Efeeso 5:8 - NEAJEEDA EESH BEA BUUNEESSEAN

⁸ aba gideaba ghayi agooga gowoschi misaneeda, ak ghamneawa gowoschi weeshinda aba jeeda Ng'uttamiida; asi abeada diibiga weeshinda

Bibliyeeda Ghaydit

⁸ aba gideaba ghayi agooga goowooschi misaneeda, ak ghamneawa goowooschi weeshinda aba jeeda Ng'utamiida; asi abeeda diibiga weeshinda

Efeeso 5:8 Mawu Ofanana

Mattayo 3:8

Asi ajiila haghweega miisa duukkuunooda,

Mattayo 4:16

Fukka ghayi abiitta jeeda misaneedean nidaah weeshinda haw, Nea gea ghayi abiitta ng'eanyiida ea jirooneeda miyeeda, ea niibwaay weeshinda.”

Lukka 1:79

ak gayghoabwaay fuga sean mida jeeda misaneeda haw bea jirooneeda miyeeda, ak ghoadoabiiw geashangaasa eayaada naweeda miy bea hoyyoo.”

Lukka 16:8

Gagwarsa Siida haw haghweadoochcheandida sina ng'asheega munyasiin, aba gideaba balloojigeaba ng'eanyiin eabareahi iheen aba jeedeaba rooproobang'su ea ghang'al fuga abiitta heedeesh.

Yohaana 1:9

Nii weeshinda huumwa gil hidu jeeda ng'eanyiida ak ghoabwaay giliwas sihi.

Yohaana 12:35

Gwayeeshsha Yeesu saawa, “Gudandeawana weeshinda gheadi nuwaas. Aneayeena hijiduandeawana weeshindean amwajooreagwa misaneeda; siida neayeewa jeeda misaneeda mwanala eara heeda gal.

Yohaana 12:36

Asi hijiduandeawana weeshindean amwasa weeshinda, ak ghoahuuyi diibiga weeshinda.” Ing'atta rukunoodeaba ng'asheesu ghang'eat Yeesu goheelli geaw ak gawa ghafnya geaw saawa.

Yohaana 12:46

Aniini ghaawunnyi nea geawoschi weeshinda ng'eanyiida, ak abeeda siida mwasan ea meabiidana jeeda misaneeda.

Yohaana 8:12

Gabiikta Yeesu gichcha gobalool saawa nea gwayeeshsha, “Aniini geawoschi weeshinda ng'eanyiida; siida eadu geeshteanyu maygwaneayeewa jeeda misaneeda, niny abeeda gaygwandeawa weeshinda eaweega.”

Gadiyeeda Giijasoodiga 17:30

Damanda lendeeda ninaawa geaw Aseetta, ak ghamneawa gwarukusa buuneeda gideaba aduukkuunana ring'eegeagwa,

Gadiyeeda Giijasoodiga 26:18

ak ghwayam gheanyanga nyaawa, geat gwaheelli misaneeda ak gaweay jeeda weeshinda ak gwaritteawa jeeda uurda Shattaani amahit gwayamsa geat Aseetta, ak ghwanyas samsiinda ring'eega ea giibinda aba jeeda fukka ghayi simmiidu aba masaweega aba jeedeanyuun.’”

Ruumi 1:21

Ak earappeadi nal Aseettean ghanyea masissiina mureeda niny gawuurji Aseetta ghana gabadiischeesa niny, hean ghoaw duguuga mwadaagha aba iheenga nyaawa nea fughareenga nyaawa marachchi gil geanung' gamisaniit.

Ruumi 13:12

eaweeda nigeawiit muuchchi, askwearda ea nineekiit. Asi eehista gadiyoojiga misaneeda ak geashshaash dabitta weeshinda;

Ruumi 2:19

ak inali aba huumwa gideaba ang'iingi guwosi siida ahhaghwa fuga ng'oowwi, weeshinda fuga mida jeeda misaneeda,

1 Goriinto 1:30

Niny gumdooda eaweegeagwa gil aba jeeda Gristo Yeesu, ghayi nung' Aseetta ghoaw weaghuumeedeanya, ea doobiiwnatteanya ea gimmiinnooda, ea lealeanooda;

2 Goriinto 3:18

Hean aseasa eesasean, aba gheamamda meedukuta, ng'ulla gigheambiitta Ng'uttamiida, siyam gawuurji sea niny ghang'eada gigheambiitta ea gagul gigheambiitta; aba gideaba ng'asheanji gwaleabu heeda Ng'uttamiida was Gurorooda.

2 Goriinto 4:6

Ak ea Aseetta gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga guroruunatkaasa ak ghoadaw weeshinda fughareeda gigheambiitta Aseetta aba gheamamda Gristo.

2 Goriinto 6:14

Adiiduw ghoang'ng'waanyi geat sea fuga mandeawana masaweega. Aba naweeda mwadoabiiwa, aba gideaba gwanda dupcheemba naaha mida dageascheeda doobiiwnatta ea heheweega? Nuut gichcha gwanda rorochcheemba naaha mida dageascheeda weeshinda ea misaneeda?

Galattiya 5:25

Iisippideewi gurorooda gagasa eweaya nea geandeawi gurorooda.

Efeeso 2:2

was gea ghayi oayaachchi geeshta nea goommaseawji seareetta bea ng'eanyiidean, nea ghoayaachchi geeshta sugoochcheanda mideawa uurda humng'eeda, gurorootta ghamneawa sin gadiyeeda aba jeeda balloojiga fuga manda mureedean.

Efeeso 4:18

ak fughareenga nyaawa ea sunung' gamisaniidi, ak ea sihheelli sea eaweega Aseetta, aba leendeeda mida jeanyaawa nea gwasin hang'ooynachcheeka jeesinga nyaawa;

Efeeso 5:2

Ak ghoabeawi bariinyeega, gawuurji gidabwariiydaneasa Gristo ak ghoadayda geaw appadahuukkaasa, ak ghoaw haleanjeeda sisappa geadi bea ghadoweeda ng'andit aba heeda Aseetta.

Efeeso 6:12

Aba gideaba ng'uchcheedeanya maba saseeda ea foojeanda gaba badayda sugoochcheandumeeda ea gheambalmeeda appadayda fuga ambaliischi bea jeedeaba misaneani, appadayda shirikkareeda meangeenda munyas aba jeeda daroorakka humng'eeda.

Golosaayi 1:12

nea goobadischeesi Bwaabwa nung' eammuusa eanyasa gheatta hearaniischooda sea fugaaschi ghaydidi aba jeeda weeshinda.

Golosaayi 1:13

Ak niny gwalealnaneasa jeeda uurda misanumeeda ak goobaleegeasa ea ghwadeasa jeeda sugoochcheandumeeda Balleandaannyi bwariiy,

Ditto 3:3

Aba gideaba ghayi ammwadi geewoschi dasheahi, ak ea meendeawani mureeda ak geewoschi roodanga, ea ging'ng'oonyanga aba miyeenooda muunda ng'eanyiida, nea geeppiidi jeeda ng'asheega munyas, ea lajoodeaba ghuut, nea ghwasteagwa buuneeda nea goostayi geat agooga;

1 Yohaana 1:7

nea isineayeewi jeeda weeshinda, gawuurji gidamideatta niny jeeda weeshinda abeeda easibareannyi aseasa, ak foojeanda Yeesuuyda was Balleandaannyi gaygoohuun ring'eegaasa sean.