Efeeso 5:2 - NEAJEEDA EESH BEA BUUNEESSEAN

² Ak ghoabeawi bariinyeega, gawuurji gidabwariiydaneasa Gristo ak ghoadayda geaw appadahuukkaasa, ak ghoaw haleanjeeda sisappa geadi bea ghadoweeda ng'andit aba heeda Aseetta.

Bibliyeeda Ghaydit

² Ak ghoabeawi bariinyeega, gawuurji gidabwariiydaneasa Gristo ak ghoadayda geaw aba badahuukaasa, ak ghoah haleanjeeda sisapa geadi bea ghadooweeda ng'andit aba heeda ASEETA.

Efeeso 5:2 Mawu Ofanana

Mattayo 20:28

aba sareani eara Balleanda Siida mwoani egadiyeesa niny ghwaan gagadiyi, ak ghoadayda aweagaaschi ghoaw leadeeda fuga saang'a.”

Yohaana 13:34

Geagonnyeegwa digheanda eesh, abwariinnya geat, ak ghoabwariiydi geat gida abwariiydaneegwa.

Yohaana 6:51

Aniini geawoschi mukkatteyda eaweega rarang'aana humng'eeda; siida wassean iiyak mukkatteheani, gayghwashng'u eaweega manda mudeanooda; nea mukkatteyda jea daadaw appadayda eaweega ng'eanyiida ea sasedeanyu.”

Ruumi 15:16

ak abeeda ghahuuyi siida gadiyeeda bea Gristo Yeesu aba jeeda Emoojiga, ak abeeda geasissi gadiyeeda Giijasta miy bea Aseetta gadiyeeda was ashohoochcheandumeeda ak abeeda ghoaw Emoojiga haleanjeeda sisappa geadi bea ghadooweeda miyaas, iing'atta nea nimmiidu Gurorooda Ghaydit.

Ruumi 4:25

ak geenuus aba gidiinyeannyeakkaasa ak gooduudu ak geenyaschi doobiiwnatta.

Ruumi 8:3

Aba gideaba ng'asheekka meammu aba deaweedean, aba gideaba manda uurjeenga aba ng'asheega saseedean, iiduw aba gijeaknooda ajeagu Aseetta Balleandaannyi nea ghwanung' gawuurji siida mideawa ring'eeda, amaduw appadayda ring'eeda iiduw goorgweaksa ring'eeda mida saseeda;

Ruumi 8:37

Manda, aba jeedeaba ng'asheesu seaniin iissa geang'alli fuga jooriischi, aba heeda siida ghayi bwariinyeasa.

1 Goriinto 16:14

Ng'asheegeagwa sean iyoosinnyi asna aba bariinyeega.

1 Goriinto 5:7

Asi ageanda mattawandeaba garayi ak abeeda ghoahuuyi murmurjeanda eesh, ak ea huumwa gil miyeammwattawiideegwa. Aba gideaba Gristo, was dayeenda gisilleanda bea basakka, ning'atta giidaydeayda.

2 Goriinto 2:14

Asi badiischeesiinda gammiisa Aseetta, nea ghoadoabiiweasa aba naweeda Gristo aba hooseaneega, ak aba aseasa ghwadarda shearooda ng'andit bea fughareadaannyi aba hiji wassean.

2 Goriinto 2:15

Aba gideaba aseasa geewoschi shearooda ng'andit bea Gristo aba madeeda Aseetta, aba heeda fuga lalaan ea heeda fuga nirooda,

2 Goriinto 8:9

Aba gideaba noanalli dagheerjeandumeeda Ng'uttamiideanya was Yeesu Gristo, earappeadi baruuriin, hean ghabwarbwariit appadahuukkeagwa, ak abeeda aba barbarandaannyi ghoahuuyi baruurji.

Galattiya 1:4

nea gabeagu geaw aba ring'eegaasa ak gwalealnaneasa aba jeeda seaygean bea ghamneawa munyasiin, gawurji gidagasiida Aseetta was Ghweanda;

Galattiya 2:20

Geengooran sea Gristo, ak geawoschi majeek ak ea mii aniini gil, Gristo eamajeek aba jeedeanyu, ak majeeknatta eandeawi ghamneawa aba saseeda, geandeewi aba masaweega Balleanda Aseetta, dea bwarinyan ak gabeagu eaweegaaschi aba badaydeanyu.

Efeeso 1:4

iiduw nea ghwaloadeasa nea miyeabwat sindeetta ng'eanyiida, ak geewoschi ghaydidi nea geawoschi fuga meerukunana badahuukka ng'asheega munyas aba madeadaannyi.

Efeeso 3:17

nea goobiida Gristo jeesingeagwa aba naweeda masaweega, ak geng'eapseegwa jeeda barinyeega,

Efeeso 3:19

nea ghoonalli barinyeega Gristo ng'al fughareenga, ak abeeda geanyiideagwa hidooda sean bea Aseetta.

