Efeeso 2:3 - NEAJEEDA EESH BEA BUUNEESSEAN

³ aba suu ghayi earaseasa sippiidi eesasean jeeda haleanjeeda gasa sasanuukkaasa, nea geayaachchi geeshta haleanjeeda gasa saseeda ea uhuuda, nea geebean eewosa diibiga nyarasta, ak geewuurjeewi fuga mwaatkwa.

Bibliyeeda Ghaydit

³ Aba suh ghayi eara aseasa siipiidi eesa sean jeeda haleanjeeda gasa sasanuukaasa, nea geayaachi geeshta haleanjeeda gasa saseeda ea uhuuda, nea geebean eewoosa diibiga nyarasta, ak geewuurjeewi fuga mwaatkwa.

Efeeso 2:3 Mawu Ofanana

Marko 4:19

iiduw ghwahidu mittagheasta muunda ng'eanyiida bea geaba gassooda baruureega, ea sechmeeda seach saawa gilinyoo ghwariis ng'asheandida, ghwanung' ea mudugwaji haghweega.

Yohaana 1:13

Fuga meejiilana naweeda geallaan, ghana gidabwariiyda saseeda, ghana gidabwariiyda siida, geaghus Aseetta.

Yohaana 8:44

Agooga gobeayi ghweandeang'wa was Meang'nyeandeenda ak iissa googasayi asna gitta bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madobiiwsiina humeanda aba gideaba manda jeadaannyi humeanda. Iissa irugu ng'uyyeega gwargu aba gitta biit siratta ninyiin, aba gideaba niny gaba ng'uyya, ak ea ghweanda ng'uyyeega.

Gadiyeeda Giijasoodiga 14:16

Ghayi garay Aseetta ghwanung'waada gilinyoo ea emoojiga gil gwasin gidagasa;

Ruumi 1:24

Iiduw ghwanung'waada Aseetta goobiida jeeda haleanjeeda bwariiy guroruunatka nyaawa ak gwasin ririnnyeanda, ak gwajakteaysa sasanuukka nyaawa mureeda.

Ruumi 11:30

Gawuurji gidaghayi moosissiindani Aseetta mureeda iiduw ghamneawa anoanyaschi baydeayda aba nyootta nyaawa bea mureeda;

Ruumi 13:14

Ookweala Ng'uttamiida was Yeesu Gristo, nea adoong'ulayi ng'asheega saseeda ghana asna gidagasa.

Ruumi 2:14

Aba gideaba fuga Emoojiga mandeawana deaweeda aba gealaan was gidagasa deaweeda, niiw deaweeda aba heannyaawa, earappeadi mandeawana deaweeda.

Ruumi 5:10

Aba gideaba damanda duuw eawooseewana weajoodiga geettuupchaneasa sea Aseetta aba miyeeda Balleandaannyi, raanya muuchchi, iing'atta giduupcheeda geelealneasa aba jeeda aweagaaschi.

Ruumi 5:9

Ak gay ghwaraanya iisugooneasa doobiiwnatta aba foojeandaannyi, ak ghwaraanya muuchchi gajeelealnaneasa jeedeaba nyarastida bea Aseettean appadaydaannyi.

Ruumi 6:12

Asi adagoombal ring'eeda sasanuukkeagwa ammu gameewa, nea ghoamwaschi gitta gasean.

Ruumi 7:18

Asi ghaanalli gideaba jeedeanyu manda gidamiy, nii aba saseedeanyu. Iissa geagasayi dasin gil doabiiw, ak ea maydasin.

Ruumi 9:22

Asi naaha iigasa Aseetta ghoahiimu nyarastaannyi nea ghwanung' eanala uurdaannyi, ak ghamilikghta muuchchi nea ghwarjeang'da aba dabitiida nyarasta sisissa nyaroodean,

1 Goriinto 4:7

Ghwadaah ng'eaha gidawassean sajaadawaat aba jeedeang'wa? Ak gondeawi naaha ghayi moanyasi? Ama ghayi oanyaschi, ghwasaan inyas ghoaghwarji geat ea gawuurji gili megooneegwa?

