Efeeso 4:1 - NEAJEEDA EESH BEA BUUNEESSEAN

¹ Asi aniini, geawoschi siida ghealooniga appadayda Ng'uttamiida, geamuscheegwa gideaba oattoabiiwa eaweega deeschi sea gurnooda ghayi suguurneegwa,

Bibliyeeda Ghaydit

¹ Asi aniini, geawooschi siida ghealooniga aba badayda Ng'utamiida, geamuscheegwa gideaba oatoabiiwa eaweega deaschi sea guurnooda ghayi siguurneegwa,

Efeeso 4:1 Mawu Ofanana

Gadiyeeda Giijasoodiga 9:31

Iiduw ganiisa aba jeeda Yudeeyayda sean ea Galilaaya ea Samariya ghwanyas hoyyoo nea gedeegu; hean ghabeawa muuwda aba heeda Ng'uttamiida nea gageanda salagheang'da Gurorooda Ghaydit ak ghoahaada.

Ruumi 11:29

Haleanjeeda sugu ea guurnooda moammu ghwayamwa.

Ruumi 12:1

Asi, geamuscheegwa fuga eaduupcheewi aba baydeayda Aseetta, oattayda sasanuukkeagwa ghoaw haleanjeeda majeekcheewi sigadoowanniida, ghaydit bwariiy Aseetta, nea baditteang'wa bea huumwa gil.

1 Goriinto 4:16

Asi geamuscheegwa, ayeanni geeshteanyu.

2 Goriinto 10:1

Aniini Baulo, geamuscheegwa nea gabwageaw, aba garbabanda ea ng'eeninda Gristo, nea iissa geawoschi ng'eeni aba gheanyangeagwa, nea iyeawoschi sheageewaneegwa geawoschi daruus!

2 Goriinto 5:20

Asi geewoschi fuga sichcheakta bea Gristo, hean gamusiischooweasa Aseetta. Geemearmearanneegwa appadayda Gristo, ottuupcheewana geat Aseetta.

2 Goriinto 6:1

Nea aseasa iisisinnyi gadiyeeda sea niny, hean geemuscheegwa gideaba adiiduw ghoanyaschi dagheerjeandumeeda Aseetta mwadaagha.

Galattiya 4:12

Oorjoogiyya, geamuscheegwa awuurjeewaneani, aba gideaba aniini geawuurjeewaneegwa. Ea manda gilmuy noosinean;

Efeeso 2:10

Aba gideaba aseasa geawaschi gadiyeadaannyi, gwasinneasa naweeda Gristo Yeesu, aba gadiyoojiga miyaas, ghayi bean gwasin Aseetta ammwadi, gideaba eyaada geeshta.

Efeeso 3:1

Aba sareani aniini Baulo, was siida ghealooniga Gristo Yeesu aba badahuukkeagwa agooga fuga Emoojiga,

Efeeso 4:17

Asi gearukneegwa ng'asheanji, aba appadayda Ng'uttamiida, gideaba adoappideatti gidabiideatta fuga Emooji, saawa gootteemsheesa ng'asheega mwadaagha mwahida.

Efeeso 4:4

Saseeda aagi, ea Guroroonagi, gidaghayi siguursiindaneegwa,

Efeeso 5:2

Ak ghoabeawi bariinyeega, gawuurji gidabwariiydaneasa Gristo ak ghoadayda geaw appadahuukkaasa, ak ghoaw haleanjeeda sisappa geadi bea ghadoweeda ng'andit aba heeda Aseetta.

Filippi 1:27

Anung' ghoaw searoojigeang'wa bea eaweega gweatteayyi sea giijasta miy bea Gristo, ama iyaawunnyi dadaheagwa ak ghadayeagwa ghana ea meandani, geagasayi dayiiy appadahuukkeagwa gideaba ghoamiinaadi muuchchi aba jeemba guroroonagi, nea goobeayi fughareanagi nea goong'alealleesi masaweega giijasta miy,

Filippi 3:14

Geamajeekchi beatta dagal heeda gidabuurbuuji jea danyasa gimear jea gwaleabu gurnooda leabu heettiyeada bea Aseetta aba jeeda Gristo Yeesu.

