Giidaheechta 1:5 - NEAJEEDA EESH BEA BUUNEESSEAN

⁵ biissa gwaleabu heeda Yeesu Gristoyda was muushoochcheanda doabiiwaat, was duweachcheeda fuga nimeewa, ak goombal sugoodiga mida ng'eanyiida. Heedeaba ninnyeeda bwariinyeasa ak gottineasa ehelleewana ring'eegaasa aba foojeandaannyi

Bibliyeeda Ghaydit

⁵ biissa gwaleabu heeda Yesu Gristoyda was muushoocheanda doabiiwaat, was duweacheeda fuga nimeewa, ak goombal sugoodiga mida ng'eanyiida. Heedeaba ninyeeda bwariinyeasa ak gootineasa eeheelleewana riing'eegaasa aba foojeandaanyi

Giidaheechta 1:5 Mawu Ofanana

Mattayo 20:28

aba sareani eara Balleanda Siida mwoani egadiyeesa niny ghwaan gagadiyi, ak ghoadayda aweagaaschi ghoaw leadeeda fuga saang'a.”

Mattayo 28:18

Ghwaan Yeesu heannyaawa ak goobalool ak gwayeeshsha, “Sugoonan gheambalmeeda sean aba humng'eeda ea ng'eanyiida.

Yohaana 13:1

Hean nea mii ghwahidu ghwelmeeda Basakka nea ninal Yeesu gideaba damandaannyi jea ghabeawa ng'eanyiida gawa heeda Bwaabwa nihidu, niny nea ghabwariiy fugaaschi mida jeeda ng'eanyiida, ahuumwa gil ghabwariiy ea ghwanaawda.

Yohaana 13:34

Geagonnyeegwa digheanda eesh, abwariinnya geat, ak ghoabwariiydi geat gida abwariiydaneegwa.

Yohaana 15:9

Aba gidabwariiydanaan Bwaabwa, earaniini ghabwariiyduneegwa; asi oppiidana jeeda bariinyegeasu.

Yohaana 18:37

Hean gwayeeshsha Bilatto niny, “Asi ghamneawa ang'iing'i guwosi sugoochcheanda?” Ghwasha Yeesu nea gwayeeshsha, “Girgu ang'iing'i gideaba aniini geawoschi sugoochcheanda. Aniini geejiilan appadaydeaba nii, nea appadaydeaba nii ghawunnyi jeeda ng'eanyiida, gideaba gaydamuuwwu huumeanda. Siida wassean mida jeeda humeanda iissa goleeysiit ghutteanyu.”

Yohaana 3:11

Aba huumwa, aba huumwa, geayeeshshsineey, aseasa geerukku gida sinalli ak geemuwwu gidaghayi sidaayi; amadukku agooga ghanyea mwoamwasi ng'asheega simuuwwu.

Yohaana 3:16

Aba gideaba Aseetta ghabwariiy ng'eanyiida ea eeyibwak ea ghoadayda Balleandaannyi assakkalealla, ak abeeda siida wassean mwas niny amwaroada ak abeeda ghwanyas eaweega manda mudeanooda.

Yohaana 3:32

Niny iissa gamuuwwu ng'asheega daa ea gea iiy, ak ghanyeamanda siida mwas muwwunoadaannyi;

Gadiyeeda Giijasoodiga 20:28

was gea ghayi nung' Gurorooda Ghaydit ahuuwa fuga jea ghoahaaghwa, ak goong'ulayi ganiiseeda Aseetta ghayi nyas aba foojeanda Balleandaannyi bea saseadaannyi.

Gadiyeeda Giijasoodiga 26:23

bea gideaba Gristo gayghwanyas sawanadeeda, ea gideaba niny ihuuw dea asheeda eattuuna miyeeda, gaygwarukkwiida iitta weeshinda aba heeda fugaaschi ea heeda fuga Emoojiga.”

Ruumi 3:25

nea niny ghayi ea ninung' Aseetta ghoaw siida jea goohuun buuneeda, aba foojeandaannyi, ak geanyas aba masaweega. Ak abeeda ghoahiimu doobiiwnattaannyi ak gwasindunu nea gagasa ghoahiimu gideaba niny adoobiiwaat ak ghwanung'waada Aseetta ring'eega ghayi siisheeda eesin;

Ruumi 8:37

Manda, aba jeedeaba ng'asheesu seaniin iissa geang'alli fuga jooriischi, aba heeda siida ghayi bwariinyeasa.

1 Goriinto 6:11

Nea aba jeedeang'wa ghayi goowooschi fuga sina ng'asheesu. Iiduu ea siihhuuneegwa, ak ea simiineegwa, ak geegooneegwa doobiiwnatta aba gheawunga Ng'uttamiida was Yeesu Gristo, ea aba Guroorooda Aseetteanya.

Galattiya 2:20

Geengooran sea Gristo, ak geawoschi majeek ak ea mii aniini gil, Gristo eamajeek aba jeedeanyu, ak majeeknatta eandeawi ghamneawa aba saseeda, geandeewi aba masaweega Balleanda Aseetta, dea bwarinyan ak gabeagu eaweegaaschi aba badaydeanyu.

