Giidaheechta 11:15 - NEAJEEDA EESH BEA BUUNEESSEAN

¹⁵ Ghaghuut durumbeatteadaannyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoochcheandumeeda ng'eanyiida goolla ghoaw sugoochcheandumeeda Ng'uttamiideanya ea dea Gristoydaannyi, ak gaygoombaliischi ea ghoaw damanda manda muudeanooda.”

Bibliyeeda Ghaydit

¹⁵ Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

Giidaheechta 11:15 Mawu Ofanana

Mattayo 24:31

ak gaygoojeakta malaykajeegaaschi ghaghuut muuchchi durumbeatti ak gaygaweay gooweamu fugaaschi loat aba murdajeega assang'wan bea ng'eanyiida, ghang'eada murdeeda humng'eeda meatkweeni ea gagul meatkweetta.

Mattayo 6:13

Adigealleasa jeeda simsimda, ak gighuhaneasa gitta muyiin.

Lukka 1:33

nea gayghoahaaghwa gheeh Yakkobo ea ghoaw gweanyeekka manda muudeanooda; nea sugoochcheandumeedaannyi ea maygwanda muudeanooda.”

Lukka 15:10

Asi gwasnu, ak geayeeshshineegwa, gaygahoosan malaykajeega Aseetta appadayda siida assagi mideawa ring'eada iduukkuuna.”

Lukka 15:6

Amaduw nea ghwahitta gheannyi gaguursa fuga duupchi ea fuga ascheayi ak gwayeeshsha, ‘Ahoosaana sea aniini aba gideaba naanyaaschi gisilleandeanyu roat.’

Gadiyeeda Giijasoodiga 4:26

Sugoodiga ng'eanyiida nijip geat, nea fuga ambaliischi ea nubwatgeat, ak ghaheawa Ng'uttamiida ak ghaheawa eara dea simmwaar,’

Ebraniya 1:8

Ak gwayi appadayda Balleanda, “Horgeadaang'u, Ea Aseetta gaba eaweega manda muudeanooda, sugoochcheandumeeda doobiiw sugoochcheameeda gheambalmeedaang'u.

Giidaheechta 10:7

geaghus aba askwearjoojiga jea ghaghuuda durumbeatti malaykajeandeaba ispwa, abeeda makcheameeda Aseetta aba heeda soomjoagaaschi was sibanga gaygamajeegiit.

Giidaheechta 12:10

Ak ghaayiinyi nyeashta haw nyaasha humng'eeda nea gwayi, “Ghamneawa lealeanooda ea uurda ea Sugoochcheandumeeda Aseetteanya ea gheambalmeeda Gristoydaanyi nihidu, aba gideaba sijaksa ng'eanyi dea aheakkiida fuga siduupcheewi, ninyeeda aheakkiida aba madeeda Aseetteanya askweari ea eawa.

Giidaheechta 15:4

Ngeaha gil deamoawalnyi ak ghoaghaambiit gheawungaagu, Ea Ng'uttamiida? Aba gideaba ang'iing'i guwasi ghaydit nea gibwageaw. Aba gideaba gayghapka emoojiga sean ak ghaghadoawannyi, aba gideaba girgweageadaang'u siittaajiit.”

Giidaheechta 16:17

Gohiisa malaykajeandida bea ispwaan gweeriidaannyi humng'eeda, ak gwarinna nyeashta haw jeeda gheeda sibatta Aseetta, heeda hoorgeeda gheambalmeeda, nea gwayi, “Nigeawiit gwasa!”

Giidaheechta 17:14

ak suu gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'uttamiida ng'uttamoojiga gil ea Sugoochcheanda sugoodiga, ak suu mideawa ninyiin ea gea geguursa gea suloat ea gea doobiiweadi.”

Giidaheechta 19:1

Ng'atta ng'asheesu ghaayiinyi ghuutta haw uurji dea emeeda saang'a aba humng'eeda, nea gwayi, “Haleeluuya! Lealeanooda ea giigheambiitta ea uurda gaba Aseetteanya,

Giidaheechta 19:6

Hean ghaayiinyi ghuutta uurji dea emeetuw, ak ghwanyaashta ghuutta beega saang'a ak gabiissa ghwanyaashta dea gighweandandeeda haw nea gwayi, “Haleluuya! Aba gideaba Ng'uttamiida was Aseetteanya Hoauur nimbaliischi.

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuukka fuga jea goorgweach. Ak ghaadaayi guroruunatka fuga ghayi silajaada gheatkweaka aba badayda muwunnooda Yeesu ea appadayda ng'asheanda Aseetta, ea giikka ghayi mii ghaghadoawan diyeaydideaniin ghana gitta sirattiidean nea miighwanyas giroraneadaannyi aba gheamamuuunatka nyaawa, ghana geattinga nyaawa. Ak gwaduuttu, ak goombaliischi sea Gristo gweannyeew sagalam.

Giidaheechta 8:12

Ghaghuut malaykajeandeaba ang'wan durumbeatteadaannyi, ak geawwiim gheang'da aseetta heeda haw, ak eara gheang'da sheeda geawwiim heeda haw, ak eara gheanyanga miinga geawwiim heeda haw, ak abeeda uurda nyaawa abwaanya geanung' gamisaniit heeda haw; nea askwearjeanda heeda haw ea madakna, ak gwasnu eara eaweeda heeda haw.

Giidaheechta 9:1

Hean goguul malaykajeandeaba muut durumbeatteadaannyi, ak ghaadaayi ming'weanda ng'adaana humng'eeda ak goobissa badayda ng'eanyiida, ak geattaw gidajea goottina ghuutta shoomanda mammuudeana;

Giidaheechta 9:13

Hean ghaghuut malaykajeandeaba lah durumbeatteadaannyi, ak ghaayiinyi ghuutta nyaasha jeedeaba gujakkiga assang'wan bea heeda wagiida eyda meang'meang' mida madeeda Aseettean,