Filippi 2:9 - NEAJEEDA EESH BEA BUUNEESSEAN

⁹ Aba sareani ghoaw gida ading'deawa Aseetta humng'eeda muuchchi ak ghoadaw gheawunga laabwa hoowa gheawunga suurja,

Bibliyeeda Ghaydit

⁹ Aba sareani ghoah gida adiing'deawa ASEETA humng'eeda muuchi ak ghoadaw gheawunga laabwa hoowa gheawunga suurja,

Filippi 2:9 Mawu Ofanana

Mattayo 11:27

Nugoonan Bwaabwa haleanjeessean. Manda siida nal Balleanda geaghus Ghweanda, ghana siida nal Bwaabwa geaghus Balleanda ghana siida wassean gasa Balleanda goohiimsa.

Mattayo 28:18

Ghwaan Yeesu heannyaawa ak goobalool ak gwayeeshsha, “Sugoonan gheambalmeeda sean aba humng'eeda ea ng'eanyiida.

Lukka 10:22

Haleanjeassean nugoonan Bwaabwa; ak ea manda siinnal Balleanda geaghus Bwaabwa, ak ea manda siinnal Bwaabwa geaghus Balleanda ea siida wassean gasa Balleanda goohiimsa.”

Yohaana 13:3

abeeda Yeesu ghwanal gideaba niyiin Bwaabwa geattingaaschi halaneassean, ea gideaba niny gwaleabu heeda Aseetta ak gaygabiikta heeda Aseetta,

Yohaana 17:11

Ak ghamneawa aniini ea muttanda jeeda ng'eanyiida, amaduukku saawa gwanda jeeda ng'eanyiida nea ghaawunnyi headaang'u. Bwaabeeda Ghaydit, ahaaghwana saawa aba gheawungaagu ghayi igonnyean, ahaaghwana ea ghoaw agi nea gawuurji gissuwosti aseasa gilagi.

Yohaana 17:12

Ghayi nea guttandeawa saawa iissa ghahaaghwi aba gheawungaagu ghayi igooni; aniini nahaaghwi saawa ak ghanyeamanda nii nuroat eara akkalealla geaghus balleanda ghayi was roodaneeda, gwasa ng'asheega rugu ng'oruutka.

Yohaana 17:5

asi ghamneawa, aghambiidaan Bwaabwa, aba madeadaang'u aba gheambalmeeda ghayi eandeawi sea ang'iing'i nea miyeesin ng'eanyiida.

Gadiyeeda Giijasoodiga 5:31

Nii deaghayi adiing'u Aseetta gil ak gawa geattindaannyi bea dugwa ak ghoaw siida haw ea lealnoochcheanda, ak ghwanung' gwaduukuuna fuga Israeeli ak geesamsa ring'eega.

Efeeso 1:10

ak goguuyi haleanjeessean aba niny, haleanjeeda mida humng'eeda ea gea mida badayda ng'eanyiida.

Golosaayi 1:18

Nea niny ea uhuuda saseeda gil, nea dea Ganiisa, nea niny ea ging'eetta, ak ea duweachcheeda leabu miyeeda, ak abeeda ghoaw siichchea goosheedeawa haleanjeessean.

2 Desaloniikke 1:12

abeeda gwanda gharbeeda gheawunga Ng'uttamiideanya was Yeesu aba jeesingeagwa, nea agooga geakghambiideagwa aba jeadaannyi aba dagheerjeandumeeda Aseetteanya ea Ng'uttamiida was Yeesu Gristo.

Ebraniya 1:4

Ak ea sunung' gwaheedu ea ghoadaraam malaykajeega aba gideaba gheawunga ninyas ahaweewa ea ghang'al gaanyaawa.

Ebraniya 1:9

Gibwariinyi doobiiwnatta ak gisti fuga mandeawana deaweeda; asi Aseetta, was Aseettaang'u nimwaarnyi aba nagheeda hooseaneega ea ng'ala bareandaang'u.”

Ebraniya 12:2

nea geeng'ulayi Yeesuuyda asheeda was dea amajeek masaweagaasa, was dea aba hooseaneega siyiin madeadaannyi ghoahang'waay aba beehiida, ak gafool baspaseega, ak goopteada aba meatkweeda geattinda dugwa bea hoorgeeda gheambalmeeda Aseetta.

Ebraniya 2:9

Iiduw geedaayi Yeesu, dea aba gheadi nuwaas geanung' ghamwanng'iit ea ghwalaabwa hoowa malaykajeega, nea siyiin uhuuda gigheambiitta ea mureeda aba sawanadeeda ea miyeeda, ak abeeda aba dagheerjeandumeeda Aseetta abeeda gwasamu miyeeda aba giliwas sih.

1 Betro 3:22

nea niny eanuwa humng'eeda ak gwanda meatkweeda geattinda dugwa bea Aseetta, sea malaykajeega, ea gheambalmeeda, ea uurda ak gagadiyeesa niny.

2 Betro 1:17

Nea aba damanda nyasa mureeda ea gigheambiitta aba heeda Aseetta was Bwaabwa ak ghwanya ghuutta leabu heeda dea mideawa uurda gigheambiitta, “Nii Balleandeanyu abwariinnyi, ahoosanana muuchchi,”

3 Yohaana 1:7

Aba gideaba saawa gaweay appadaydaannyi ak ea moang'ng'waanya gil aba heeda fuga emoojiga.

Giidaheechta 1:5

biissa gwaleabu heeda Yeesu Gristoyda was muushoochcheanda doabiiwaat, was duweachcheeda fuga nimeewa, ak goombal sugoodiga mida ng'eanyiida. Heedeaba ninnyeeda bwariinyeasa ak gottineasa ehelleewana ring'eegaasa aba foojeandaannyi

Giidaheechta 11:15

Ghaghuut durumbeatteadaannyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoochcheandumeeda ng'eanyiida goolla ghoaw sugoochcheandumeeda Ng'uttamiideanya ea dea Gristoydaannyi, ak gaygoombaliischi ea ghoaw damanda manda muudeanooda.”

Giidaheechta 19:16

Ak badayda hang'daannyi ea gibeestaannyi geeng'oorsa, gheawunga Sugoochcheanda sugoodiga ea Ng'uttamiida ng'uttamoojiga.

Giidaheechta 3:21

“Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeatti ak geapteadi sea Bwaabwa aba uhuuda hoorgeedaannyi bea gheambalmeeda.

Giidaheechta 5:12

nea geeyi aba ghuutta haw, “Gammiisa Dayeenda Gisilleanda ghayi silach gheatta, ghwanyas uurda ea meanang'oochcheandumeeda ea weaghumeeda ea hawunda ea mureeda ea gigheambiitta ea ghawooda!”