Filippi 3:12 - NEAJEEDA EESH BEA BUUNEESSEAN

¹² Ak ea mii gideaba naanyaschi ghana gideaba neawoschi hidaat gil; geamajeekchi badiida danyas ak ghoaw deanyu, aba gideaba ninung' Gristo Yeesu doaw siidaannyi.

Bibliyeeda Ghaydit

¹² Ak ea mii gideaba naanyaschi ghana gideaba neawooschi hidaat gil; geamajeekchi badiida danyas ak ghoah deanyu, aba gideaba ninung' Gristo Yesu doaw siidaanyi.

Filippi 3:12 Mawu Ofanana

Mattayo 5:48

Awosa hidaat awuurjeewana gidahidaatta Ghweandeang'wa mida humng'eeda.”

Gadiyeeda Giijasoodiga 9:15

Gwayeeshsha Ng'uttamiida niny, “Una, aba gideaba siisi dabichcheanda siloat gil iitteanyu ghwaat gheawungeasu jeeda Emoojiga ea sugoodiga ea fuga Israeeli;

Ruumi 8:39

ghana haleanjeeda mida humng'eeda, ghana haleanjeeda mida ng'eanyi, ghana gidawassean may ghoammu gooheellaneasa sea bariinyeega Aseetta mida jeeda Gristo Yeesu was Ng'uttamiideanya.

1 Goriinto 13:10

Iimuchchu nea ghwahidu gitta hidaadiin, abeeda gayghang'atta gitta mii hidaadiin.

1 Goriinto 13:12

Aba gideaba ghamneawa geeng'ulli geat giyooh aba jeeda misaneeda, nea damandida gaygwaroonnyi gheanyangaasa. Asi ghamneawa ghaanalli aba meatkweenagi; damandida gajadanal muuchchi, aba gideaba Aseetta ghwanalan muuchchi.

1 Goriinto 9:24

Neada ea moanali gideaba fuga galleada iissa gwasalda sean gang'aleallli, nea siida jea ghwanyas shiipka aagi? Asi agalleada ak ghoanyaschi.

2 Goriinto 13:9

Aba gideaba geehoosannyi isuwoschi ng'arng'ari ak gondeawi agooga uurda. Gissumwaashchi Aseetta gideaba gagasa amajeegiitta.

2 Goriinto 7:1

Iinukkwa gendeawi hellesiini fugeasu abwariinyi, abeeda ghang'wana geehhuunnyi geat aba ririnnyoojiga sean bea saseeda ea gurorooda nea geemmajeekchi ghaydidanda aba gheawalmeeda Aseetta.

Galattiya 5:17

Aba gideaba saseeda gagasa gitta magassa Guroroodean, ak eara Gurorooda gagasa gitta magassa saseedean; aba gideaba suu gwasheang'nyi ak ea mwajoammuusa asna gidoogasayi.

Efeeso 1:4

iiduw nea ghwaloadeasa nea miyeabwat sindeetta ng'eanyiida, ak geewoschi ghaydidi nea geawoschi fuga meerukunana badahuukka ng'asheega munyas aba madeadaannyi.

Efeeso 4:12

ak ghoadaw fuga ghaydidi uurda jea gwasna gadiyeeda Aseetta ak geemajeek saseeda Gristo,

Filippi 1:1

Baulo ea Dimotteo, was soomjooga Gristo Yeesu, heeda fuga ghaydidi sean mida naweeda Gristo Yeesu, mida ng'eanyiida Filippi, sea jeagiischoodiga Ganiisa sea weedanga Ganiisa.

Filippi 3:16

Anung' eakghusa ging'ng'ooyda huumeanda aba gitta sinyaschiin.

Filippi 3:3

Aba gideaba aseasa geewoschi ghasmeahooda huumwa, gadoowan Aseetta aba gurorooda, ea gheambalmeeda aba jeeda Gristo Yeesu, fuga mwarara ng'asheega saseeda.

Filippi 3:8

Aba huumwa ghaanung' ghoaw haleanjeesean gil nirooda aba gitta naawda aba nalooda Gristo Yeesu was Ng'uttamiideanyuun. Appadaydaannyi naanung' gwarooda haleanjeessean, ak ghanung' ghoaw haleanjeeda mwadaagha, ak abeeda ghaanyaschi Gristo

1 Desaloniikke 5:15

Ang'ulla siida wassean adaghwawaldaawa ng'asheanda muy dea muy, iissa ghoayaachchi geeshta ng'asheanda miy galeagaseab, agooga nea goobeayi geat ea biissa aba heeda buuneessean.

2 Desaloniikke 2:13

Iiduw gammiiseasa aseasa gideaba gajeebadiischeesiina Aseetta galeagasean appadahuukkeagwa, fuga eaduupcheewi bwariiy Ng'uttamiida, aba gideaba ghayi nibay ghwaloadeagwa Aseetta ghang'eada mwadi ak ghoanyaschi lealeanooda, aba gimmiinooda jea ghoammiinneegwa Gurorooda, ak ghoamwaschi huumeanda.

1 Dimotteo 5:10

Ak easumwowuna badaydaanyi ng'asheega miyaas bea gireerda diibiga, ak ea nideapta rabasta nea niihuun gishanga fuga ghaydidi ak ea niweat fuga mida jeeda sawanadeeda, ak ea nisin muuchi ng'asheega miyaas.

1 Dimotteo 6:19

nea goodiiwsa geat haleanjeeda ghoaw sindeatta miy aba damanda jea ghooni ak ghwanyas eaweega was gea huumwa.

Ebraniya 12:14

Gagasa gimiriikta hoyyoo aba heeda buuneessean, aba ghaydidanda nea manda siida jea ghwadaa Ng'uttamiida iimandeawana.

Ebraniya 12:23

ea heeda fuga bwat geat was gea sishsheeda eeji sung'oorsa gheawunga nyaawa humng'eeda, nea dea laja girgweaguutka ea Aseetta buuneessean i, ea heeda guroruunatka fuga doobiiweadi geemiyaas,

Ebraniya 13:21

gagasa gagooneegwa haleanjeessean miyaas ak abeeda goosinnyi gidagasa, nea gagadiiyi aba jeedeang'wa gidagasa niny aba gheanyangaaschi aba naweeda Yeesu Gristo; nea giigheambiitta ea daannyi damanda manda muudeanooda. Amin.

Yakkobo 3:2

Aba gideaba aseasa eesasean iissa gearamwaschi gasaang'a, ama deeppa ea mwaramwasta siida wassean aba ng'asheega rugu abeeda siisi adoabiiwaat, ak ghoammu ghwarat eara saseadaannyi sean.

1 Betro 5:10

Iiduw nea ghang'atta sawanadeedida gilimwanang', hean Aseetta mideawa dagheerjeandumeeda sean, ghayi guurneegwa apkaani jeeda gigheambiiittaannyi manda muudeanooda aba jeeda Gristo, gaygoodeelu niny, ak goomajeegideegwa.

2 Betro 3:18

Ahissiina heeda aba dagheerjeanduumeeda, ea nalooda Ng'uttamiideanya ea lealnoochcheanda was Yeesu Gristo. Headaannyi gwanda gharbeeda ghamneawa ea ghoaw eaweega manda muudeanooda. Amin.