2 Goriinto 7:1

Iinukkwa gendeawi hellesiini fugeasu abwariinyi, abeeda ghang'wana geehhuunnyi geat aba ririnnyoojiga sean bea saseeda ea gurorooda nea geemmajeekchi ghaydidanda aba gheawalmeeda Aseetta.

Galattiya 3:22

Nii nibean gwargu Ng'ooruutka gideaba nijooriischi ring'eeda aba ng'eanyiisean geettaajiitunu aba gideaba fukka mwas Yeesu Gristohiin gayghwanyas heelleesiindida ghayi siruksean aba masaweega.

Efeeso 2:2

was gea ghayi oayaachchi geeshta nea goommaseawji seareetta bea ng'eanyiidean, nea ghoayaachchi geeshta sugoochcheanda mideawa uurda humng'eeda, gurorootta ghamneawa sin gadiyeeda aba jeeda balloojiga fuga manda mureedean.

Efeeso 4:22

Oappuuda searoojigeagwa bea garayi bea giibinda biissa eamuy aba haleanjeeda sigaseadayyi reengani fih,

Golosaayi 1:21

Nea ammwadi agooga ea sihheelleweegwa nea gowoschi munyas fughareen, nea gosinnyi sinaweega munyas,

1 Desaloniikke 4:13

Fuga eaduupcheewi asi aseasa meegassi amoanali gil, aba iitteaba fukka nimeewean, ak abeeda ea mogiisandani fuga mandeawana rarooda.

1 Desaloniikke 5:6

Asi adeelilli ruweanga, ea ewuurjeewana buuneeda mwaatkwa, asi eang'ng'weerna, nea geetteennyi.

1 Dimotteo 6:9

Ak fukka gasa meanang'oocheandumeedean gay ghwahitta jeeda simsimda ea jeeda gadageeda ea jeeda ng'asheega munyas mabwa gil bea leendeeda nung ghwahitta buuneeda jeeda roodaweega.

Ditto 3:3

Aba gideaba ghayi ammwadi geewoschi dasheahi, ak ea meendeawani mureeda ak geewoschi roodanga, ea ging'ng'oonyanga aba miyeenooda muunda ng'eanyiida, nea geeppiidi jeeda ng'asheega munyas, ea lajoodeaba ghuut, nea ghwasteagwa buuneeda nea goostayi geat agooga;

1 Betro 1:14

Awuurjeewana diibiga mideawa mureeda, ak adagudoobiiksi jeeda ng'asheegeagwa munyas bea mwadi bea leendeedeang'wa,

2 Betro 2:14

gheanyanga nyaawa ghwannyiit hiseadayeandumeeda, ak ea malang'uutta aba ring'eeda. Iissa gwareengani jeesinga ng'arng'ari. Ak gwandeawa gurooruunatka sinnaal shidoodeaba ghaang'. Diibiga sumwaashta!

2 Betro 2:18

Aba gideaba iissa gwargu ng'asheega hees bea ghwarjeeda, aba haleanjeeda gasa saseeda aba munyinda iissa gwareengani buuneeda mang'awa heeda fuga abiida jeeda ramaseanda.

1 Yohaana 2:16

Aba gideaba haleanjeessean mida muunda ng'eanyiida, was haleanjeeda gasa saseeda ea haleanjeeda gasa gheanyanga ea ghwarjeeda eaweega, suu maleapna heeda Ghweanda, gwaleabu heeda ng'eanyiida.

1 Yohaana 2:8

Ak geang'oorneey digheandeesh bea huumwa aba jeadaannyi ea jeedeang'wa, aba gideaba misaneeda ning'atta ak ea niiboong'u weeshinda huumwa.