Filippi 4:1 - NEAJEEDA EESH BEA BUUNEESSEAN

¹ Asi, orjoogiyya, abwariinyi nea geagasayi, was hooseaneegeasu ea shiipka amiinaada nea goomajeegichchi aba jeeda Ng'uttamiideanyu, fugeasu abwariinyi.

Bibliyeeda Ghaydit

¹ Asi, orjoogiyya, aabwariinyi nea geagasayi, was hooseaneegeasu ea shiipka amiinaada nea goomajeegiichi aba jeeda Ng'utamiideanyu, fugeasu aabwariinyi.

Filippi 4:1 Mawu Ofanana

Mattayo 10:22

Nea gayghwasteagwa buuneassean aba gheawungeasu. Nea siichchea ghamilikghta ea gammudean abeeda ea siichea eelealu.

Yohaana 8:31

Gwayeeshsha Yeesu fuga Yahuudi mwas niny, “Asi iyoang'ng'waannyi ng'asheegeasu anaalleagwa, gajahuuwa ginealangeasu bea huumwa,

Gadiyeeda Giijasoodiga 11:23

Hitta hooweanji ak ghwadaa dagheerjeandumeeda Aseetta, gahoosan; ak gwayeeshsha fukkeanji oppiidana jeedeaba doobiiwnadi itteang'wean aba heeda Ng'uttamiida nea ghwaarjeang'da;

Gadiyeeda Giijasoodiga 14:22

hean goomajeek guroruunatka ginealanga, nea gobaloola gideaba oppiidana jeeda masaweega, ak gwayeeshsha gajeanyasa sawanaduutka saang'a ijea eweaya jeeda sugoochcheandumeeda Aseetta.

Gadiyeeda Giijasoodiga 2:42

Ak goodeaga geat ginealshooda giijasoodiga nea gabareannyi, aba banachta mukkatte ea mooshta Aseetta.

Ruumi 2:7

aba heeda fuga milikghta aba sinooda gadiyoojiga miyaasiin gagaseadayyi gigheambiitta ea mureeda ea ng'asheega maygameewa, gayghoadaw eaweega manda muudeanooda;

1 Goriinto 15:58

Asi fuga eaduupcheewi abwariinnyi, andeawana alooheeda, ak ea adoabealbealli, ak goosinnyi galeagasean gadiyeeda Ng'uttamiida, ak ghoanalli gideaba gadiyeedeang'wa mii mwadaagha gil aba heeda Ng'uttamiida.

1 Goriinto 16:13

Oang'ng'wearni, nea ghoamiinaadi muuchchi aba jeeda masaweegeagwa, adarusiitta nea ghoanyaschi uurda.

2 Goriinto 1:14

gawuurji gitta oanaldi gilimwanang' ng'asheega mwaatkwaan, ak abeeda googwareessi appadahuukkaasa gawuurji gichche eebeaheattaneegwa aseasa aba eaweetta Ng'uttamiida was Yeesu.

Galattiya 5:1

Aba giibaldeaba geat ninung' Gristo eeppala geat; asi amiinaada nea goomilmiliidayi, ak ea adagudoomwaschi gichcha gideaba gajeerassa gheatkweakkeagwa jokkeeda soomjeandumeeda.

Filippi 1:27

Anung' ghoaw searoojigeang'wa bea eaweega gweatteayyi sea giijasta miy bea Gristo, ama iyaawunnyi dadaheagwa ak ghadayeagwa ghana ea meandani, geagasayi dayiiy appadahuukkeagwa gideaba ghoamiinaadi muuchchi aba jeemba guroroonagi, nea goobeayi fughareanagi nea goong'alealleesi masaweega giijasta miy,

Filippi 1:8

Aba gideaba Aseetta muushoochcheandeanyu gil, aba gideagassiidi deatteang'wa oagasean, aba bariinyeekka leabu heeda Gristo Yeesuun.

Filippi 2:16

nea ghoong'ng'waay muuchchi ng'asheanda eaweega, ammuuchchu eaweeda Gristo ghammuuschi daghwar geaw aba gideaba mwaafwaji mwadaagha ghana dagadiyi mwadaagha.

Filippi 2:26

Nea niny abeeda gagasa ghwadaheang'wa oagasean, ak ghang'ut giseaneega aba gideaba noayinyi gideaba niny ghamnyaan.

Golosaayi 4:12

Epafrayda was siida jeedeang'wa was soomjeanda Gristo Yeesu, ghoaghadeagwa nea goopkeatteegwa galeagasean nea gwasin badiida aba moashtaannyi bea Aseetta, ak ghoamiinaadi nea sumwaseagwa aba haleanjeetta gasa Aseettean.

1 Desaloniikke 3:13

ak gomajeek guroruunatkeagwa ea meyeatteeweegwa ghuusi aba ghaydidanda aba madeeda Aseetteanya was Ghweanda, aba damanda jea ghwahinna Ng'uttamiideanya was Yeesu sea fugaaschi sean ghaydidi.

2 Desaloniikke 2:15

Asi, fuga eaduupcheewi, amiinaada nea gommajeekchi geat, ak ghoang'ng'waanyi ng'asheekka ghayi sinnalleagwean, gaba ng'asheega ghana gaba barawajeanda.

2 Dimoteo 2:1

Asi agn'iing'i balleandeanyu, darusiida aba jeetagheerjeandumeeda mida jeeda Gristo Yeesu.

Ebraniya 10:23

Gagasa eang'ng'waanya muuchchi duukkuunooda sirarji nea mwabealbeala, aba gideaba siida rugu nea gohelleesi ea doabiiwaat;

Ebraniya 3:14

Aba gideaba geguuyeesi Gristo, iisibeachcheewi gideaba geang'ng'waanyi muuchchi gitta sisikteawi ammwadiin ea gagul muudeanooda,

Ebraniya 4:14

Ghang'eada damandida geendeawi ashoohoochcheanda haw ambal sean ghayi sik bugusta humng'eeda, nea Yeesu, Balleanda Aseetta, asi eangn'ng'waanya muuchchi gitta sumwaschiin.

2 Betro 3:17

Asi fugeasu aabwariinyi, iyoobean anala ng'asheesu ammwadi, asi afrageat, adaghwaadaneegwa ghaat giidiinyeannyeekkeaba fiisu, ak ghoanung'wi heeda giibindeang'wa majeek.