Efeeso 4:6 - NEAJEEDA EESH BEA BUUNEESSEAN

⁶ Aseetta aagi was Ghweandeanya easassean, ak ghang'attaawa sean ak gagadiiyi aba jeedeaba sean ak gwanda jeeda buuneessean.

Bibliyeeda Ghaydit

⁶ ASEETA ea agi was Ghweandeanya eesa sean, ak ghang'ataawa sean ak gagadiiy aba jeedeaba sean ak gwanda jeeda buuneesean.

Efeeso 4:6 Mawu Ofanana

Mattayo 6:13

Adigealleasa jeeda simsimda, ak gighuhaneasa gitta muyiin.

Mattayo 6:9

Asi amwaashtunu Aseetta: Ghweandeanya mida humng'eeda, Ghaawungaagu eakghambiida.

Yohaana 14:23

Ghwasha Yeesu nea gwayeeshsha, “Siida ibwariinyan gayghoang'ng'waay ng'asheandeanyu, nea abeeda Bwaabwa gayghabwariiy siisi, ak gajeapkaana aseasa headaannyi ak geppiidi headaannyi.

Yohaana 17:26

Ak ea naanung' ghwanal ghawungaagu, ak gaydanung' ghwanal, abeeda bariinyeekka ghayi ibwariinyaan aniiniin goobiida jeesinga nyaawa, ak geabiidi aniini jeannyaawa.”

Yohaana 20:17

Gwayeeshsha Yeesu niny, “Ading'ng'wanyaan, aba gideaba mii dawa heeda Bwaabwa; asi ng'eada una heeda oorjooga iyya ak giyeeshshi saawa, aniini nascheang'di dawa heeda Bwaabwa nea Ghweandeang'wa gil, heeda Aseetteanyu nea Aseetteang'wa.”

Ruumi 11:36

Aba gideaba headaannyi ea naweedeaba niny ea niny gwaleabu haleanjeessean. Giigheambiitta gammiisa niny ea ghoaw damanda manda muudeanooda. Amin.

1 Goriinto 12:6

Iiduu gwaheelli uurda gadiyeeda, nea Aseetta ea akkalealla dea adoabiiw sean appadahuukka buuneessean.

1 Goriinto 8:6

iiduu aba heedeanya aseasa Aseetta aakkalealla, was Ghweanda, was deaghayi leabu haleanjeessean, ak geepiideewi bwadaydaannyi ak gabiissa gwanda Ng'uttamiinagi, was Yeesu Gristo, ghayi rinna haleanjeessean badaydeaba niny, nea eara aseasa geepiideewi niny.

2 Goriinto 6:16

Neada gwanda neajeemba naaha dageascheeda gheada sibatta Aseetta sea gidamawosa Aseetta? Aba gideaba aseasa geewoschi gheeda sibatta Aseetta majeek; ak gawuurji ginnyaashta Aseetta nea gwayi, “Gaydeabiida jeannyaawa, nea gaydaneayeewa jeanyaawa, ak gaydoaw aniini Aseetta nyaawa, nea ghoaw saawa fugeasu.

Efeeso 1:21

hean goombal fuga ambaliischi sean ea gheambalmeeda ea uurda ea sugoochcheandumeeda, ak ghang'attaawa gheawunga sean ghayi sing'at, ak ea mii aba seaygeeni gil eara diitta jea ghwahiduun;

Efeeso 2:22

aba niny eara agooga geedeekseegwa jeedeaba niny ghoaw heechchea goobiida Aseetta aba jeeda Gurorooda.

Efeeso 3:17

nea goobiida Gristo jeesingeagwa aba naweeda masaweega, ak geng'eapseegwa jeeda barinyeega,

Efeeso 6:23

Gagasa ghwanyas oorjoogiyya hoyyoo ea bariinyeega ea masaweega leabu heeda Aseetta was Bwaabwa ea Ng'uttamiida was Yeesu Gristo.

1 Yohaana 3:24

Buuneessean ang'ng'waay digheannyeakkaaschi goobiitta jeadaannyi, nea goobiida niny jeannyaawa. Aba sareani abeeda geanalli gideaba goobiida jeedeanya, aba Gurorooda ghayi goaneasa.