Giidaheechta 12:4 - NEAJEEDA EESH BEA BUUNEESSEAN

⁴ Nea shoomng'eandaannyi goongir miinga humng'eeda heeda haw, ak gwahisa badayda ng'eanyiida. Hean ghamiinaada ichchiboodida aba madeeda gatmoodida riikghta gwaji jeeptean, ak abeeda ghwanukghuta jeaptaannyi damanda jiila;

Bibliyeeda Ghaydit

⁴ Nea shoomng'eandaanyi goongiir miinga humng'eeda heeda haw, ak gwahisa badayda ng'eanyiida. Hean ghamiinaada ichiboodida aba madeedeaba gatmoodida riikghta gwaji jeeptean, ak abeeda ghwanukghuta jeaptaanyi damanda jiila;

Giidaheechta 12:4 Mawu Ofanana

Yohaana 8:44

Agooga gobeayi ghweandeang'wa was Meang'nyeandeenda ak iissa googasayi asna gitta bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madobiiwsiina humeanda aba gideaba manda jeadaannyi humeanda. Iissa irugu ng'uyyeega gwargu aba gitta biit siratta ninyiin, aba gideaba niny gaba ng'uyya, ak ea ghweanda ng'uyyeega.

1 Betro 5:8

Andeawana gheadeenda nea ghoang'ng'wearu. Aba gideaba weajoochcheandeang'wa was meang'nyeandeenda gawuurji ng'adiida ak gwanyeara daghatta, nea gwaneay gagasa siida jea ghwanukghuta.

Giidaheechta 12:7

Ng'atta ghang'eat ng'uchcheeda aba humng'eeda, gang'uchi Mikaeeli ea malaykajeagaaschi sea hararjootta; ak gang'uchi ichchibooda sea saawa ea malaykajeegaaschi,

Giidaheechta 12:9

Ak geejaksa ng'eanyi hararjootta haw was ichchiboodeaba garayiin, suguura Meang'nyeandeenda ea Shattaani, was dea reengani ng'eanyiisseaniin, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Giidaheechta 13:2

Nea diyeaydida adaayiin gawuurji mariirda, nea geeshangaaschi gawuurji idamooda, ak ghuuttaannyi gawuurji ghuutta ng'adiida. Ak ghoadaw hararjooda diyeayda uurdaannyi ea hoorgeadaannyi bea sugoochcheandumeeda ea gheambalmeeda haw.

Giidaheechta 13:4

Hean ghaghadoowan buuneeda ichchiboodida, aba gideaba niidaw gheambalmeadaannyi diyeayda, hean ghaghadoowan diyeaydida nea gwayi, “Gawuurji ng'eaha diyeayda, ak gayghoammu ng'eaha gang'uchi sea niny?”

Giidaheechta 16:13

Ng'atta ghaadaayi, ng'asheega rinna ghuutta ichchibooda ea ghuutta diyeayda ea gea ghuusiga sibanga ng'uyyeega, ea guroruunat samwagu munyas uurji udagheambagajeamajeega;

Giidaheechta 17:18

Ak gatmoodida idaahiin ea mujiineetta hawiin gil mideawa gimbaliischooda appadayda sugoodiga badayda ng'eanyiideani.”

Giidaheechta 20:2

Ak ghoang'ng'waay ichchibooda was ichchiboodida bea garayiin was meang'nyeandeenda ea Shattaani, ak ghwarada gweanyeew sagalama,

Giidaheechta 8:10

Ghaghuut malaykajeandeaba samwagu durumbeatteadaannyi, ak ghang'adaana humng'eeda ming'weanda haw, nea ghwayeatta gheaboong'nyeanda, ak goobissa eeniga heeda haw ea gheanyanga eninga mideawa beega.

Giidaheechta 8:11

Ak gheawungeaba ming'weandida geguura Ng'weaninda, nea beega heessaang'a gang'weaniidi, ak gameewa fuga saang'a appadaydeaba beesu, aba gideaba sinung' gang'weaniidi.

Giidaheechta 8:12

Ghaghuut malaykajeandeaba ang'wan durumbeatteadaannyi, ak geawwiim gheang'da aseetta heeda haw, ak eara gheang'da sheeda geawwiim heeda haw, ak eara gheanyanga miinga geawwiim heeda haw, ak abeeda uurda nyaawa abwaanya geanung' gamisaniit heeda haw; nea askwearjeanda heeda haw ea madakna, ak gwasnu eara eaweeda heeda haw.

Giidaheechta 8:7

Hean goguul malaykajeanda madeeda, ak ghwahidu roopta lagheanga ea beasta, nea gaguuyi foojeanda, ak goobissa badayda ng'eanyiida; hean ghwaak ng'eanyiida beasta ea eappuut hiji mwanang', ak ghwaak beasta geediga ea ghoabuut suung'ay, nea eara nyeega nyawiiri sean ghwaak beasta.

Giidaheechta 8:8

Ghaghuut malaykajeandeaba iyyeenya durumbeatteadaannyi, hean geejaksa jeeda basooda giduurji giijeeda haw, nea ghwayeada beasta;

Giidaheechta 8:9

nea basooda heeda haw ghoaw foojeanda, nea diyeanga heeda haw majeekcheewi mida gameewa aba jeeda basooda, nea maleambajeega hees genyarjeaweada heeda haw.

Giidaheechta 9:10

Nea gwandeawa shoomng'eega uurji udagilbajeega, ak gaba halaghweenga, ak uurjeenga nyaawa jea gwasawana buuneeda sheemuut gwanda shoomng'eega nyaawa.

Giidaheechta 9:19

Aba gideaba uurdeaba farasajeesu gwanda ghuusiga nyaawa ea shoomng'eega nyaawa; aba gideaba shoomng'eega nyaawa gawuurji ichchipkeega, nea gwandeawa iheenga, nea inyeessa gaganyeattiida.