Efeeso 3:3 - NEAJEEDA EESH BEA BUUNEESSEAN

³ gidanung' danalda makcheameeda aba giidaheachta gawuurji gidang'waardi nea ghanuwasichi.

Bibliyeeda Ghaydit

³ gidanung' danalda makcheameeda aba giidaheachta gawuurji gida aang'oardi nea ghaanuwaasiichi.

Efeeso 3:3 Mawu Ofanana

Gadiyeeda Giijasoodiga 22:17

“Iiduw nea geebiikti Yerusaleemu ak ghamwaaschi Aseetta aba jeeda gheeda sibatta Aseettean, hean geargweadayi

Gadiyeeda Giijasoodiga 22:21

Ak gwayeeshshinean, ‘Una aba gideaba gaydeajeaktaneey heeda sheagi was ng'eanyiida Emoojiga.’”

Gadiyeeda Giijasoodiga 23:9

Hean ghoahaada giijuureanda; ak ghamiinaada ng'oorshoodiga mwaatka bea Farisayu ak ghoaniikgh nea gwayi, “Aseasa meadaahi gilimuy aba heedeaba siisi. Siisi ideeppa eaniibalool gurorooda ghana malaykajeanda abeeda gwanda naaha?”

Ruumi 11:25

Asi awosa milmili aba ghwarjeedeang'wa, geagasayi anala gili funyaadiin, fuga eaduupcheewi: nihidu hang'ooynatta badahuukka fuga Israeeli, ea ghwahitta monneeda Emoojiga hidu.

Ruumi 16:25

Asi ghamneawa siitta ammu goomajeegeegwean, aba gitteascheetta sea giijasteanyu miy ea gissurukkwiideayda Yeesu Gristo, ak gwadeaschi sea gidaheachta makcheameetta ghayi funyaat ng'eada deaghayi bea garayiin,

2 Goriinto 12:1

Asi gaydaghwar geaw; earappeadi manda gichchea danyagaadawa, ak gajeahhiimnaan nea geattahaach Ng'uttamiida.

Galattiya 1:12

Aba gideaba mwaanyasani hichpa sii, ak ea moanalaan sii, gwaleabu naweeda giidaheachta Yeesu Gristo.

Efeeso 1:17

ak abeeda Aseetta Ng'uttamiideanya was Yeesu Gristo, Bwaabwa gigheambiitta, gagasa gagooneegwa gurooroodaannyi bea weaghuumeeda ea dea gidaheechta jea analana niny,

Efeeso 3:4

Ak iyoassoomi ng'asheesu ang'waarjiin, abeeda gajajeeng'ni gidaanaldi gili funyaat bea Gristohiin,

Efeeso 3:6

nea gideaba, fuga Emoojiga fuga jea gwahearaniischi gil ea aseasa aba hearaniischoonagi, nea gaba saseanagi, nea geeguuyeesi heelleesindaannyi mida jeeda Gristo Yeesu aba naweeda Giijasta Miy.

Efeeso 3:9

ak ghwanung' ghwadaa buuneeda sean badiida makcheameeda ghayi sufuy aba gweannyeekka aba heeda Aseetta sin haleanjeessean;

Efeeso 6:19

ak gwasnu earaba heedeanyu, ak abeeda ghammuuschi darukuta iyajaachchi ghuutteanyu ak gearukuti makcheameeda funyaat bea giijasta miy,

Golosaayi 2:2

abeeda geemmajeek guroruunatka nyaawa, nea gaguuyi aba barinyeega, ak ghwanyas meanang'oochcheandumeeda sean bea huumwa, ak ghwanal makcheameetta bea Aseetta was Gristohiin,

Golosaayi 4:3

ak ghoamwaschi Aseetta appadahuukkaasa, ak goottinneasa Aseetta gidaghuut aba ng'asheanda, ak geerukuti gitta funyaat bea Gristo ghayi siyiissean ghealoonigean,

Ebraniya 13:22

Geamuscheegwa, fuga eaduupcheewi, oang'ng'waanya ng'asheandeanyu jea goomajeegeegwa, aba gideaba ng'asheesu geang'oorneegwa nea ghanuwaaschi.

1 Betro 5:12

Geang'oorneegwa barawajeanji nea ghaweadan Silwaano, niny ghaadaayi oorjeediyya doabiiwaat gil, ak geang'ayiichchi ng'asheesu bea reekusiindean nea geargu gideaba nii dagheerjeandumeeda huumwa gil bea Aseetta; amiinaada appadaydeaba nii nea gowoschi majeekcheewi.

2 Betro 3:15

Ak agooga ghwaanali gideaba gidamilighteayda Ng'uttamiideanya gay gwasmaneegwa lealeanooda, ak eara oorjeeda giyeanya subwariiy was Baulo gang'oorneegwa aba weaghuumeetta siitaw ninyiin,