Filippi 3:9 - NEAJEEDA EESH BEA BUUNEESSEAN

⁹ ak geanyasan aba jeadaannyi, ak ea meandeawani doobiiwnatteanyu, mida jeeda deaweeda, geaghus diitta sinyassa naweeda masaweega aba jeeda Gristohiin, doobiiwnattida leabu heeda Aseetta sinyas aba masaweegean;

Bibliyeeda Ghaydit

⁹ ak geenyasan aba jeadaanyi, ak ea meandeawani doobiiwnateanyu, mida jeeda deaweeda, geaghus diita sinyasa naweeda masaweega aba jeeda Gristohiin, doobiiwnatida leabu heeda ASEETA sinyas aba masaweegean;

Filippi 3:9 Mawu Ofanana

Mattayo 9:13

Asi aweayeena ak ghoanaali geat ng'asheesu, ‘Geagasayi baydeayda nea mii haleanjeeda sisappa geadi bea ghadoweeda.’ Aba gideaba mwaawuni daguursa fuga doobiiweadi, ghawunnyi daguursa gea mideawa riing'eega.”

Ruumi 1:17

Aba gideaba doobiiwnatta Aseetta geattahaach aba jeadaannyi, ghang'eada masaweega ea gagul masaweega, gawuurji gidasung'waarda gideaba, “Siida doabiiwaat aba masaweega gaygoobiideawa masaweega.”

Ruumi 10:10

Aba gideaba siida iissa ghamwas aba gurorooda ea ghwanyas doobiiwnatta, ak siida gwargu aba ghuutta ea ghwanyas lealeanooda.

Ruumi 16:7

Oakghada Androniiko sea Yuuniya, was fugeaduupcheewi ghayi siraduudayeewean; biissa analaat aba jeeda giijasoodiga, nea saawa goosheedeawean nalooda Gristo.

Ruumi 5:21

gawuurji gidambalda ring'eeda miyeeda, gwasnu eara miyeenooda goombal doobiiwnatta ak gweadu eaweega manda muudeanooda aba naweetta bea Yeesu Gristoyda was Ng'uttamiideanyean.

Ruumi 8:1

Asi ghamneawa manda girgweaksiinda appadahuukka fuga mida jeeda Gristo Yeesu.

Ruumi 8:3

Aba gideaba ng'asheekka meammu aba deaweedean, aba gideaba manda uurjeenga aba ng'asheega saseedean, iiduw aba gijeaknooda ajeagu Aseetta Balleandaannyi nea ghwanung' gawuurji siida mideawa ring'eeda, amaduw appadayda ring'eeda iiduw goorgweaksa ring'eeda mida saseeda;

1 Goriinto 1:30

Niny gumdooda eaweegeagwa gil aba jeeda Gristo Yeesu, ghayi nung' Aseetta ghoaw weaghuumeedeanya, ea doobiiwnatteanya ea gimmiinnooda, ea lealeanooda;

2 Goriinto 5:17

Nea siida iimida jeeda Gristo, ea niiw siideesh; haleanjeedeaba garayi ning'atta, ng'ulla, nihidu haleanjeedeashish.

2 Goriinto 5:21

Appadahuukkaasa geanung' ghoaw niny ring'eeda nea niny ea mwanala ring'eeda, ak abeeda aba niny geahuuyi doobiiwnatta Aseetta.

Galattiya 2:16

nea geanalli gideaba siida majeattaw doobiiwnatta aba sinnooda deaweeda, geaghus aba masaweega Yeesu Gristo, aseasa ghayi geamwaschi Gristo Yeesu ak abeeda geegoaneasa doobiiwnatta aba masaweega Gristo, nea mii aba sinooda deaweeda, aba gideaba aba sinooda deaweeda manda siida jea eattaw doobiiwnatta.

Filippi 3:6

ak geasinnyi badiida muuchchi dasawan ganiisa, appadayda doobiiwnatta sinyasa deaweeda majeerukuna badaydeanyu ng'asheega munyas.

2 Dimoteo 1:9

dea ghayi lealneasa ak gaguurneasa aba guurnooda ghaydit nea nii ea mabaysiina aba gissisinyi aseasa ak nii gabaysa ninyi ea dagheerjeandumeedaanyi. Dagheerjeandumeani geegooneasa aba naweeda Gristo Yeesu nea miyeebwat ng'eanyiida.

Ditto 3:5

hean gwalealneasa, ea meabaysiinana sinaweagaasa doobiiweadi sisinnyi aseasa niny gwalealneasa ak geejilneasa niba iyyeenya ak ghwanung' eahuuwa fuga eashish aba Gurorooda Ghaydit,

Ebraniya 6:18

asi aba jeemba haleanji iyyeenya moammu ghwayamwa, nea aba jeedeaba suu ea moammu gwargu Aseetta ng'uyyeega, aseaseeda mang'aw gasa heechchea gamng'awusa abeeda ghwanyas gimajeekta ak ghwanyas rarooda ghayi siyiin madeedeanya.

Yakkobo 3:2

Aba gideaba aseasa eesasean iissa gearamwaschi gasaang'a, ama deeppa ea mwaramwasta siida wassean aba ng'asheega rugu abeeda siisi adoabiiwaat, ak ghoammu ghwarat eara saseadaannyi sean.

2 Betro 1:1

Simon Betro gil, soomjeanda ea giijasoochcheanda Yeesu Gristo, heeda fukka ninyas masaweega uurjeewaneasean, aba doobiiwnata Aseetteanya, ea lealnoochcheanda was Yeesu Gristo.

1 Yohaana 3:4

Siida wassean sina riing'eeda gwandeawa ramaseanda aba deaweeda; aba gideaba riing'eeda ramaseanda deaweeda gil.