Filippi 2:3 - NEAJEEDA EESH BEA BUUNEESSEAN

³ Adisni ng'asheanda aba shidoodeaba ghaang' ghana aba ghwarjeeda, sina aba eatteaba geaw bea ng'eanyi nea ginung' ghoaw buuneeda suurja fuga miyaas ea ghang'alleagwa.

Bibliyeeda Ghaydit

³ Adisini ng'asheanda aba shidoodeaba ghaang' ghana aba ghwarjeeda, sina aba eateaba geaw bea ng'eanyi nea ginung' ghoah buuneeda suurja fuga miyaasiin ea ghang'aleagwa.

Filippi 2:3 Mawu Ofanana

Lukka 18:14

Geayeeshshineegwa, ghwararang'ada siitta ang'ng'oonyi gwaadiin gawa gheannyi nea sittaw doobiiwnatta ea ghang'al niirja; aba gideaba siida nyoo godiing'u geaw gajeahiing'u, nea dea hiing'u geaw gajeettiing'u.”

Ruumi 12:10

abariinnya geat agooga, aba bariinyeega huumwa bea oorjooga giyeang'wa nea aba mureeda gooshsheedi buuneeda suurja.

Ruumi 13:13

asi eara aseasa gagasa eabeada fuga mida heedeesh, mii geawunda gheang'da gil ea booktumeeda, mii ng'asheega munyas gil ea hiseadayeandumeeda, mii jaliida gil ea lajoodeaba ghuut.

Ruumi 2:8

nea fukka aheakkiida suurjeaniin biissa ea moawalla ng'asheega huumwaan, nea gwasinniisa mureeda ng'asheega munyas, gay ghwanyas nyarasta ea gharbeeda.

1 Goriinto 15:9

Aba gideaba aniini geawoschi mwanang'eawa giijasoodiga, biissa ea mammiissean gideaba gajeeguureewean giijasoochcheanda, aba gideaba ghayi naaghabwaschi ganiiseeda Aseetta.

1 Goriinto 3:3

aba gideaba agooga gudabeaha saseeda. Nea iimida jeedeang'wa lachng'eanyiida ea ng'alealleeda, abeeda mowosi fuga saseeda, nea ghoabeadi fuga geallaani?

2 Goriinto 12:20

Aba gideaba ghaawalli dahidu ak ea moowuurjeewani gideagassiidi dahidu nea goowuurjeewi, ak ea moahiimni nea geewuurjeewi gitta moogassiidaniin; ea gideaba gwadeeppa gwanda jaliida, geawunda gheang'da, ea nyarasta, shidoodeaba ghaang', giheakteayda, soomeanda baloolda, rengaweega ea deakghuyandeeda.

Galattiya 5:15

Asi iighanyaadi nea ghoanyeannyeahaadi geat gooshageachchi adagaba siisi ak nuut.

Galattiya 5:26

Adeegwaray geat mwadaagha, ak ea adeesadayi geat, nea adeeng'ulli geat gheanyanga munyas.

Efeeso 4:2

nea gooyeadayi geat ng'eanyi ak goowooschi garbappi, nea ghoahhang'waannyi nea goomilikkideaysi geat aba barinyeega,

Efeeso 5:21

Asinisiina geat mureeda gawuurji gidoosinnisiindi Gristo mureeda.

Filippi 2:14

Asna ng'asheega sean nea adagwarinnaneegwa ginikghta ghana sheangnyeeda,

Golosaayi 3:12

Asi okkwealsheatta fuga niloat Aseetta, ghaydiidi subwariiy, bea jeesinga bayyiida buuneeda, ea ng'eeninda, eattoodeaba geat bea ng'eanyi, miyinda ea milighteayda,

Golosaayi 3:8

Ak ghamneawa ghoanung'waadi ng'asheesu seaniin; nyarasta, ea ng'weaninda, munyinda, ea beeshta, ea ging'weakka aba ghuusigeegwa.

1 Dimotteo 6:4

nii nung'ut ghwarjeeda ak ea manda gil nal, ak gaba geeska gittemshooda badayda ginyeeshteayda ng'asheega ea galleadayda ng'asheega nea aba jeedeaba suu gwarinna ng'ullooda siida aba gheangda muy, jalliida ea ging'weaka ea meannyooda muy bea siida,

1 Betro 3:8

Ng'asheanda huydean nii gil, awoosa gilagi, ak goobayiidi geat nea ghoabwariiydi geat oorjoospwa ghaamwadagi, nea goowoschi ng'eeni ak gooyeadayi geat ng'eanyi.

1 Betro 5:5

Gwasnu earagooga gheareemanga asissiina gweargwa mureeda. Okkweala geat, oagassean, nea gaba siisi sissa nuut mureeda, aba gideaba, “Aseetta iissa ghaheawa fuga ghwarjeeda, ak ghoadaw dagheerjeandumeeda fuga eada geat ng'eanyi.”