba gideaba gayghwahidu Gristohajeega ng'uyyeega ea sibanga ng'uyyeega. Ak gayghoahiimu gwadeagwajeega hees deamdeameadi jea ghoammu gahutteawi fuga ghayi bay ealoat.

Mattayo 25:41

“Iiduw gaygwayeeshsha fukka mida meatkweadaannyi bea geattinda ghadaamiin, ‘Oang'amwana madeedeanyu, fukghayi sumwaashta, aweayeena jeeda beasta manda mudeanooda ghayi sibay eerarsa Meang'nyeandeenda ea malaykajeegaaschi;

Mattayo 4:1

Ng'atta ghwaat Yeesu Gurooorooda ea ghoahiitta dareapcheeda ak gwasimsim meang'nyeandeenda.

Mattayo 4:10

Hean gwayeeshsha Yeesu, “Ng'amwana hiji Shattaani! aba gideaba geang'war, ‘Ghadoawana Ng'uttamiida was Aseattaang'u ak gibwadi niny nea gaba geaw.’”

Mattayo 4:5

Ng'atta ghwaat Meang'nyeandeenda mujiineeda Ghaydit ak goodiing'da uhuuda gheeda Sibatta Aseetta heeda geaw

Mattayo 4:8

Ng'atta ghwaat gichcha Meang'nyeandeenda ak goodiing'da uhuuda giijeeda geaw muuchchi, ak goohiimsa daroorakka sean bea muunda ng'eanyiida ea miyeanoadaannyi,

Lukka 10:18

Gwayeeshsha saawa, “Ghadahaannyi Shattaani nea ghang'adaana humng'eeda gawuurji dadamandeeda.

Lukka 13:16

Ama ghamneawa gatmooni, was hudeaba Abrahaamu nirada Shattaani gweannyeew damassisiin, mammisiina eettin aba ghealoonigaaschi eaweechcheanji bea Sabattohiini?”

Lukka 22:3

Hean ghoabiitta Shattaani jeeda Yuudayda suguura Iskariyotte, nea gaba jeedeaba fugiga attamaniyyeenyean;

Lukka 22:31

“Simon, Simon, ng'ulla, Shattaani gagasseegwa ghoalealdaneegwa nngano,

Lukka 8:12

Giikka abitpissa naweedean fugiga ama iiyiin gil; hean ghwahidu meangeenda gageandeawa ng'asheandida guroruunatka nyaawa, aba gideaba adaghamwas ak gealealu.

Yohaana 12:31

Damani nihitta heeda jea ergweaksiina ng'eanyiini, nihitta damanda jea ejakteawa siida ahaaghwa ng'eanyiini.

Yohaana 14:30

Maygutteabaloolaneegwa gichcha ng'asheega saang'a aba gideaba siida ahaaghwa ng'eanyiin gayghwaan. Aba heedeanyu niny moammu gil;

Yohaana 16:11

aba ng'asheega girgweaksiinda, aba gideaba siida ambaliischi bea ng'eanyiida sirgweaksa.

Yohaana 8:44

Agooga gobeayi ghweandeang'wa was Meang'nyeandeenda ak iissa googasayi asna gitta bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madobiiwsiina humeanda aba gideaba manda jeadaannyi humeanda. Iissa irugu ng'uyyeega gwargu aba gitta biit siratta ninyiin, aba gideaba niny gaba ng'uyya, ak ea ghweanda ng'uyyeega.

Gadiyeeda Giijasoodiga 26:18

ak ghwayam gheanyanga nyaawa, geat gwaheelli misaneeda ak gaweay jeeda weeshinda ak gwaritteawa jeeda uurda Shattaani amahit gwayamsa geat Aseetta, ak ghwanyas samsiinda ring'eega ea giibinda aba jeeda fukka ghayi simmiidu aba masaweega aba jeedeanyuun.’”

Gadiyeeda Giijasoodiga 5:3

Ghwalamda Betro ak gwayeeshsha, “Ananiya ghwasaan andaginung' goobal guroroadaang'u Shattaani ea ghwanung' reenganna Gurorooda Ghaydit ak gifunyi haleanjeeda mwaatkwa bea madamnyeandean?

Ruumi 16:18

Aba gideaba fuga sina ng'asheesu magadiyeesiina Ng'uttamiideanya was Gristo, saawa gagadiyeesa jeesinga nyaawa, nea gaba geat aba ng'asheega nyaawa bea ng'uyyeega iissa gwareengani guroruunatka fuga manang'i fughareeni.

