Giidaheechta 11:17 - NEAJEEDA EESH BEA BUUNEESSEAN

¹⁷ nea gwayeenna, “Geebadiischooweey ang'iing'i, Ng'uttamiida was Aseetta mideawa uurda, gindi nea gibean midana, aba gideaba nigeandi uurdaang'u haw ak giimbaliischi.

Bibliyeeda Ghaydit

¹⁷ nea gwayeena, “Geebadiischooweey ang'iing'i, Ng'utamiida was ASEETA mideawa uurda, gindi nea gibean midana, aba gideaba nigeandi uurdaang'u haw ak giimbaliischi.

Giidaheechta 11:17 Mawu Ofanana

Mattayo 11:25

Aba damandida gwayi Yeesu, “Geabadiischoweey ea Bwaabwa was Ng'uttamiida humng'eeda ea ng'eanyiida, aba gideaba gufnyi ng'asheesu fuga weaghoodi ea fuga mideawa fughareenga akkihiimsi diibiga manang'i;

Lukka 10:21

Aba damandida gohoosan Gurorooda Ghaydiit ak gwayi, “Geabadischooweey Bwaabwa, Ng'uttamiida bea humng'eeda ea ng'eanyiida, aba gideaba gifnyi ng'asheesu fuga mideawa weaghumeeda ea gea mideawa fughareenga ak giihiimsi diibiga manang'i; Asaha Bwaabwa, ada gida igassiidi gil.

Yohaana 11:41

Hean gegeanda lagheaneetta. Ng'atta gong'weersa Yeesu humng'eeda ak gwayi, “Geabadischoweey Bwaabwa aba gideaba iissa giyiinyi gideargu.

2 Goriinto 2:14

Asi badiischeesiinda gammiisa Aseetta, nea ghoadoabiiweasa aba naweeda Gristo aba hooseaneega, ak aba aseasa ghwadarda shearooda ng'andit bea fughareadaannyi aba hiji wassean.

2 Goriinto 9:15

Ebadiischeesiina Aseetta aba gidagooneasa meammuusi rukunoodean!

1 Dimotteo 1:12

Aniini geabadischeesi Yeesu Gristoyda was Ng'uttamiideanya goonan uurda aba gideaba ghwadaa geawoschi doobiiwaat, ak ghwayiinan jeeda gadiyeedaanyi.

Giidaheechta 1:4

Yohaana heeda ganiisajeega assispwa mida Asiya: Gagasa anyasa dagheerjeandumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda guroruunat ispwa mida madeeda hoorgeadaannyi bea sugoochcheandumeeda,

Giidaheechta 1:8

“Aniini geawoschi Alfa ea Omeega,” dea madeeda ea dea huydean, aba ginnyaa Ng'uttamiida was Aseetta, dea mida ea dea bean gwanda ea dea jea ghwahidu, was Aseetta mideawa uurda.

Giidaheechta 11:15

Ghaghuut durumbeatteadaannyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoochcheandumeeda ng'eanyiida goolla ghoaw sugoochcheandumeeda Ng'uttamiideanya ea dea Gristoydaannyi, ak gaygoombaliischi ea ghoaw damanda manda muudeanooda.”

Giidaheechta 15:3

Ak gwasarman duumda Muusa, was soomjeanda Aseetta, ea duumda Dayeenda Gisilleanda, nea geeyi, “Gadiyoojigaagu isinayi ea hees nea deamdeameadi, Ea Ng'uttamiida was Aseetta Hoauur! Naweadingaagu doobiiwnatta gil ea huumwa, Ea Sugoocheanda gweannyeekka sean!

Giidaheechta 16:14

suu guroruunatka meangeenda gil, sina gwadeagwajeega, inyeessa gwaritta ak gaweesa sugoodiga mida gigheawda bea ng'eanyiissean, ak ghoamughuush saawa aba ng'uchcheedida aba eaweetta haw bea Aseetta Hoauuriin.

Giidaheechta 16:5

Ak ghaayiinyi malaykajeanda ambal beega nea gwayi, “Ang'iing'i guwosi doabiiwaat aba girgweaguutkaagu, ang'iing'eeda indi nea ghayi gindi, Ea Dea assagi Ghaydit.

Giidaheechta 16:7

Ak ghaayiinyi heeda wagiida nea gooyeawda, nea gwayi, “Huumwa gil Ng'uttamiida was Aseetta mideawa uurda, girgweaguutkaagu huumwa gil nea ghwadoabiiw!”

Giidaheechta 18:8

aba gideaba sawanaduutkaaschi gayghwahidu eaweechanjagi, miyeeda ea giiseaneega ea jalooda, nea niny gajeenung' ghwaak beasta; aba gideaba Ng'uttamiida was Aseetta gwandeawa uurda ak gaygoorgweaksa niny.”

Giidaheechta 19:11

Hean ghaadaayi nea ghwajaada humng'eeda, ak ghaadaayi, faraseedeesh! Nea gwanda badaydaannyi siida suguura Doobiiwnatta ea Huumwa, ak niny aba doobiiwnatta goorgweaksa nea gwasin ng'uchcheeda.

Giidaheechta 19:6

Hean ghaayiinyi ghuutta uurji dea emeetuw, ak ghwanyaashta ghuutta beega saang'a ak gabiissa ghwanyaashta dea gighweandandeeda haw nea gwayi, “Haleluuya! Aba gideaba Ng'uttamiida was Aseetteanya Hoauur nimbaliischi.