Giidaheechta 1:18 - NEAJEEDA EESH BEA BUUNEESSEAN

¹⁸ ghayi ghameayi, ak ging'ulayi geawoschi majeek; ghayi ghaameayi, asi ng'ulla geawoschi majeek damanda manda mudeanooda, ak geandeawi gissiittinna gidaghuutta Miyeeda ea Gheeda maloonghajeega.

Bibliyeeda Ghaydit

¹⁸ ghayi ghaameayi, ak ging'ulayi geawooschi majeek; ghayi ghaameayi, asi ng'ula geawooschi majeek damanda manda muudeanooda, ak geandeawi gisiitina gidaghuuta Miyeeda ea Gheeda maloonghajeega.

Giidaheechta 1:18 Mawu Ofanana

Mattayo 11:23

Eara angiing'i Gapernaumu, gajeettiing'neey ea gula humng'eeda? Gajeahing'neayi ea una jeeda maloonghajeega. Aba gideaba inyeada ghayi ng'asheaga deamdeameadi sisin aba ng'eang'deang'wa geesissa mujiineeda Sodooma, gwachchi mujiineetta gajeagudugwanda ea gagul ghamneawa.

Mattayo 16:19

Ak aniini gaydagoonnyi gichchea attinana sugoochcheandumeeda humng'eeda, ak gidiradi aba hiji bea muunda ng'eanyiidean abeeda gajeasirat aba hoowa bea humng'eedean, ak gidawassean iittini aba hiji bea muunda ng'eanyiidean abeeda gajeettin aba hoowa bea humng'eedean.”

Lukka 24:5

damanda duughang'uda muuwda nea ghwahiiy geat gogeal iheenga nyaawa ng'eanyi, gwayeeshsha sih saawa, “Ghwasaan andagoogaseadayyi siida majeeck aba jeeda fuga nimeewa?

Yohaana 11:25

Ghwalamda Yeesu ak gwayeeshsha niny, “Aniini geawoschi dunnooda ea eaweega; siida iimwasan eara ghami gajeamajeek,

Yohaana 14:19

Sunung' gilimwanang' ak ea maygudu ghwadaahan ng'eanyiida, duukku agooga gajadaahaan; aba gideaba aniini geawoschi majeek, abeeda earagooga gajawosa majeekcheewi.

Ruumi 6:9

Nea geanalli gideaba iimuchchu nea gwaduunna Gristo miyeeda abeeda ea maygudu gabiikta ghami; nea miyeeda ea maygwandeawa uurda appadaydaannyi.

2 Goriinto 13:4

Aba gideaba niny ghayi gengoor aba jeeda ng'arng'aranda, ak gobiideewa uurda Aseetta. Nea gewoschi ng'arng'ari appadaydeaba niny, amaduw nea gagadiyeeseegwa gajendeayeena sea niny aba uurda Aseetta,

Galattiya 2:20

Geengooran sea Gristo, ak geawoschi majeek ak ea mii aniini gil, Gristo eamajeek aba jeedeanyu, ak majeeknatta eandeawi ghamneawa aba saseeda, geandeewi aba masaweega Balleanda Aseetta, dea bwarinyan ak gabeagu eaweegaaschi aba badaydeanyu.

Golosaayi 3:3

Aba gideaba agooga goomeeway ak eaweegeagwa ea sifuy sea Gristo aba heeda Aseetta.

Ebraniya 1:3

Aba gideaba niny ghoahiimu weeshinda gigheambiitta Aseetta nea gwandeawa girooraneeda ea seareedaannyi, ak ghwasar ng'eanyiida aba ng'asheandaannyi mideawa uurda. Iing'atta nea nisin gimmiinooda ring'eeda, hean gopteada aba meatkweeda geattinda dugwa bea Aseetta was Ng'uttamiida aba hoowa bea dadaliiliin,

Ebraniya 12:2

nea geeng'ulayi Yeesuuyda asheeda was dea amajeek masaweagaasa, was dea aba hooseaneega siyiin madeadaannyi ghoahang'waay aba beehiida, ak gafool baspaseega, ak goopteada aba meatkweeda geattinda dugwa bea hoorgeeda gheambalmeeda Aseetta.

Ebraniya 7:16

amaduw ghoaw ashoohoochcheanda, nea mii aba naweeda deaweedeeda gasa saseeda gil aba jeatta geaghus aba uurda eaweega mayghwadattasa.

Ebraniya 7:25

Nea giduurji sean ghoammu aba damannyoojiga sean gwalealu fukka neekkiissa Aseetta aba ninyiin, nea niny gwanda galeagasean nea goduupchi saawa.

Giidaheechta 10:6

ghwaak habeawooda aba ninnyeeda majeek ea ghoaw damanda manda mudeanooda, ninnyeeda bwat humng'eeda ea haleanjeeda mida jeeda, ea ng'eanyiida ea haleanjeeda mida jeeda, ea basooda ea haleanjeeda mida jeeda, ak ea maygudugwanda shing'deayda,

Giidaheechta 15:7

Hean gageanu akkalealla aba jeedeaba diyeangiga assang'wan majeekcheewiin ak ghoadaw malaykajeekka assispwaan gweeraji ispwa sisna lagheanga meeng'meeng'i nea ghwanyiit nyarasta Aseetta majeek ea ghoaw damanda manda muudeanooda;

Giidaheechta 2:8

“Heeda malaykajeanda ganiiseeda Smirna ng'waara, ‘Ng'asheega madeeda ea dea huydean, was dea ghayi meah ak gabiikta gamajeegiit.

Giidaheechta 20:13

Gooruudu basooda fuga nimeewa mida jeadaannyi, ak gooruudu miyeeda ea Gheeda maloonghajeega fuga nimeewa mida jeadaannyi, ak geergweaksiina sean gidaghayi nisin.

Giidaheechta 20:14

Hean geejaksa miyeeda ea Gheeda maloonghajeega jeedeaba basoodida bea beastean. Nea nii ea miyeedeaba iyyeenya gil, basooni bea beastean;

Giidaheechta 3:7

“Heeda malaykajeanda ganiiseeda Filadeelfiya ng'waara: ‘Suh ng'asheega siida ghaydit gil assakkalealla, bea huumwa, mideawa gissiittinna gidaghuutta sugoochcheandumeeda Dawdi, siida amattin ea manda siida ammu ghwarat, siida amarat ea manda siida jea goottin.’

Giidaheechta 4:9

Ak ghoadaw diyeanga majeekcheewiin giigheambiitta ea mureeda ea badiischooda ninyeeda apteada aba uhuuda hoorgeeda gheambalmeeda maygoosha, damanda manda muudeanooda,

Giidaheechta 5:14

Ak gwayi diyeangiga assang'wan majeekcheewiin, “Amin!” ak gobeedeayi gweargwa ak ghaghadoawan.

Giidaheechta 6:8

Hean ghaadaayi, ak geang'ulayi, faraseeda mur, nea siida mida badayda ea Miyeeda gil, nea goodeayi Gheeda maloonghajeega; ak geattaw uurda appadayda ng'eanyiida hiji mwanang', ak gwanuus aba bwaanga ea geejeeda ea dauni ea diyeanga ng'weani bea ng'eanyiida.

Giidaheechta 9:1

Hean goguul malaykajeandeaba muut durumbeatteadaannyi, ak ghaadaayi ming'weanda ng'adaana humng'eeda ak goobissa badayda ng'eanyiida, ak geattaw gidajea goottina ghuutta shoomanda mammuudeana;