Ruumi 16:20

nea Aseetta mideawa weayda gaygabay ghwanung' adattasa Shattaani aba geeshangeagwa. Dagheerjeandumeeda Ng'uttamiideanya was Yeesu Gristo gagasa goobiida jeedeang'wa.

2 Goriinto 11:14

Ak ea mayghaham fih ng'eanyi, aba gideaba eara Shattaani iissa ghwayamyam geaw gawuurji malaykajeanda weeshinda.

2 Goriinto 11:3

Iiduw ghabealli, gawuurji gidaghayi renganniida ichchibooda Haawa aba milmilandaannyi, gajeehutteawi fughareengeagwa ak ghoanung'waadi doobiiwnatta ea alooheeda Gristo.

2 Goriinto 12:7

Ak goheellewean ghwaroodeaba geaw aba seang'ayda dagheerjeandumeeda sittahaach, ak geegoonan aniini halaghweeneeda aba saseeda, giijasoochcheanda Shattaani, ak goodeawiidan, ak goheellewean ghwarjeeda.

2 Goriinto 2:11

adaghwanyas Shattaani gheatta jea ghwanyagaadawa appadahuukkaasa; aba gideaba meewosi dasheahi aba gitta gasean.

2 Goriinto 4:4

Aba sareani aseetteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa gigheambiitta Gristo, nea niny gawuurji sea Aseetta.

Efeeso 4:14

aba gideaba adeebiikti gichcha eahuuwa diibiga, ak geejakseasa hoowa ea hoowa, nea ghwadeasa gilinyoo ea jeammeeda bea ginealshooda fughareenga, aba milmilanda buuneeda ea seechmeeda nea geayaachchi naweedinga reengani buuneeda.

2 Desaloniikke 2:3

Asi adagwareenganneegwa sih aba gidawassean; aba gideaba eaweettida mayghwahidu, ea ghanyi gooshoohu mwadi heheeweega, ak abeeda geattahaach siitta was roodaneeda, was balleanda roodaweegean,

1 Dimotteo 2:14

Ak Adam ea miyerengani geereengani gatmooda muuchi ak ghwabitta jeeda ramaseanda.

2 Dimoteo 3:13

Ak fuga munyasearooji ea gea ng'uyyeega gayghang'atta mwadi ak ghwaranya buuneeda nea eara saawa geereengani.

Ebraniya 2:14

Gwasnu eara diibiga gaguuyi saseeda ea foojeanda, gwasnu eara niny gwandeawa saseeda uurji nii, ak aba naweeda miyeeda abeeda ghwadattas diitta mideawa uurda miyeedean, nea meang'nyeandeenda,

1 Betro 5:8

Andeawana gheadeenda nea ghoang'ng'wearu. Aba gideaba weajoochcheandeang'wa was meang'nyeandeenda gawuurji ng'adiida ak gwanyeara daghatta, nea gwaneay gagasa siida jea ghwanukghuta.

1 Yohaana 5:19

Aseasa geanalli gideaba geebeayi Aseetta, ak ng'eanyiissean goombal diitta muyiin.

Yuuda 1:9

Nea Mikkaeleeda was malaykajeanda haw, gang'alealii sea meang'nyeandeenda, nea gwasheang'nyeesa saseeda Muusa, mii gabadaksa rukunooda ging'weakka appadayda girgweageeda mida badaydaannyi, geaghus gideaba gwayeeshsha, “Gagasa goowoowseey Ng'uttamiida.”

Giidaheechta 12:12

Asi ang'weella, Ea humng'eeda, ea agoogeeni ondijeedean! Asi agooga ashageada, Ea ng'eanyiida ea basooda, aba gideaba meang'nyeandeenda nirarang'aan ghwahidu heedeang'wa nea gaba nyarasta haw aba gideaba ghwanal gwandeawa gheadi nuwaas!”

Giidaheechta 12:3

Ng'atta geadaah gwadeagooda nuut aba humng'eeda, ng'ulla, hararjooda haw areara, mideawa iheen ispwa ea gujaw damwanamughuush, nea iheenga nyaawa gaba nii mideawa shiip ispwa.

Giidaheechta 12:7

Ng'atta ghang'eat ng'uchcheeda aba humng'eeda, gang'uchi Mikaeeli ea malaykajeagaaschi sea hararjootta; ak gang'uchi ichchibooda sea saawa ea malaykajeegaaschi,

Giidaheechta 12:8

iiduw geajoar ak ea mudugwanda heechcheagoobida aba humng'eeda.

