Filippi 3:6 - NEAJEEDA EESH BEA BUUNEESSEAN

⁶ ak geasinnyi badiida muuchchi dasawan ganiisa, appadayda doobiiwnatta sinyasa deaweeda majeerukuna badaydeanyu ng'asheega munyas.

Bibliyeeda Ghaydit

⁶ ak geasinyi badiida muuchi dasawan ganiisa, aba badayda doobiiwnata sinyasa deaweeda majeerukuna badaydeanyu ng'asheega munyas.

Filippi 3:6 Mawu Ofanana

Mattayo 23:25

“Eamuy deang'wa ng'oorshoodiga, ea Farisayajeega ammiittu geat! Aba gideaba iissa goohuunnyi badayda bayookta ea dea gweeriida, nea jeeda ghwannyiit haleanjeeda orreedayi buuneeda ea shidoodeaba ghaang'.

Mattayo 5:20

Aba gideaba geayeeshshiineegwa, doobiiwnatteang'wa iimaburdeawana dea ng'oorshoodiga ea dea Farisayajeega, majaghannyi aweayeena jeeda sugoochcheandumeeda humng'eeda.”

Lukka 1:6

Nea abeeda saawa ea doobiweadi aba madeeda Aseetta, nea ghoang'ng'waay muuchchi digheanynyeekka sean ea humeannyeekka Ng'uttamiida nea meerukunana badahuukka ng'asheega munyas.

Gadiyeeda Giijasoodiga 21:20

Siyiiy ng'asheesu, geekghambiit Aseetta. Ak geeyeeshsha niny, “Ea oorjeediyya, ghamneawa gidaahi gideaba gwanda fuga Yahuudi nyiit sagalamnyoojiga ak ghamneawa ea numwas; ak ghoang'ng'waay muuchchi ng'asheega deaweeda.

Gadiyeeda Giijasoodiga 22:5

ng'asheesu aba damandida gamuuwwu ashoohoochcheanda haw ea gweargwa sean bea girgweageeda aba gideaba gagoonan barawajeanda fuga eaduupcheewi, ak ghaayaachchi Dameski, hean geawi daang'ng'waay fukkeanji ak geayeadu Yerusaleemu nea sirada geattinga ammuchchu geabwar.

Gadiyeeda Giijasoodiga 26:5

Ak ghayi gabean ghwanalan nea iigasa ghoammu gamuuwwu gideaba ghayi geabean dawas majeek nea ghaayaachchi naweeda diineedeanya doabiiwaat ak geabiideatti Farisayajeanda.

Gadiyeeda Giijasoodiga 8:3

Aba damandideani Saulo gagasa gwanyarja ganiisa, aba gideaba iissa gawa jeemba giliwas ghoah ak gooruutta jarooda headiga ea gadeemga ak ghwayiin ghealooniga.

Ruumi 7:9

Nea abeeda geawooschi majeek nea abeeda ea manda deaweeda, ammuchchu nea ghwahidu digheanda, gamajeegiit ring'eeda ak ghaameayi;

1 Goriinto 10:32

Adoanung' goodiiy fuga Yahuudi ghana gea Yunaani ghana ganiiseeda Aseetta,

1 Goriinto 15:9

Aba gideaba aniini geawoschi mwanang'eawa giijasoodiga, biissa ea mammiissean gideaba gajeeguureewean giijasoochcheanda, aba gideaba ghayi naaghabwaschi ganiiseeda Aseetta.

Filippi 2:15

ak ea meerukunana badaydahuukkeagwa ng'asheega munyas nea ghoahuyi fuga manda giidinyeanda, diibiga Aseetta meerukunana badahuukka ng'asheega munyas mida bugusta seaygeeda gwaneadi bea ng'ooweatta, ak ghoayeatti weeshinda, aba jeannyaawa aba jeeda ng'eanyiida,

Filippi 3:9

ak geanyasan aba jeadaannyi, ak ea meandeawani doobiiwnatteanyu, mida jeeda deaweeda, geaghus diitta sinyassa naweeda masaweega aba jeeda Gristohiin, doobiiwnattida leabu heeda Aseetta sinyas aba masaweegean;

1 Dimotteo 1:13

Abeeda aniini ghayi amwali nyeesa geanyareesay buuneeda nea geang'eaway, nea geasawanyi ak ghanyaschi baydeayda aba gideaba geasinyi ng'asheesu aba leendeeda, aba gideaba meandeawani masaweega.