Efeeso 4:13 - NEAJEEDA EESH BEA BUUNEESSEAN

¹³ ea eeyi bwak ea eanyasa masaweega siguuyeesi ea fughareeda Balleanda Aseetta ak geehittiisi heeda eahuwa headiga, aba gideenda gitteenna hidooda Gristo;

Bibliyeeda Ghaydit

¹³ ea eeyi bwak ea eanyasa masaweega siguuyeesi ea fughareeda Orjeeda ASEETA ak geehitiisi heeda eahuuwa headiga, aba giideenda giteena hidooda Gristo;

Efeeso 4:13 Mawu Ofanana

Mattayo 11:27

Nugoonan Bwaabwa haleanjeessean. Manda siida nal Balleanda geaghus Ghweanda, ghana siida nal Bwaabwa geaghus Balleanda ghana siida wassean gasa Balleanda goohiimsa.

Yohaana 1:16

Aba hidoadaannyi aseasa sinyaschi dagheerjeanduumeeda nea gettaguurji.

Yohaana 16:3

Gaygwasmaneegwa ng'asheesu aba gideaba mwanala Bwaabwa ak amwanalan eara aniini.

Yohaana 17:21

ak abeeda ghwoaw fiisu gilagi; gawuurji gidindeatti jeedeanyu ang'iing'i Bwaabwa, nea geandi aniini jeadaang'u, eara saawa gobiida jeedeanya, ak abeeda ghamwas ng'eanyiida gideaba guwosi siida ghayi ajeaknean.

Yohaana 17:3

Nea eaweega manda mudeanooda ea nii gil, gideaba ghwanalnyi ang'iing'eeda was Aseetta huumwa ea Yeesu Gristoyda ghayi ijeagu.

Yohaana 6:69

aseasa sumwaschi, ak geanalli gideaba ang'iing'i guwosi dea Ghaydit bea Aseetta.”

Gadiyeeda Giijasoodiga 4:32

Nea ghamneawa bareannyeedeaba fukka ghayi mwasiin gaba guroroanagi ak ghanyea manda siida ayi haleanjeessean mideawa ghanyea maygwayi geasu, nii abeeda saawa goobareannyi haleanjeessean.

1 Goriinto 1:10

Geamucheegwa fuga eaduupcheewi aba gheawunga Ng'uttamiida was Yeesu Gristo, gideaba abaloolda gilagi oagasean, nea adagwanda dageascheedeang'wa fuurjeeda, ak gidabal goguuyi aba fughareanagi ea girgweageanagi.

1 Goriinto 14:20

Fuga eaduupcheewi, adoahuuyi diibiga aba fughareengeagwa; ahuuwa diibiga aba ng'asheega munyas, nea aba fughareengeagwa ghoahuuyi fuga hees.

1 Goriinto 2:6

Nea jeeda fuga nihittiisa heeda aba masaweega ginaali weaghuumeeda, earappeadi mii weaghuumeedeaba damani ghana dea fuga ambaliischi aba damani, was gea jea gammuudean gil.

2 Goriinto 4:6

Ak ea Aseetta gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga guroruunatkaasa ak ghoadaw weeshinda fughareeda gigheambiitta Aseetta aba gheamamda Gristo.

Galattiya 4:19

Ea diibigeasu manang'i, geasawani muuchchi aba badahuukeagwa, ea eeyibwak ea ghwadaajiit Gristo aba jeesingeagwa!

Efeeso 1:17

ak abeeda Aseetta Ng'uttamiideanya was Yeesu Gristo, Bwaabwa gigheambiitta, gagasa gagooneegwa gurooroodaannyi bea weaghuumeeda ea dea gidaheechta jea analana niny,

Efeeso 1:23

was saseadaannyi, nea hidoadaannyi gil was dea annyiit haleanjeessean aba jeeda haleanjeessean.

Efeeso 2:15

iiduw nea ghoahiit geandeayda deaweeda aba saseadaannyi aba digheannyeekka ea huumeannyeekka, ak abeeda gwasin siideesh nea gaba geaw ghoaghiisa gea assiyyeenya, ak gwasin hoyyoo,

Efeeso 4:12

ak ghoadaw fuga ghaydidi uurda jea gwasna gadiyeeda Aseetta ak geemajeek saseeda Gristo,

Efeeso 4:3

agassa gideaba gajaguyeena aba Gurorooda nea gearadaneagwa hoyyoo.

Efeeso 4:5

Ng'uttamiinagi, masaweega ea agi, giibattiisanda aagi,

Filippi 3:10

ak abeeda ghaanalli niny ea uurda duunnoadaannyi, ak geawujeewi niny aba jeeda miyeadaannyi.

Filippi 3:8

Aba huumwa ghaanung' ghoaw haleanjeesean gil nirooda aba gitta naawda aba nalooda Gristo Yeesu was Ng'uttamiideanyuun. Appadaydaannyi naanung' gwarooda haleanjeessean, ak ghanung' ghoaw haleanjeeda mwadaagha, ak abeeda ghaanyaschi Gristo

Golosaayi 1:28

Niny geergu aseasa, nea gereekusi giliwas sih nea geannaalji giliwas sih aba weaghuumeeda sean, ak geeyeadu giliwas sih nihissa heeda aba jeeda Gristo.

Golosaayi 2:2

abeeda geemmajeek guroruunatka nyaawa, nea gaguuyi aba barinyeega, ak ghwanyas meanang'oochcheandumeeda sean bea huumwa, ak ghwanal makcheameetta bea Aseetta was Gristohiin,

Ebraniya 5:14

Hamitta hang'waay gaba fuga nihittiisa heeda, nea giikka mideawa fughareengean ea sinnaal sinooda gichchea goheelleatta ng'asheega miyaas ea gea munyas.

2 Betro 1:4

nea niny ea nigooneasa heelleedaannyi haw biissa gaba sheayeeda haw ak abeeda aba nii ghoammuuschi amng'awana munyinda mida jeeda ng'eanyiida aba gitta gasa saseedean, ak ghoahuuyi fuga sin ng'asheega Aseetta.

2 Betro 3:18

Ahissiina heeda aba dagheerjeanduumeeda, ea nalooda Ng'uttamiideanya ea lealnoochcheanda was Yeesu Gristo. Headaannyi gwanda gharbeeda ghamneawa ea ghoaw eaweega manda muudeanooda. Amin.

1 Yohaana 5:20

Ak aseasa geanalli gideaba Balleanda Aseetta goolla ghwahidu, ak gagoaneasa fughareeda eanala ninnyeeda was huumwa; ak aseasa geendi jeadaannyi ninnyeeda was huumwa, aba jeeda Balleandaannyi was Yeesu Gristo. Nii dea was Aseetta huumwa gil, ea eaweega manda mudeanooda.