Golosaayi 1:10

ak abeeda gajoommuusa oppideatta gidagasiida Ng'uttamiida nea goosinnyi gichchea goohoosan, ak gibindeang'wa gaygwaji haghweega aba gadiyoojiga miyaas neagoheettu aba fughareeda Aseetta.

Golosaayi 2:6

Asi agooga ghayi ghoodeapti Gristo Yeesu was Ng'uttamiida, asi oppiidana jeadaannyi,

Golosaayi 4:12

Epafrayda was siida jeedeang'wa was soomjeanda Gristo Yeesu, ghoaghadeagwa nea goopkeatteegwa galeagasean nea gwasin badiida aba moashtaannyi bea Aseetta, ak ghoamiinaadi nea sumwaseagwa aba haleanjeetta gasa Aseettean.

1 Desaloniikke 2:12

ak ghoabeadi gidahaguuwdaneegwa aba madeeda Aseetta, ghayi guurneegwa agooga ak abeeda goweayi jeeda sugoochcheandumeadaannyi ea gigheambiittaannyi.

2 Desaloniikke 1:11

Appadaydeaba ng'asheanji, iissa geamwaashchi Aseetta galeagasean appadahuukkeagwa, gideaba gagasa ghwanung' Aseetteanya gahaguuweegwa guurunoadaannyi, ak ghoahiit gilinyoo aamiy gasa ea gadiyeeda masaweega aba uurdaannyi,

2 Dimoteo 1:9

dea ghayi lealneasa ak gaguurneasa aba guurnooda ghaydit nea nii ea mabaysiina aba gissisinyi aseasa ak nii gabaysa ninyi ea dagheerjeandumeedaanyi. Dagheerjeandumeani geegooneasa aba naweeda Gristo Yeesu nea miyeebwat ng'eanyiida.

Ditto 2:10

ak ea adagwajagwadiisachchi, gahaguuw gideaba gayghoahiimu dobiiwnatta huumwa, ak abeeda aba haleanjeessean ghwanyas ginealshooda Aseetta was lealnoochcheandeanya.

Ebraniya 13:21

gagasa gagooneegwa haleanjeessean miyaas ak abeeda goosinnyi gidagasa, nea gagadiiyi aba jeedeang'wa gidagasa niny aba gheanyangaaschi aba naweeda Yeesu Gristo; nea giigheambiitta ea daannyi damanda manda muudeanooda. Amin.

Ebraniya 3:1

Asi fuga eaduupcheewi ghaydidi, siguuyeesi guurnooda humng'eeda, asikteawana Yeesu, was giijasoochcheanda ea ashoohoochcheanda haw masaweagaasa.

1 Betro 2:11

Fugabwariinyi, geamuscheegwa nea goowuurjeewi rabasta ea fuga mang'aw mulsa haleanjeeda gasa saseeda ng'uchchi sea guroruunatkeagwa.

1 Betro 3:9

Adowalliideawi ng'asheanda muy dea muy ghana ging'weakka ea ging'weakka; ghang'wana gidawi ghawooda, aba gideaba geeguurneey appadaydeaba ng'asheanji, ak abeeda ginyasi ghawooda.

1 Betro 5:10

Iiduw nea ghang'atta sawanadeedida gilimwanang', hean Aseetta mideawa dagheerjeandumeeda sean, ghayi guurneegwa apkaani jeeda gigheambiiittaannyi manda muudeanooda aba jeeda Gristo, gaygoodeelu niny, ak goomajeegideegwa.

2 Betro 1:3

Aba gidawaseetta Aseetta ea uurdaannyi gagooneasa easassean haleanjeeda miisa eaweega ea gea maduuppa aseetta, aba naweetta bea fughareadaannyiin ghayi guurneasa jeeda gheambalmeadaannyi miy,

2 Yohaana 1:5

Ak ghamneawa, geamuscheey gheamatta, mii gideaba geang'oorneey digheanda eesh gil, digheanji deaghayi sibean endeawana ammwadiin gil, bea gideaba ebariinnya geadi.