Giidaheechta 12:11 - NEAJEEDA EESH BEA BUUNEESSEAN

¹¹ Ak ghwajoar aba foojeanda Dayeenda Gisilleanda, ea aba ng'asheanda muwuunnooda nyaawa, ak ea mwabwariinya eaweega nyaawa eara gaweayi miyeeda.

Bibliyeeda Ghaydit

¹¹ Ak ghwajoar aba foojeanda Dayeenda Gisilleanda, ea aba ng'asheanda muuwuunooda nyaawa, ak ea mwabwariinya eaweega nyaawa eara gaweay miyeeda.

Giidaheechta 12:11 Mawu Ofanana

Lukka 14:26

“Siida iihidu heedeanyu nea mwasta ghwaan ea ghaamwaat ea gatmoadaannyi ea diibigaaschi ea oorjooga ghamwaat ea haweega ghaamwat, nea amwasta eaweagaaschi mwoammu ghoaw ginealaneedeanyu.

Yohaana 16:33

Ng'asheesu gearukuneegwa nea geagasayi abeaha hoyyoo aba jeedeanyu. Aba jeeda ng'eanyiida gajanyasa sawanadeeda; asi oahhang'waanya jeesingeagwa, aba gideaba aniini najoarji ng'eanyiida.”

Gadiyeeda Giijasoodiga 20:24

Ak ea mwanung' ghoaw eaweegeasu gil ghana danung' ghoaw gidaghaloamwaat, geagasayi ghanyi dahiit gadiyeedeanyu anyaschi aba heeda Ng'uttamiida was Yeesu, ak geammuuwwu iitta giijasta miy bea dagheerjeandumeeda Aseetta.

Gadiyeeda Giijasoodiga 21:13

Ghwalamda Baulo ak gwayeeshsha, “Agooga goosinnyi naaha, shookka nea googasayi ang'udanaan guroroodeanyu muuwda? Aba gideaba meakghusa gideaba geerattean, geawoschi hidaat eara enuusan aba Yerusaleemu aba gheawunga Ng'uttamiida was Yeesu Gristo.”

Ruumi 16:20

nea Aseetta mideawa weayda gaygabay ghwanung' adattasa Shattaani aba geeshangeagwa. Dagheerjeandumeeda Ng'uttamiideanya was Yeesu Gristo gagasa goobiida jeedeang'wa.

1 Goriinto 15:57

Iiduu gagasa ebadiischeesa Aseetta, dea goona jooriischchooda aba Ng'uttamiideanya was Yeesu Gristo.

1 Yohaana 4:4

Diibiga manang'i, agooga goobeayi Aseetta, ak ea noajoarji saawa; aba gideaba dea mida jeedeang'wa ahaweawa dea mida jeeda ng'eanyiida.

1 Yohaana 5:5

Anneeda dea joar ng'eanyiida geaghus iimii dea was gideaba Yeesu Balleanda Aseetta?

Giidaheechta 1:2

amaduw gamuuwwu Yohaana iitta ng'asheanda Aseetta ea muwwunooda iitta Yeesu Gristo, ea iitta haleanjeessean ghayi daa.

Giidaheechta 1:9

Aniini geawoschi Yohaana, oorjeeda giyeang'wa deaghayi oppareannyeewi sawanadeeda ea sugoochcheandumeeda ea milikghteayda nea ghoahhangng'waanyi, nea gwanda ng'eanyiida neaweesa beega suguura Batmo appadayda ng'asheanda Aseetta ea muwuunooda ng'asheega Yeesu.

Giidaheechta 11:7

Iiduw nea niihiit muuwnooda nyaawa, gaygang'uchchi diyeaydida leabu jeeshoomanda mammudeanean sea saawa, ak gayghwajoar ak gwanuus saawa,

Giidaheechta 12:17

Hean gwanyareeksa ichchibooda gatmoodida, ak ghang'eat gawa ghoang'eat ng'uchcheeda sea jeatta siipuut bea gatmoodean, sea fukka ang'ng'waay digheanyeekka Aseetta nea gammuuwu iitta Yeesuun. Ak ghamiinaada appadayda iseaskweanda basooda.

Giidaheechta 19:10

Ak geabeedeaysi madeeda geeshangaaschi ak ghaaghadoowannyi niny hean gwayeeshshinean, “Adiiduw gisni ng'asheesu! Aniini geawoschi soomjeanda sea ang'iing'i sea fuga iduupcheewi mideawa muuwunooda Yeesu. Ghadoawana Aseetta.” Aba gideaba muuwunooda Yeesu gurorooda sibaneandumeeda.

Giidaheechta 2:13

“Ghaanalli heediibiitti, heeda mida hoorgeeda gheambalmeeda Shattaani gil; ak ang'iing'i ea ning'waanyi muuchchi gheawungeasu, ak ea mii heawana masaweegeasu eara damandida bea Antiippa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiitta Shattaaniin.

Giidaheechta 2:17

“Gilinyoo googar iitta, dayiinya ng'asheanji rukusa Gurorooda ganiisajeegean. Nea siida jooriischi gaydaadaw hamitta suguura maana ghayi sifuy ak gaydaadaw lagheaneedeesh, ak badaydeaba lagheanean geeng'oorsa gheawunga eashish, mwanala siih geaghus siitta ang'ng'waayiin.”

Giidaheechta 2:26

Nea siida jooriischi ak ghoang'ng'waay gadiyoojigeasu ea ghwahitta huydeanda, gaydanung' goombal fuga emoojiga,

Giidaheechta 2:7

Gilinyoo googar iitta, dayiinya ng'asheanji rukusa Gurorooda ganiisajeegean. Nea dea jooriischi gaydanung' ghwaak haghweega geetta eaweega, mida jeeda madamnyeanda mwanang' bea Aseettean.’”

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuukka fuga jea goorgweach. Ak ghaadaayi guroruunatka fuga ghayi silajaada gheatkweaka aba badayda muwunnooda Yeesu ea appadayda ng'asheanda Aseetta, ea giikka ghayi mii ghaghadoawan diyeaydideaniin ghana gitta sirattiidean nea miighwanyas giroraneadaannyi aba gheamamuuunatka nyaawa, ghana geattinga nyaawa. Ak gwaduuttu, ak goombaliischi sea Gristo gweannyeew sagalam.

Giidaheechta 3:12

“Siida joorischi gaydanung' ghoaw daraneeda aba jeeda gheeda sibatta Aseetteanyu; ak ea mayghanyi gwaritteawa jeeni, ak gaydang'oorsa badaydaannyi gheawunga Aseetteanyu, ea gheawunga mujineeda Aseetteanyu, nea Yerusaleemooda eeshi, rarang'aana humng'eeda heeda Aseetteanyu, ea gheawungeasu giikka eashishiin.

Giidaheechta 3:21

“Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeatti ak geapteadi sea Bwaabwa aba uhuuda hoorgeedaannyi bea gheambalmeeda.

Giidaheechta 3:5

“Nea siida jooriischi gajeekwealsa hang'weakka eeshish, ak ea maydeabuus ghawungaaschi aba jeeda gittaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.

Giidaheechta 6:9

Iiduw nea goottin giirooraneedeaba muut, hean ghaadaayi aba jeeda heeda wagiida guroruunatka fukghayi silajada gheatkweakka appadayda Ng'asheanda Aseetta, ak gamuuwwu ng'asheesu;