Efeeso 5:5 - NEAJEEDA EESH BEA BUUNEESSEAN

⁵ Agooga ghoanalli ng'asheanji gideaba siida hiseada ghana dea sina ng'asheega munyas ghana dea gaseadayyi haleanjeeda ea dea (bada gidamwadaagha ghwanung' ghoaw Aseettaannyi) manda dea jea gwahearan gheambalmeeda Gristo ea Aseetta.

Bibliyeeda Ghaydit

⁵ Agooga ghoanali ng'asheanji gideaba siida hiseada ghana dea sina ng'asheega munyas ghana dea gaseadayi haleanjeeda ea dea (bada gidamwadaagha ghwanung' ghoah ASEATAANYI) manda dea jea gwahearan gheambalmeeda Gristo ea ASEETA.

Efeeso 5:5 Mawu Ofanana

Gadiyeeda Giijasoodiga 20:32

Ak ghamneawa ghadawjeegwa Aseetta ea ng'asheanda dagheerjeandumeeda, jea ghoammu gwadeekneegwa nea gagooneegwa hearaniischooda aba jeeda fuga sean ghayi simmiidu.

Gadiyeeda Giijasoodiga 8:21

Ak ang'iing'i ea mibwaheasa nea meebareannyeeni aba ng'asheanji, aba gideaba guroroadaang'u mwadoabiiwa aba madeeda Aseetta.

Galattiya 5:19

Ak ng'asheega munyas sina saseeda aadaach nea suhu; hiseadayeandumeeda, ririnnyeanda, ng'asheega munyas,

Galattiya 5:21

ng'ullooda siida aba gheang'da muy, booktuumeeda, leeshooda, ea ng'asheega uurji suh. Neabean damiin gheang'deang'wa gawuurji gidaghayi eareekusiindi gideaba fuga sina ng'asheega sunu maygaweay jeeda Gheambalmeeda Aseetta.

Efeeso 5:3

Nea hiseadayeandumeeda ea ng'asheega munyas sean ghana gassooda ng'asheega munyas adiiduw geyiingsa jeedeang'wa, aba gideaba nii ghwahit aba jeeda fuga ghaydidi.

Golosaayi 1:13

Ak niny gwalealnaneasa jeeda uurda misanumeeda ak goobaleegeasa ea ghwadeasa jeeda sugoochcheandumeeda Balleandaannyi bwariiy,

Golosaayi 3:5

Asi anung'waada ng'asheega munyas bea munda ng'eanyiida mida saseenuukkeagwa: was hiseadayeandumeeda, ririnnyeanda, geawunda gheang'da muyi, giitteemshooda muy, ea shidoodeaba ghaang', ea ghadoowanda gidamawosa Aseetta.

1 Dimotteo 6:10

Aba gideaba gumdooda ng'asheega munyas sean gweadu bariinyeega lappiya, ak buuneeda mwaatkwa ea ninungwaada masaweega aba bariinyeesu bea lappiyaan ea gwasawan jeesinga nyaawa.

1 Dimotteo 6:17

Fuga ghamneawa was meanang'oodiga appadayda ng'eanyiida rukusiina gideaba adagagwara geat nea ghaghus meanang'oocheandumeani jea goosheani, gagasa ghaghus Aseetta goona haleanjeesean saang'a, ak geegadiyeati aba hoosaneega.

Ebraniya 13:4

Geeshshooda dasissiina mureeda buuneessean, nea eara bulaliida gagasa ea mandeawana ririnnyeanda; aba gideaba Aseetta gaygoorgweaksa fuga munyas ea gea mealuuli.

Giidaheechta 21:8

Ak gea giyoonnyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani gida mawosa aseetta, ea gea naba ng'uyyeega sean, heennyaawa jeeda basooda yeada beasta gil ea giikkayda, nea nii ea miyeedeaba iyyeenya.”

Giidaheechta 22:15

Hoowa bea jaroodean gwanda gudajeega ea beneediga ea fuga hiseada ea fuga nuusa buuneeda ea fuga ghadoawani gidamwawosa aseetta, ea gilinyoo ghabwariiy ng'uyyeega nea gwasin.