Efeeso 2:18 - NEAJEEDA EESH BEA BUUNEESSEAN

¹⁸ aba niny aseaseen seaniin simmuuschi eeneekkiisiinana Bwaabwa aba guroroonagi.

Bibliyeeda Ghaydit

¹⁸ aba niny aseaseeni seaniin siimuuschi eeneekiisiinana Bwaabwa aba gurooroanagi.

Efeeso 2:18 Mawu Ofanana

Mattayo 28:19

Asi aweayeena ak ghoanung' ghoaw emoojiga sean giinealanga, nea gobattiisannyi saawa aba gheawunga Aseetta was Bwaabwa, ea gea Balleanda, ea gea Gurorooda Ghaydit.

Yohaana 10:7

Gabiikta Yeesu gichcha ak gwayeeshsha, “Aba huumwa, aba huumwa, geayeeshshineegwa, aniini geawoschi gidaghuutta gisilga.

Yohaana 10:9

Aniini geawoschi gidaghuut, siida iiweah gah nea gwasku heedeanyu gajeelealu, gaygawa gah nea gwardu ak abeeda gayghwanyas haghweeda.

Yohaana 14:6

Gwayeeshsha Yeesu niny, “Aniini geawoschi naweeda, ea humeanda, ea eaweega; siida moammu gawa heeda Bwaabwa, geaghus gwasku heedeanyu.

Ruumi 5:2

Nea appadaydeabwa niny ea sinyaschi naweeda dagheerjeandumeeda ghamneawa simiinaadawiin, nea geehoosannyi aba rarooda gigheambiitta Aseetta.

Ruumi 8:15

Aba gideaba ghayi meegoaneagwa gurorooda ging'ng'oonyaneandumeeda jea gweadu muuwda, ghayi geegooneegwa gurorooda jea ahuuweewana balloojiga. Nea geeyeawdi, “Bwaabwa! Bwaabwa!”

1 Goriinto 12:13

Nea aba Guroroanagi geppaattiisaneasa aba saseanagi, fuga Yahuudi ghanea fuga Giriikki gili, ea ging'ng'oonyanga gil ghanea fuga abal geat gil, hean geanung' ghwaleayda sean Guroroanagi.

1 Goriinto 8:6

iiduu aba heedeanya aseasa Aseetta aakkalealla, was Ghweanda, was deaghayi leabu haleanjeessean, ak geepiideewi bwadaydaannyi ak gabiissa gwanda Ng'uttamiinagi, was Yeesu Gristo, ghayi rinna haleanjeessean badaydeaba niny, nea eara aseasa geepiideewi niny.

Galattiya 4:6

Iiduw inoawoschi balloojigaaschi hean goojeagu Aseetta Gurorooda Balleandaannyi jeesingaasa, ayeawda nea gwayeena, “Aba! nea gideaba Bwaabwa gil!”

Efeeso 3:12

nea aba niny geendeawi dargooda nea geammuughu beatta aba masaweegaasa aba jeedeaba niny.

Efeeso 3:14

Ak aba sareani geatkunyi aba madeeda Bwaabwa,

Efeeso 4:4

Saseeda aagi, ea Guroroonagi, gidaghayi siguursiindaneegwa,

Efeeso 6:18

Amwaasha Aseetta damannyoojiga sean aba jeeda Gurorooda aba mooshta sean bea Aseetta ea baditta. Ak ghoang'ng'wearu nea ghoashng'u aba baditta Aseetta appdahuukka fuga ghaydidi sean,

Golosaayi 1:12

nea goobadischeesi Bwaabwa nung' eammuusa eanyasa gheatta hearaniischooda sea fugaaschi ghaydidi aba jeeda weeshinda.

Ebraniya 7:19

(aba gideaba deaweeda manda gissin ak gamajeegiit); aba meatkweanagi, ea sugu gidamiy sirarji, aba nii ea sineekkiissi Aseetta.

Yakkobo 3:9

Aba nii geebadiischeesi Ng'uttamiida was Ghweandeanya, nea aba nii iissa geamoashti buuneeda, ghayi sisin ea eegala Aseetta.

1 Betro 1:17

Agooga iyoomwashchi awuurjeewana Bwaabwa jea goorgweaksa giliwas sii nea manda shiitmeeda aba giduurji sinaweagaaschi, asi abeawana muuwda damandeang'wa oowosi mang'aweannyeekka.

1 Betro 1:21

Nea appadaydaannyi gondeawi rarooda aba heeda Aseetta, ghayi aduunna niny jeeda miyeeda, ak ghoadaw giigheambiitta, ak eara masaweegeagwa ea raroodeang'wa gwanda heeda Aseetta.

1 Betro 3:18

Aba gideaba Gristo eara niny ghami nibwagi appadayda ring'eeda, ninnyeeda doabiiwaat appadayda gea mii doobiiweadi, aba gideaba gweanneassa heeda Aseetta ak geenuus saseadaannyi nea guroroodaannyi geettuudu;

Yuuda 1:20

Nea agooga, fuga abwariinyi, amajeegiitta appadayda masaweegeagwa ghaydidi muuchchi; nea ghoamwaashchi Aseetta aba Gurorooda Ghaydit;