Efeeso 2:4

Nea Aseetta baruur aba baydeayda, aba jeeda bariinyeegaaschi haw aba gidabwariiydaneasa,

Efeeso 5:2

Ak ghoabeawi bariinyeega, gawuurji gidabwariiydaneasa Gristo ak ghoadayda geaw appadahuukkaasa, ak ghoaw haleanjeeda sisappa geadi bea ghadoweeda ng'andit aba heeda Aseetta.

Golosaayi 1:18

Nea niny ea uhuuda saseeda gil, nea dea Ganiisa, nea niny ea ging'eetta, ak ea duweachcheeda leabu miyeeda, ak abeeda ghoaw siichchea goosheedeawa haleanjeessean.

1 Dimotteo 6:13

Ng'asheanji gearukuneey aba madeeda Aseetta diitta adaw haleanjeesean eaweegean, ea madeeda Gristo Yeesuda ghayi muwwu muwnoodaanyi miy aba madeeda Bondiyo Bilatto,

1 Dimotteo 6:15

Aba gideaba iihiitta damandaanyi gay ghwadaajiinyi Aseetta niny geekghambiit ak goombalischi nea gabwageaw sugoocheanda sugoodiga Ng'uttamiida ng'uttang'oojiga,

Ebraniya 10:29

Abeeda iing'ulayi gajeamuydaan girgweaksiinda jea ghwanyas fuga ghasghas Balleanda Aseetta, nea ghabwara ririnnyeanda foojeanda neajeenda ghayi simmiinna, nea ghoanyareas Gurorooda dagheerjeandumeeda?

Ebraniya 9:14

abeeda gayghwaranyattaan muuchchi foojeanda Gristo, dea aba Gurorooda manda mudeanooda ghoadaw geaw Aseetta nea meerukunana badaydaannyi gidamuy, gayghoammiidu fughareengeagwa aba gadiyoojiga nimeewa ak gagadiyeesa Aseetta majeek.

1 Betro 1:19

geesna foojeanda haw sheayeat bea Gristo, uurji sea dayeenda gisilleanda manda siirjeeda ghana badeeda.

1 Yohaana 1:7

nea isineayeewi jeeda weeshinda, gawuurji gidamideatta niny jeeda weeshinda abeeda easibareannyi aseasa, ak foojeanda Yeesuuyda was Balleandaannyi gaygoohuun ring'eegaasa sean.

1 Yohaana 4:10

Nea nii ea bariinyeega, mii gideaba geabwariinyi aseesa Aseetta ghabwariinyeasa niny ak goojeagu Balleandaannyi ghoaw dea adayda leadeeda riing'eegaasa.

Giidaheechta 11:15

Ghaghuut durumbeatteadaannyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoochcheandumeeda ng'eanyiida goolla ghoaw sugoochcheandumeeda Ng'uttamiideanya ea dea Gristoydaannyi, ak gaygoombaliischi ea ghoaw damanda manda muudeanooda.”

Giidaheechta 11:3

Ak gaydaadaw Muuwshoodigeasu assiyyeenya uurda ak ghwaramwaar eawooji sagalam ea bughalaji iyyeenya ea laadam, nea siikwealsa guniyajeega.”

Giidaheechta 17:14

ak suu gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'uttamiida ng'uttamoojiga gil ea Sugoochcheanda sugoodiga, ak suu mideawa ninyiin ea gea geguursa gea suloat ea gea doobiiweadi.”

Giidaheechta 19:11

Hean ghaadaayi nea ghwajaada humng'eeda, ak ghaadaayi, faraseedeesh! Nea gwanda badaydaannyi siida suguura Doobiiwnatta ea Huumwa, ak niny aba doobiiwnatta goorgweaksa nea gwasin ng'uchcheeda.

Giidaheechta 19:16

Ak badayda hang'daannyi ea gibeestaannyi geeng'oorsa, gheawunga Sugoochcheanda sugoodiga ea Ng'uttamiida ng'uttamoojiga.

Giidaheechta 2:13

“Ghaanalli heediibiitti, heeda mida hoorgeeda gheambalmeeda Shattaani gil; ak ang'iing'i ea ning'waanyi muuchchi gheawungeasu, ak ea mii heawana masaweegeasu eara damandida bea Antiippa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiitta Shattaaniin.

Giidaheechta 3:14

“Heeda malaykajeanda ganiseeda Laodekkiya ng'waara: ‘Ng'asheega siida was Amin, was siida doabiiwaat was mushoochcheanda huumwa, was ging'eetta haleanjeessean sin Aseetta.’

Giidaheechta 7:14

Geayeeshshi niny, “Siida mureeda, ginali ang'iing'i.” Hean gwayeeshshean, “Suu fuga leabu jeedeaba sawanadeetta hawiini; ak eanihuun hang'weakka nyaawa geawwi ea ghwanung' gaweeriidi aba foojeanda Dayeenda Gisilleanda.