Efeeso 3:5 - NEAJEEDA EESH BEA BUUNEESSEAN

⁵ ak ea meanung' ghwanal balloojiga buuneeda aba seaygoojiga suurja gawuurji gidaghamneawa sittaheachsiinda giijasoodigaaschi ghaydidi ea sibanga aba naweeda Gurorooda;

Bibliyeeda Ghaydit

⁵ ak ea meanung' ghwanal orjooga buuneeda aba seaygoojiga suurja gawuurji gidaghamneawa siitaheachsiinda giijasoodigaaschi ghaydidi ea sibanga aba naweeda Guroorooda;

Efeeso 3:5 Mawu Ofanana

Mattayo 13:17

Aba huumwa geayeeshshineegwa sibanga saang'a ea fuga doobiiweadi ghayi gagaseadayi deakteaba ng'asheesu ghamneawa oadayiin, ak ea mwadaaha, nea ghwayiiy ng'asheesu ghamneawa oayinyiin ak ea mwayiinya.

Mattayo 20:7

Geeyeeshsha saawa, ‘Gweagu gideaba manda siida goaneasa gadiyeeda.’ Gwayeeshsha Siidida saawa, ‘Aweayeena eara agooga ak goosinynyi gadiyeeda aba jeeda madamnyeanda misabiibu.’

Mattayo 23:34

Ak gaydeajeagu sibanga ea weaghoodiga ea ng'oorshoodiga, mwaatkwa gajanuuseada nea goongoorsi iheenga beehajeega, nea suurja gajabwara aba jeesinga ghoorajeegeagwa siinnealshachcheewa nea ghoahoannyi aba gilinyoo ea mujiini,

Lukka 10:24

Aba gideaba geayeeshshineegwa, sibanga ea sugoodiga ghayi gagasa ghwadaa ng'asheesu oadaayiin ak ea mwadaaha, nea gagasa ghwayiiy gea oayiinyi ak amwayiinya.”

Lukka 11:49

Ak gwayi weaghuumeeda Aseetta, ‘Gaydeajeakta sibanga ea giijasoodiga ak gaygwanuuseada mwatkwa nea geesawan,’

Yohaana 14:26

Nea Weedaneeni, was Gurorooda Ghaydit jea gojeagu Bwaabwa aba gheawungeasuun, gayghoanaleagwa haleanjeassean, nea gopkeanneegwa ng'asheega sean earukuneegwa.

Yohaana 16:13

Amahidu Gurorooda huumeanda gayghoadoabiweagwa ea ghoahittaneagwa jeeda humeanda sean, aba gideaba maygabaloola gheambalmeadaannyi, niny gaygwarukuneegwa ng'asheega iiy ak gay gwarukuneegwa ng'asheega jea ghwahidu.

Gadiyeeda Giijasoodiga 10:28

gwayeeshsha fukkeanji, “Agooga goobay anala gideaba gilinyoo ea siida Yahuudi gil mwahida gideaba gay gaguuy sea fuga emoojiga suuk; nea aniini aniihiimnaani Aseetta gideaba adeaguuri siida wassean siida geallaan ghana gili bea ririnyaan.

Ruumi 16:25

Asi ghamneawa siitta ammu goomajeegeegwean, aba gitteascheetta sea giijasteanyu miy ea gissurukkwiideayda Yeesu Gristo, ak gwadeaschi sea gidaheachta makcheameetta ghayi funyaat ng'eada deaghayi bea garayiin,

1 Goriinto 2:10

Aseetta niihiimneasa aseasa aba naweeda Guroorooda. Aba gideaba Guroorooda iissa ghwanal haleanjeessean, eara haleanjeeda mida jeeda Aseetta.

Efeeso 2:20

sideeksa badayda sindeatta ghayi bea giijasoodiga ea subanga, ak Gristo niny ea lagheaneeda haw washiini,

Efeeso 3:9

ak ghwanung' ghwadaa buuneeda sean badiida makcheameeda ghayi sufuy aba gweannyeekka aba heeda Aseetta sin haleanjeessean;

2 Betro 3:2

ak ghoopkaachi ng'asheega ghayi rugu sibanga ghaydidi ea diigheandida bea Ng'uttamiida ea lealnoochcheanda aba naweeda giijasoodigeagwa.

Yuuda 1:17

Asi agooga fugeasu abwariinyi, oapkaada, ng'asheega ghayi bay gwargu giijasoodiga Ng'uttamiideanya was Yeesu Gristo;