Efeeso 4:9 - NEAJEEDA EESH BEA BUUNEESSEAN

⁹ (Aba rukunooni ayi, “Gwadiyeada,” gideabeadaannyi naaha iimiih gideaba earada ghwararang'an ea ghwahidu heeda hiing'aada aba jeeda ng'eanyiida.

Bibliyeeda Ghaydit

⁹ (Aba rukunooni ayi, “Gwadiyeada,” gideabeadaanyi naaha ii mii gideaba earada ghwararang'aan ea ghwahidu heeda hiing'aada aba jeeda ng'eanyiida.

Efeeso 4:9 Mawu Ofanana

Mattayo 12:40

Gawuurji gida abiideatta Yoona jeeda ghweayeanda haw eawooji samwagu eawa ea askweari nii gichchea gawuurji Balleanda Siida gaygoobiida jeessigeeda eawooji samwagu eawa ea askweari.

Yohaana 20:17

Gwayeeshsha Yeesu niny, “Ading'ng'wanyaan, aba gideaba mii dawa heeda Bwaabwa; asi ng'eada una heeda oorjooga iyya ak giyeeshshi saawa, aniini nascheang'di dawa heeda Bwaabwa nea Ghweandeang'wa gil, heeda Aseetteanyu nea Aseetteang'wa.”

Yohaana 3:13

Manda siida ghayi nidiyeada ea gawa humng'eada geaghus Balleanda Siida ghayi rarang'aana humng'eeda

Yohaana 6:33

Aba gideaba mukkatteyda Aseetta diitta rarang'aana humng'eedean gil ak ghoadaw ng'eanyiida eaweega.”

Yohaana 6:38

Aba gideaba mwararang'aanani humng'eeda doan dasin gideagasay aniini, ghaawunnyi dasin gidagasa dea ghayi ajeaknean;

Yohaana 6:41

Hean gabiissa ghoaniikgh fuga Yahuudi aba gideaba gwayi, “Aniini geawoschi mukkatteyda leabu humng'eeda.”

Yohaana 6:51

Aniini geawoschi mukkatteyda eaweega rarang'aana humng'eeda; siida wassean iiyak mukkatteheani, gayghwashng'u eaweega manda mudeanooda; nea mukkatteyda jea daadaw appadayda eaweega ng'eanyiida ea sasedeanyu.”

Yohaana 6:58

Asi nii mukkatteyda rarang'aana humng'eeda, mawurji sea dea akk ghweaniga ak gameewa; siida iiyak mukkatteheani gayghwanyas eaweega manda mudeanooda.”

Yohaana 6:62

Abeeda gaygawurjiin iyoadaayi Balleanda Siida nea ghwascheang'da gawa heeda ghayi mida bea amwadi?

Yohaana 8:14

Ghwasha Yeesu nea gwayeeshsha, “Eara damuuwwu ng'asheega badaydeanyu nea gabwageaw, ghanalli gideaba muwwunoodeanyu huumwa, aba gideaba aniini ghaanalli heedealeabu ak ghaanalli heedeagalli. Dukku agooga ghanyea mwoanali heedealeabu ghana heedeagalli.

Ebraniya 2:7

Ginung' ghoaw siida mwanang' aba gheadi nuwaas ea ghwalaabwa hoowa malaykajeega, ak gishshuubi shiipka gigheambiitta ea mureeda,

Ebraniya 2:9

Iiduw geedaayi Yeesu, dea aba gheadi nuwaas geanung' ghamwanng'iit ea ghwalaabwa hoowa malaykajeega, nea siyiin uhuuda gigheambiitta ea mureeda aba sawanadeeda ea miyeeda, ak abeeda aba dagheerjeandumeeda Aseetta abeeda gwasamu miyeeda aba giliwas sih.