Efeeso 4:15

Asi, eang'ng'waanya humeanda aba barinyeega nea geeheettu ea eahitta heedeaba niny aba haleanjeesean, ninnyeeda was uhuuda aba jeeda Gristo,

Efeeso 4:2

nea gooyeadayi geat ng'eanyi ak goowooschi garbappi, nea ghoahhang'waannyi nea goomilikkideaysi geat aba barinyeega,

Efeeso 5:15

Ang'ulla muuchchi aba gidoabeadi, adoowuurjeewi fuga manda fughareenga, awuurjeewana gea mida fughareenga,

Efeeso 5:25

Siyeenatka, abwariinya gadeemgeagwa, gawuurji gidabwariyda Gristo ganiisa ak gabeagu geaw appadaydaannyi,

Filippi 4:18

Ak ea naanyaschi haleanjeesean, ea ghwanaawda, aba seang'ayda; was gea ghayi eanean Epaforodittoyda leabu heedeang'wa, was haleanjeeda ogoonnyi, was shearooda nagheeda ng'andit, ea haleanjeeda sisapa geadi bea ghadoweeda biissa ghabwariiy Aseetta.

Golosaayi 3:14

Iing'atta suu seaniin gamiiseegwa andeawana barinyeega, aba gideaba gaygooroonnyi haleanjeesean ghoaw gilagi hidaat.

1 Desaloniikke 4:9

Aba iitta bariinyeega oorjooga giyeanya moogassi gideaba gaygang'oorneegwa sii, aba gideaba agooga ninaleagwa Aseetta bariinyeegeaba geat;

1 Dimotteo 2:6

nini gabeagu eaweegaaschi nea gabwageaw ak ghoaw siida jea goottin buuneessean, ak gajeemuuwwu aba damandaanyi.

1 Dimotteo 4:12

Adiidu gafool sii gheareemanandumeedaang'u, ak guwoosi siida jea eegala aba heeda fuga mideawa masaweega, aba jeeda baloolda ea giibinda sea bariinyeega ea masaweega ea alooheeda.

Ditto 2:14

nea niny ghoadayda geaw appadahuukkaasa ak ghaweadaneasa ng'asheega munyas sean ak ghoammiidu fuga jea ghoaw gaaschi nea gamilmiliidi aba sinooda ng'asheega miyaas.

Ebraniya 8:3

Aba gideaba giliwas ashoohoochcheanda haw iissa gealoat ghoadayda haleanjeeda ea lukghumajeega; nea eara ashoohoochcheanda gammiisa gideaba gaygwandeawa gichchea ghoadayda.

Ebraniya 9:14

abeeda gayghwaranyattaan muuchchi foojeanda Gristo, dea aba Gurorooda manda mudeanooda ghoadaw geaw Aseetta nea meerukunana badaydaannyi gidamuy, gayghoammiidu fughareengeagwa aba gadiyoojiga nimeewa ak gagadiyeesa Aseetta majeek.

Ebraniya 9:23

Ak ghwadoabiiw gideaba haleanjeeda uurji gea humng'eeda gideaba geammiidu aba naweani, nea haleanjeeda humng'eeda geammiinna lukghumajeega miyaas mawuurji suu.

Ebraniya 9:26

aba sareani gwachchi gaygabiikkiida jeeda sawanateeda ghang'eada dea ghayi sisna sindeetta ng'eanyiida. Ak aba nii, ghwahidu nibwagi aba mudeanooda damanda ak gageanda ring'eeda aba gidaydeaydeaba geaw ghoaw lukghumeadaannyi.

1 Betro 4:8

Appadaydeaba suu seaniin asna badiida muuchchi ak ghoabwariinyi geat, aba gideaba bariinyeega gwadukta ring'eega saang'a.

1 Yohaana 3:16

Aba nii sinalli bariinyeega, aba gideaba niny gabeagu eaweagaaschi appadahuukkaasa; asi gammiiseasa earaseasa eebeakna eaweagaasa appadahuukka oorjoogiyya.

1 Yohaana 3:23

Nea nii ea digheandaannyi gil, gideaba ea mwasa gheawunga Balleandaannyi wa Yeesu Gristo nea geebariinyayi geat, gawuurji gidagoondaneasa.

Giidaheechta 1:5

biissa gwaleabu heeda Yeesu Gristoyda was muushoochcheanda doabiiwaat, was duweachcheeda fuga nimeewa, ak goombal sugoodiga mida ng'eanyiida. Heedeaba ninnyeeda bwariinyeasa ak gottineasa ehelleewana ring'eegaasa aba foojeandaannyi

Giidaheechta 5:9

hean gwasarman sarmeedeesh, nea gwayi, “Gammiiseey ang'iing'i geannooda gittaabu ak giittin giiroorangaaschi, aba gideaba ghayi gealach ghaattaang'u nea aba foojandaang'u giidaydi leadeeda buuneeda aba heeda Aseetta aba giliwas eamwa ea iitta ea buuneeda ea ng'eanyiida,