Efeeso 2:1 - NEAJEEDA EESH BEA BUUNEESSEAN

¹ Ak gagooneegwa eaweega, nea abeeda ea noomeewayi aba gidinyeannyeekka ea ring'eega,

Bibliyeeda Ghaydit

¹ Ak gagooneegwa eaweega, nea abeeda ea noomeewayi aba giidiinyeanyeeka ea riing'eega,

Efeeso 2:1 Mawu Ofanana

Mattayo 8:22

Ak gwayeeshsha Yeesu, “Eanni geeshteanyu, nung'waada fuga nimeewa gabuy muscheekka nyaawa.”

Lukka 15:24

aba gideaba balleanji iitteanyuun ghayi nimi, ak ghamneawa ea niduudu; ghayi niroat ak ghamneawa ea sinyas.’ Ak geebiissa eang'ng'eat hooseaneega.”

Lukka 15:32

Ak gichcha iisihoosan ghwahit geeng'weala aba gideaba orjeeni bea geamaduun ghayi nimi, ak ghamneawa ea niduudu, ghayi niiroat, ak ea sinyas.’”

Yohaana 10:10

Mareanghweanda iissa ghwaan gwajawadiischi nea gwanuus nea ghwadattas; aniini ghaawunnyi ghwanyasa eaweega ea ghwanaawda.

Yohaana 14:6

Gwayeeshsha Yeesu niny, “Aniini geawoschi naweeda, ea humeanda, ea eaweega; siida moammu gawa heeda Bwaabwa, geaghus gwasku heedeanyu.

Yohaana 5:21

Gawuurji gitta aduuttideayda Bwaabwa fuga meewa ak gabiikta ghoadaw eaweegean, eara Balleanda iissa ghoadaw eaweega fukka gassean.

Yohaana 5:25

Aba huumwa, aba huumwa, geayeeshshineegwa, ghwaan damanda ak ghamneawa gwanda, ak gaygabiissa ghwayiiy fuga nimeewa ghuutta Balleanda Aseetta, amaduw fukka jeagwayiing'shiin gayghwanyas eaweega.

Ruumi 8:2

Aba gideaba deaweedeeda Gurorooda eaweega mida jeeda Gristo Yeesu nigoonan gibaldeaba geaw, aba heeda deaweedeeda ring'eeda ea miyeeda.

1 Goriinto 15:45

Gawuurji gissung'waarda bea gideaba, “Siida madeeda was Adam ghoaw siida mideawa eaweega,” nea Adamooda huydean ea Gurorooda adawi buuneeda eaweega gil.

2 Goriinto 5:14

Aba gideaba bariinyeega Gristo iissa gwasinneasa uurda aba gideaba aseasa sumwaschi gideaba siyagi ghayi ghami appadahuukka buuneessean; asi abeeda ea nimeewa sean.

Efeeso 4:18

ak fughareenga nyaawa ea sunung' gamisaniidi, ak ea sihheelli sea eaweega Aseetta, aba leendeeda mida jeanyaawa nea gwasin hang'ooynachcheeka jeesinga nyaawa;

Efeeso 5:14

Hean ghoaw gidasirukuna ng'asheanji bea gideaba, “Ng'eada ang'iing'eeda ing'utti ghaat, duunana heeda fuga nimeewa, ak Gristo gaygagoonnyi weeshinda.”

Golosaayi 2:13

Hean agooga, goomeewayyi aba riing'eegeagwa ea aba sasanuukkeagwa meayaada ghasmeahooda, iiduw ghoadaw Aseetta eaweega sea niny, ak ea nisamseasa riing'eagaasa sean,

1 Dimotteo 5:6

Nea masinung'weanda moammu ghoong'ng'waay geaw aba ng'asheega munyas nii niimi eara eeng'ula nea gudea majeek.

1 Yohaana 3:14

Aseasa geanalli gideaba sisuuchchi miyeeda ak geeweayi jeeda eaweega, aba gideaba geabwariinyi fuga suduupcheewi. Nea damwabwariinya goobiida jeeda miyeeda.

Giidaheechta 3:1

“Heeda malaykajeanda ganiiseeda Sardi ng'waara: ‘Suh ng'asheega ninyeeda mideawa guroruunat ispwa bea Aseetta ea miinga assispwaan gil.’ ‘Ghaanalli gadiyoojigaagu; gideaba gindeawi gheawunga majeeknatta, nea nimeawi.