Filippi 1:4 - NEAJEEDA EESH BEA BUUNEESSEAN

⁴ inyeesa galeagasean iyaamwaaschi Aseetta, hean ghaamwashchi appadahuukkeagwa aba hooseaneega,

Bibliyeeda Ghaydit

⁴ inyeessa galeagasean iyaamwaashchi ASEETA, hean ghaamwaashchi aba badahuukeagwa aba hooseaneega,

Filippi 1:4 Mawu Ofanana

Marko 5:5

Inyeessa Gojureadayyi eawa ea askweari nea gahoonna geaw hoowa sibunynyiisa buneedean ea jeesinga beareega nea inyessa ghabwashadawa geaw lagheanga.

Lukka 15:10

Asi gwasnu, ak geayeeshshineegwa, gaygahoosan malaykajeega Aseetta appadayda siida assagi mideawa ring'eada iduukkuuna.”

Lukka 15:7

Asi gwasnu, ak geayeeshshineegwa, gaygwanda hooseaneega muuchchi aba humng'eada appadayda siyagi mideawa ring'eeda ak gwaduukkuna, maygawuurji fukka was seedam ea damwashshageesh doobiiweadi magassa duukkuunoodean.”

Ruumi 1:9

Aba gideaba Aseetta muushoochcheadeanyu gil, eagadiyeesi aba guroroodeanyu aba jeeda Giijasta miy bea Balleandaannyi, nea iissa ea meapri aba rukunooda badahuukkeagwa galeagasean aba jeeda mooshteanyu bea Aseetta,

Filippi 2:2

oahhiida hooseaneegeasu nea gobeayi fughareanagi, nea gawuurji bariinyeegeagwa, nea ghoang'ng'waay geat ng'asheegeagwa, nea gobeayi fughareanagi.

Filippi 3:18

Aba heeda fuga saang'a, nearukuneegwa ak ghamneawa gearukuneegwa nea ghabuudu dabeakka, anungwaada gawuurji weajoodiga beehiida Gristo.

Filippi 4:1

Asi, orjoogiyya, abwariinyi nea geagasayi, was hooseaneegeasu ea shiipka amiinaada nea goomajeegichchi aba jeeda Ng'uttamiideanyu, fugeasu abwariinyi.

Golosaayi 2:5

Earappeadi eawoschi sheagi aba heedeang'wean, geendeayi aba guroorooda, ak geahoosanyi muuchchi aba gideaba neajeeng'u gidamiyda giibindeang'wa ea gidamajeekta masaweegeagwa appadayda Gristo.

1 Desaloniikke 1:2

Geabadiischeesi Aseetta galeagasean appadahuukkeagwa oagasean, nea geapkachcheagwa aba jeeda mooshteanya bea Aseetta,

Filimoon 1:7

Aba gideaba naanyaschi hooseaneega muuchchi ea hawdeayda aba bariinyeegaagu oorjeediyya, aba gideaba guroruunatka fuga ghaydidi nihawda appadaydaang'u.

2 Yohaana 1:4

Geahoosannyi muuchchi iyadaayi diibigaagu mwaatkwa nea ghwaat naweeda huumeanda gawuurji gidaghayi goondaneasa Ghweanda.