Giidaheechta 13:14

nea aba gwadeagwajeega siittaw gwasin aba madeeda diyeaydean, hean gwareengani fukka mida ng'eanyiidean, ak ghwanung' gwasin giduurji diyeayda silasa bwaanga ak ea gudugwanda;

Giidaheechta 16:14

suu guroruunatka meangeenda gil, sina gwadeagwajeega, inyeessa gwaritta ak gaweesa sugoodiga mida gigheawda bea ng'eanyiissean, ak ghoamughuush saawa aba ng'uchcheedida aba eaweetta haw bea Aseetta Hoauuriin.

Giidaheechta 18:2

Hean gaguurda aba nyeashta haw nea gwayi, “Niibeadi, niibeadi Babelooneeda haw! Niwosi heeda jea goobiida meang'ngeenda, ak ea heeda abiitta gilinyoo ea gurorooda muyi, ea heeda abiitta gilinyoo ea dariideanda muyi;

Giidaheechta 18:23

ak eara weeshinda gheaboong'nyeanda ea maygudu gabiikta ghoabwaay aba jeadaang'u earahay; ak eara ghuutta siida geeshshi ea dea gatmooda sighi maygudu ebiikta eyiing'sa jeadaang'u earahay; aba gideaba fiisu ikaagu ageakshiin ghayi saawa fuga hees bea ng'eanyiida gil, ak emoojiga sean easireengani aba beneetkweandumeadaang'u.

Giidaheechta 19:20

Hean geang'ng'waay diyeaydida, sea sibaneeda ng'uyyeega ghayi sina gwadeagwajeega ammadeadaannyi, ak gwareengani fukkeanji ghayi ning'ng'waay giirooraneedeaba diyeaydida ea fukka ghadoawan gidasirattiida ninyiin. Hean geejaksa suu assiyyeenyean jeeda basooda beasta nea majeekcheewi ak ghwaak beasta ea giikkayda.

Giidaheechta 2:13

“Ghaanalli heediibiitti, heeda mida hoorgeeda gheambalmeeda Shattaani gil; ak ang'iing'i ea ning'waanyi muuchchi gheawungeasu, ak ea mii heawana masaweegeasu eara damandida bea Antiippa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiitta Shattaaniin.

Giidaheechta 2:24

“Nea fuga mida jeedeang'wa aba ng'eanyiida Diyattira, was fuga moang'ng'waanya ginealshooniin, fuga mwanala gidaguura buuneeda mwaatkwa haleanjeeda sheagi jih bea Shattaani, aba heedeang'wa gaydayi, mwaydayiin badahuukkeagwa sareenda nuut;

Giidaheechta 2:9

Ghaanalli sawanadeadaang'u ea barbarandaang'u, (ak guwosi meanang'oochcheanda), ak ghaanalli eara ging'weakeaba fiisu eena geewochi fuga Yahuudi nea mawosean, nea saawa ea ghooriida sinnealshachcheewa bea Shattaani.

Giidaheechta 20:10

ak geejaksa meang'nyeandida reengani saawaan jeeda basooda beasta ea giikkayda heeda mida diyeaydida ea sibaneeda ng'uyyeega, ak gajeesawan askweari ea eawa ea ghoaw damanda manda muudeanooda.

Giidaheechta 20:8

ak gayghwahidu ak gwareengani emoojiga mida murdajeega assang'wan bea ng'eanyiida, ak ea, Googu gil ea Magoogu, ak ghoawaam saawa aba ng'uchcheeda; nea monneeda nyaawa gwadeenna iseaskweanda basooda.

Giidaheechta 3:9

Ng'ulla, gaydanung' ghoaw fukka was gheeda sinnealshachcheewa bea Shattaani eena geawoschi Yahuudi nea mawosa ak gwanaba ng'uyyeegean, ng'ulla, gaydanung' ghapka ak gwatkuy aba madeeda geeshangaagu, ak ghwanal gideaba ghaabwariinyeay.

Giidaheechta 9:1

Hean goguul malaykajeandeaba muut durumbeatteadaannyi, ak ghaadaayi ming'weanda ng'adaana humng'eeda ak goobissa badayda ng'eanyiida, ak geattaw gidajea goottina ghuutta shoomanda mammuudeana;

Giidaheechta 9:20

Nea buuneeda mwaatukwa, mwabwara dawni, ghanyea maduukkuunana aba gadiyoojiga nyaawa sin aba geattinga nyaawa ghana ghwanung'waada ghadoowanda meangeenda ea haleanjeeda mawosa Aseetta sisna lagheanga meang'meang'i ea shiliingajeega ea lagheanga areeri ea lagheaneeda ea geetta, nyooea moammu ghoang'wearda ghana ghwayiiy ghana gaweelweel;