Efeeso 4:5 - NEAJEEDA EESH BEA BUUNEESSEAN

⁵ Ng'uttamiinagi, masaweega ea agi, giibattiisanda aagi,

Bibliyeeda Ghaydit

⁵ Ng'utamiinagi, masaweega ea agi, giibaatiisanda ea agi,

Efeeso 4:5 Mawu Ofanana

Mattayo 28:19

Asi aweayeena ak ghoanung' ghoaw emoojiga sean giinealanga, nea gobattiisannyi saawa aba gheawunga Aseetta was Bwaabwa, ea gea Balleanda, ea gea Gurorooda Ghaydit.

Gadiyeeda Giijasoodiga 10:36

Ak ghoanalli ng'asheanda ghayi ajeaksa fuga Israeeli, bea rukwiideayda giijasta miy bea hoyyoo aba naweetta bea Yeesu Gristoohiin, (nea niny ea Ng'uttamiida buuneessean,)

Gadiyeeda Giijasoodiga 2:36

Fuga sean bea gheennyea Israeeli, gammiissa ghwanal aba huumwa gideaba Aseetta ninung' ghoaw Yeesuheeni ghayi ongoorjiin Ng'uttamiida ea Gristo.”

Ruumi 3:30

Aba huumwa Aseetta iiyagi, nea dea jea ghoadaw doobiiwnatta fukka siyaat ghasmeahooda aba masaweegeani abeeda gay ghoadaw doobiiwnatta eara fukka mii gaweay ghasmeahoodean aba masaweega.

1 Goriinto 1:13

Heappi neada Gristo gabearshi? Heappi Baulo ghayi geengoor appadahuukkeagwa? Ghana heappi geepaatiisaneegwa aba gheawunga Bauloohi?

1 Goriinto 1:2

Heeda ganiiseeda Aseetta mida Goriinto was fuga ghayi simmiidu aba jeeda Gristo Yeesu, ghayi suguursa ghoaw fuga ghaydidi, sea fuga sean guriisa gheawunga Ng'uttamiideanya was Yeesu Gristo aba heeda wassean. Niny Ng'uttamiida nyaawa gil, ea deanya.

1 Goriinto 12:13

Nea aba Guroroanagi geppaattiisaneasa aba saseanagi, fuga Yahuudi ghanea fuga Giriikki gili, ea ging'ng'oonyanga gil ghanea fuga abal geat gil, hean geanung' ghwaleayda sean Guroroanagi.

1 Goriinto 12:5

Ak gabiissa gwaheelli sinjeandinga gadiyeeda, nea Ng'uttamiida ea agi;

1 Goriinto 8:6

iiduu aba heedeanya aseasa Aseetta aakkalealla, was Ghweanda, was deaghayi leabu haleanjeessean, ak geepiideewi bwadaydaannyi ak gabiissa gwanda Ng'uttamiinagi, was Yeesu Gristo, ghayi rinna haleanjeessean badaydeaba niny, nea eara aseasa geepiideewi niny.

2 Goriinto 11:4

Aba gideaba iihidu siinuut ak gwarukuneegwa Yeesu nuut nyoo ea mii dea ghayi sirukuneegwa, ghana oang'ng'waanya guroroonnuut mawosa dea oang'ng'waanyi, ghana iyoamwaschi giijasta miy nuut mawosa dea ghayi oamwaschiiin, abeeda goosissi mureeda gitta.

Galattiya 5:6

Aba gideaba siida iimiida jeeda Gristo Yeesu gawa ghasmeahooda ghana ea mawa ghasmeahooda aba headaannyi mii gili, gidahaw masaweega mideawa bariinyeega gil.

Efeeso 4:13

ea eeyi bwak ea eanyasa masaweega siguuyeesi ea fughareeda Balleanda Aseetta ak geehittiisi heeda eahuwa headiga, aba gideenda gitteenna hidooda Gristo;

Filippi 2:11

ak gaygaba siisi rukuna ghuutaannyi gideaba Yeesu Gristo Ng'uttamiida gil, aba gigheambiitta Aseetta was Ghweanda.

Filippi 3:8

Aba huumwa ghaanung' ghoaw haleanjeesean gil nirooda aba gitta naawda aba nalooda Gristo Yeesu was Ng'uttamiideanyuun. Appadaydaannyi naanung' gwarooda haleanjeessean, ak ghanung' ghoaw haleanjeeda mwadaagha, ak abeeda ghaanyaschi Gristo

Ditto 1:1

Baulo, soomjeanda Aseetta ea biissa giijasoochcheanda Yeesu Gristo, ak ghaanung' gawa mwadi masaweega fuga loat Aseetta ea fughareeda humeanda mideawa miyinda,

Ditto 1:4

Heeda Ditto jeepteanyu bea huumwa aba naweeda masaweega sippareannyi. Gagasa nyasa dagheerjeandumeeda ea hoyyooyda leabu heeda Aseetta was Bwaabwa ea heeda Gristo Yeesu was lealnoochcheandeanya.

Ebraniya 13:7

Oapkaada fuga ahaaghwaneagwa, fukka rukuneegwa ng'asheanda Aseettean; asikteawana gichchea ghabwat geeshta eaweega nyaawa, ak googali masaweega nyaawa.

Ebraniya 6:6

amaduw ghwayam geaw nea nittambiilan, nea abeeda ea ningoor Balleanda Aseetta aba gidagassiida saawa ak gong'ng'ooysa humng'eeda aba foolda.

Yakkobo 2:18

Ak gaygwayi siyagi, “Ang'iing'i gindeawi masaweega ak geandeawi aniini gadiyoojiga.” Ahiimnaan masaweegaagu mandeawana gadiyoojiga, ak gaydaahiimneey masaweegeasu aba gadiyoojigeasu.

1 Betro 3:21

Gibattiisanda deaschi sea ng'asheesu ghamneawa gwalealneegwa, nea mii gideaba gageandeawa saseeda ririnnyeanda gil geemus Aseetta aba fughareeda miy, aba duunnooda Yeesu Gristo,

2 Betro 1:1

Simon Betro gil, soomjeanda ea giijasoochcheanda Yeesu Gristo, heeda fukka ninyas masaweega uurjeewaneasean, aba doobiiwnata Aseetteanya, ea lealnoochcheanda was Yeesu Gristo.

Yuuda 1:20

Nea agooga, fuga abwariinyi, amajeegiitta appadayda masaweegeagwa ghaydidi muuchchi; nea ghoamwaashchi Aseetta aba Gurorooda Ghaydit;

Yuuda 1:3

Fuga abwariinyi, geagasayi muuchchi dang'oorneegwa iitta lealeanoodeanya bea geallaan, ak ghadaayi ghwahit gideaba geang'oorneegwa nea geamuscheegwa ak geeng'allealleesi masaweega ghayi sugu nibwagi ak ea majeebiikta siittaw fuga ghaydidi.